JOHN 17:8 - Hakcipta - Biatah Bidayuh

⁸ Agah adi Kaam ko nggen di Aku, Aku ko nggen di ngara, ka ngara mbŭh kambat-i. Ngara puan Aku sawŭ mandŭg so Kaam, ka ngara sabah Kaam sawŭ adi bada Aku mandŭg.

JOHN 17:8 ပူးပေါင်းရင်းမြစ်များ

PITAS 1:23

Dingah kan aku nyara ngajar angān; aku re nggen di angān pinyitayan adi kana ka samah pinyipuan ku ngga angān.

PITAS 1:3

Pitas ati dapŭd ngajar angān udip pitar ka udip jujur, tŭnggŭn, ka batur.

PITAS 2:1

Birajar kayuh adi aku ngajar di kuu, nak, ka dŭhnyah kambŭt kayuh adi aku kidaan di kuu bada ndai.

PITAS 4:10

Dingah pinganang ku, nak. Mbit bat di kayuh adi aku kidaan di kuu, isa kuu tui udip.

PITAS 8:10

Gruwŭn ajar ku rabis so pirak; gruwŭn pinyipuan rabis so mas adi siabo brega.

MATTHEW 13:11

Jesus nam, “Kuasa ngga puan rusia pasar munki Tapa mritah mbŭh dog nggen di angān, pak dŭh di ngara.

JOHN 12:49

Kayuh ati sawŭ, sabab Aku minyu dŭh so kuasa adŭp Ku, pak Sama adi pait Aku ko pesan di Aku kayuh adi dŭh siŭn dŭh Aku minyu ka nang.

JOHN 14:10

Dŭh kah kuu sabah Aku agi darŭm Sama, ka Sama agi darŭm Aku? Pinganang Ku anŭ,” Jesus nang di bara murid-I, “dŭh inŭh so adŭp Ku. Sama, adi rŭŭ darŭm Aku, inŭh adi ndai kraja-I.

JOHN 15:15

Aku dŭh tia bagan angān daya-gaji, sabab daya-gaji dŭh puan kayuh adi tuan-i ndai. Pak Aku bagan angān dingan, sabab Aku mbŭh kidaan di angān sopŭrŭg kayuh adi Aku mbŭh dingah so Sama Ku.

JOHN 16:27

amai adŭp Sama mbŭh rindu angān. Ayŭh rindu angān sabab angān rindu Aku ka mbŭh sabah Aku taŭn mandŭg so Tapa.

JOHN 16:30

Madin kieh puan nang Kaam sawŭ puan sopŭrŭg kayuh, ka kieh dŭhsah tia siken kayuh di Kaam. Sabab anŭ, kieh sabah Kaam sawŭ mandŭg so Tapa.”

JOHN 17:14

Aku mbŭh nggen pinganang Mai di ngara, ka ong tiru di ngara, sabab ngara dŭh tung ong, nimun Aku dŭh tung ong.

JOHN 17:18

Aku pait ngara di ong, nimun Kaam mbŭh pait Aku ka ong.

JOHN 17:21

Aku simayang isa ngara jadi ndi. Sama! Aku mite ngara jadi ndi darŭm Ata, nimun Kaam agi darŭm Aku ka Aku agi darŭm Kaam. Aku mite ngara jadi ndi, isa ong bisa sabah nang Kaam sawŭ mbŭh pait Aku.

JOHN 17:23

Aku darŭm ngara ka Kaam darŭm Aku, isa ngara bisa batur jadi ndi, ka isa ong bisa puan nang Kaam mbŭh pait Aku ka puan nang Kaam rindu bara pinunda Ku nimun Kaam rindu Aku.

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

JOHN 3:17

Amai Tapa dŭh pait Anak-I ka ong da ngukum daya; Ayŭh pait Anak-I da jadi Pinyikudip ngara.

JOHN 3:33

Pak daya adi sabah pinganang-I mbŭh natu so dieh nang Tapa agi sawŭ.

JOHN 6:68

Simon Peter nam, “Tuhan, ka yŭn asi kieh re bu? Kaam biyŭn pinganang adi nggen udip adi sawŭ adi tan adu adu.

JOHN 8:42

Jesus nang di ngara, “Kambŭi Tapa sawŭ Sama ngan, angān rindu Aku, sabab Aku mandŭg so Tapa ka madin mbŭh agi digiti. Aku dŭh mandŭg ngga pinyiraan adŭp Ku, pak Ayŭh inŭh adi pait Aku.

1 CORINTH 11:23

Amai aku mbŭh trima so Tuhan ajar adi aku ko nggen di angān: Tuhan Jesus, di ngarŭm Ayŭh dog jua, mbit ndi kiping ruti,

1 CORINTH 15:1

Ka madin aku raan angān ingat, bara dingan ku, Agah Kana anŭ adi aku ko nyuse di angān, adi angān kambat, adi yŭn pinyabah ngan bidigŭng tagap.

DITRONOMI 18:18

Aku re pait ndi naan nabi adi mun kuu ka yŭn ngara so ruang bangsa adŭp ngara. Aku re kidaan di ayŭh kayuh adi re-i nang, ka ayŭh re kidaan di ngara sopŭrŭg kayuh adi Aku pesan.

1 THESSALONICA 2:13

Ka agi gŭh sabab adi bŭkŭn adi bada kieh siraru nggen trima kaseh di Tapa. Kan kieh taban ka angān agah so Tapa, angān dingah ka kambat-i dŭh mun daya kambat agah so manusia, pak kambat-i nimun agah adi sawŭ so Tapa. Amai Tapa agi nyiraja darŭm angān adi sabah.

1 THESSALONICA 4:1

Sikasŭn-i, bara dingan, angān muko birajar so kieh simuki patut udip ngga pimunos asŭng Tapa. Sawŭ, anŭ taŭn mbŭh aran pimudip ngan. Ka madin kieh mite buang ngatat angān, ngga adŭn Tuhan Jesus, ndai rabis so adi mbŭh.

1 JOHN 4:14

Ka kieh mbŭh kiris ka kidaan di daya bŭkŭn Sama ko pait Anak-I da jadi Pinyikudip ong.

PINANDŬNG 1:1

Surat ati inŭh di yŭn kayuh kayuh adi Jesus Kristus pinandŭng dog nuris. Tapa nggen di Ayŭh pinandŭng anŭ ngga kiren di bara urun-I kayuh adi re rikas jadi. Kristus bada urun-I John puan kayuh kayuh anŭ so malaikat-I adi-I pait ka ayŭh,