JOHN 17:4 - Hakcipta - Biatah Bidayuh

⁴ Aku mbŭh kiren bragah Mai darŭm ong, darŭm Aku ngamas kraja adi Kaam bada Aku ndai.

JOHN 17:4 ပူးပေါင်းရင်းမြစ်များ

LUKE 22:37

Ingat meh, pinganang Surat-kudus ati dŭh siŭn dŭh jadi bitŭtŭk di Aku: ‘Ayŭh sua trima ukum daya arap.’ Kayuh ati adi dog nuris pasar Aku mbŭh re an jadi bitŭtŭk.”

JOHN 12:28

Sama, nyibragah meh adŭn Mai!” Ka sirŭŭn minyu, nang so rangit, “Aku mbŭh nyibragah-i, ka re nyibragah-i dinge.”

JOHN 14:13

Ka Aku re ndai ani ani adi angān mite ngga adŭn Ku, isa Sama bisa dog kibās so Anak.

JOHN 14:31

pak ong dŭh siŭn dŭh an puan Aku rindu Sama; ngapŭi Aku ndai sopŭrŭg kayuh nimun pinyipesan-I di Aku. Ja ata bu so ti.”

JOHN 15:10

Kambŭi angān sita pinyipesan Ku, angān re bijijŭ darŭm pinyirindu Ku, nimun Aku mbŭh sita pinyipesan Sama Ku ka bijijŭ darŭm pinyirindu-I.

JOHN 19:28

Jesus taŭn mbŭh puan nang di jam anŭ sopŭrŭg-i mbŭh kamas. Ka siŭn pinganang Surat-kudus jadi bitŭtŭk, Ayŭh nang, “Badŭh asŭng Ku.”

JOHN 19:30

Jesus nyŭp wain anŭ ka nang, “Mbŭh kamas!” Ripas anŭ Ayŭh mutu ubak-I, ka asŭng-I patŭd.

JOHN 4:34

“Pinguman Ku,” Jesus nang di ngara, “inŭh tunda pinyiraan-I adi pait Aku, ka ngamas kraja adi-I bada Aku ndai.

JOHN 5:36

Pak Aku biyŭn taksi yŭn adŭp Ku adi rabis bās so taksi adi John nggen: Kayuh adi Aku ndai so pinyibada Tapa, mbŭh minyu yŭn Ku ka kiren Aku taŭn dog pait Sama.

JOHN 9:3

Jesus nam, “Anŭ dŭh sitagar dosa-i puan kah sitagar dosa pimas-i, pak isa kuasa Tapa bisa dog kiren darŭm ayŭh.

PINGANDAI 20:24

Pak aku dŭh mbit bat di asŭng adŭp ku, bait aku kabŭs puan kah udip; kaŭs aku gruwŭn an ngamas kraja adi Tuhan Jesus ko nggen di aku, anŭ inŭh kidaan Agah Kana pasar pinyirasi-mandis Tapa.

2 TIMOTHY 4:7

Aku mbŭh birumba ngga situngang tungang ku, ndŭg abo-i, ka aku taŭn babŭ tagap darŭm pinyabah.