JOHN 17:6 - Hakcipta - Biatah Bidayuh

⁶ “Aku mbŭh kidaan pasar Kaam di sopŭrŭg daya so ong ati adi Kaam mbŭh nggen di Aku. Ngara mbŭh tung jamai, ka Kaam mbŭh nggen ngara di Aku. Ngara mbŭh tunda pinganang Mai,

JOHN 17:6 ပူးပေါင်းရင်းမြစ်များ

MAZMUR 119:11

Aku nyikŭn ukum-adat Mai darŭm atin ku, isa aku dŭh bidosa rawan Kaam.

MAZMUR 22:22

Aku re kidaan di daya ku kayuh adi mbŭh Mai ndai; aku re muji Kaam di tika ngara tikuruk:

PINYIRUAH 9:16

Pak ngga Aku kiren kuasa Ku di kuu, Aku mbŭh tandah kuu udip isa Adŭn Ku dog puan di ndi ong ong.

PITAS 2:10

Kuu re jadi bijak, ka pinyipuan mu re pimunos asŭng mu.

PITAS 23:23

Pinyawŭ, pinyibijak, ajar, ka pinyimirati; sopŭrŭg-i bisa dog miris pak raru brega re nŭŭh jua.

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

JOHN 12:28

Sama, nyibragah meh adŭn Mai!” Ka sirŭŭn minyu, nang so rangit, “Aku mbŭh nyibragah-i, ka re nyibragah-i dinge.”

JOHN 15:19

Kambŭi angān tung ong, ong taŭn-i rindu angān adi mbŭh tung adŭp-i. Pak Aku mbŭh mien angān so ong ati, ka angān mbŭh dŭh tung ong; anŭ inŭh sabab-i tiru di angān.

JOHN 15:3

Angān mbŭh bisig sabab ajar adi Aku ko nggen di angān.

JOHN 15:7

Kambŭi angān rŭŭ darŭm Aku ka pinganang Ku rŭŭ darŭm angān, angān bisa mite tadŭ tadŭ kayuh adi angān raan, ka angān re dapŭd-i.

JOHN 17:12

Sitadŭn Aku agi ngga ngara, Aku kingat ngara ngga kuasa adŭn Mai, adŭn adi Kaam mbŭh nggen di Aku. Aku mbŭh grindung ngara, ka ndi so ngara mating gŭh manyap, adŭ-i sianŭ adi taŭn re manyap. Ayŭh mbŭh simŭnŭ, isa pinganang Surat-kudus jadi bitŭtŭk.

JOHN 17:14

Aku mbŭh nggen pinganang Mai di ngara, ka ong tiru di ngara, sabab ngara dŭh tung ong, nimun Aku dŭh tung ong.

JOHN 17:16

Nimun Aku dŭh tung ong, ngara dŭh tung ong.

JOHN 17:2

Kaam mbŭh nggen kuasa tunduh sopŭrŭg bangsa manusia di Ayŭh, isa Ayŭh nggen udip adi sawŭ adi tan adu adu di sopŭrŭg ngara adi Kaam ko nggen di Ayŭh.

JOHN 17:24

“Sama! Kaam mbŭh nggen ngara di Aku, ka Aku raan ngara agi ngga Aku di yŭn Ku rŭŭ, isa ngara bisa kiris bragah Ku, bragah adi Kaam mbŭh nggen di Aku; amai Kaam mbŭh rindu Aku sibayuh ong jadi.

JOHN 17:26

Aku mbŭh piagah adŭn Mai di ngara, ka re adu adu ndai simŭnŭ, siŭn pinyirindu Mai di Aku bisa gŭh agi darŭm ngara, ka isa Aku bisa gŭh agi darŭm ngara.”

JOHN 17:7

ka madin ngara mbŭh puan nang sopŭrŭg kayuh adi Kaam mbŭh nggen di Aku agi mandŭg so Kaam.

JOHN 18:9

Ayŭh nang sakanŭ isa kayuh adi-I ko nang jadi bitŭtŭk: “Sama, ndi so ngara adi Kaam mbŭh nggen di Aku mating gŭh manyap.”)

JOHN 6:37

Sopŭrŭg daya adi Sama mbŭh nggen di Aku, re mandŭg ka Aku. Aku dŭh re kasig daya adi mandŭg ka Aku,

JOHN 6:39

Ka-i mbŭh nanyam ka pinyiraan-I adi bada Aku mandŭg inŭh Aku dŭh siŭn kinanyap ngara adi-I mbŭh nggen di Aku, isa Aku bisa pakat ngara di andu sikasŭn.

JOHN 8:51

Aku kidaan di angān kayuh adi sawŭ: daya adi dingah ajar Ku dŭh-i re kabŭs.”

JOHN 8:52

Ngara nang di Ayŭh, “Madin kieh puan Kuu sawŭ pirumot! Abraham mbŭh kabŭs, simŭnŭ gŭh bara nabi, pak Kuu nang daya adi dingah ajar Mu dŭh re kabŭs.

PINGANDAI 13:48

Kan bara adi dŭh bangsa Jahudi dingah, ngara mbŭh gaŭn ka muji pinganang Tuhan; ka ngara adi mbŭh dog mien yŭn udip adi sawŭ adi tan adu adu rasu sabah di Jesus.

ROME 11:2

Tapa dŭh tirawan daya-I, adi-I mien so sibungas-i. Angān puan sakaki pinganang Surat-kudus di dundan pasar Elijah adi ngadu daya Israel ka Tapa:

2 CORINTH 4:6

Tapa adi nang, “Jawa re nyekar darŭm karŭm!” inŭh babŭ Tapa anŭ adi bada jawa-I nyekar darŭm atin ami, isa ata bisa puan bragah Tapa adi nyekar di Jawin Kristus.

COLOSSAE 3:16

Isa-i ajar Kristus darŭm sopŭrŭg pinyikana-i ngisi atin ngan. Ngajar ka pitayan dingan ngga sopŭrŭg pinyibijak. Nang ragu mazmur, nang nyanyi, ka ragu kudus; biragu ka Tapa ngga atin trima kaseh.

2 TIMOTHY 1:13

Bidigŭng tagap meh di ajar adi sawŭ adi aku ko nggen di kuu, ndu suto danding adi kuu patut tunda, ka bijijŭ darŭm pinyabah ngga pinyirindu adi mbŭh tung jata darŭm ata udip ndi ngga Kristus Jesus.

HEBREW 2:12

Ayŭh nang di Tapa, “Aku re kidaan di bara jurud Ku kayuh adi Kaam mbŭh ndai; Aku re muji Kaam di tika ngara tikuruk.”

HEBREW 3:6

Pak Kristus agi tŭtŭd nimun Anak darŭm-I jaga daya Tapa. Ata inŭh daya-I kambŭi ata bijijŭ ngga atin pagan ka ngga atin-sabah di kayuh adi ata harap.

1 PETER 1:1

So Peter, adi pinyuruh Jesus Kristus, nuju bara daya adi Tapa mbŭh mien adi papar sasah rŭŭ nupang di ndi utung utung rais Pontus, Galatia, Cappadocia, Asia, ka Bithynia.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

PINANDŬNG 2:13

Aku puan diki kuu rŭŭ, diginŭ di yŭn takta Shetan. Kuu bijijŭ ngga Aku, ka pinyabah mu di Aku bŭn kuu pasan, sawŭ ndŭg ka andu adi ngga Antipas, saksi Ku adi tŭtŭd, dog siŭ diginŭ di yŭn Shetan rŭŭ.

PINANDŬNG 3:10

Sabab kuu mbŭh dingah pinyipesan Ku ngga mu jadi tŭtŭd, Aku re kingat gŭh kuu di tika pinyusah adi re mandŭg ka ong adi ngga sopŭrŭg daya di ong dog suba.

PINANDŬNG 3:8

Aku puan kayuh ndai mu; Aku puan kuu biyŭn nisŭ kuasa; kuu agi tunda ajar Ku ka mbŭh tŭtŭd ngga Aku. Aku mbŭh kuka tiban yŭn mu, adi mating daya tungang tŭŭp.