JOHN 16:22 - Hakcipta - Biatah Bidayuh

²² Simŭnŭ gŭh angān: madin angān susah, pak Aku re dapŭd angān dinge, ka atin ngan re puno ngga pinyigaŭn, pinyigaŭn adi mating daya bisa tambit so angān.

JOHN 16:22 ပူးပေါင်းရင်းမြစ်များ

JOB 34:29

Kambŭi Tapa natu re dŭh ndai ani ani, mating daya dapŭd ngamun Ayŭh. Kambŭi Ayŭh sukan jawin-I, ata re dŭh bigaya.

MAZMUR 146:2

Aku re muji Ayŭh sitŭkŭd aku udip; aku re biragu yŭn Tapa siumbur udip ku.

MAZMUR 33:21

Ata gaŭn sabab Ayŭh; ata sabah di adŭn kudus-I.

ISAIAH 25:9

Kan anŭ mbŭh jadi, barang naan re nang, “Ayŭh Tapa ta! Ata mbŭh na pinyabah ta di Ayŭh, ka Ayŭh mbŭh nyiramat ata. Ayŭh TUHAN! Ata mbŭh na pinyabah ta di Ayŭh, ka madin ata mbŭh gaŭn pawŭn sabab Ayŭh mbŭh nyiramat ata.”

JEREMIAH 31:12

Ngara re mandŭg ka biragu ngga gaŭn di Sandah Zion angan pinganggen so Aku — pinganggen gandom ka wain ka inyo kanā, pinganggen biri ngga sapi sapi. Ngara re keya ka teya adi biyŭn sukup piin; ngara re biyŭn sopŭrŭg kayuh adi ngara biguna.

MATTHEW 28:8

Jadi ngara bigaut bu so kubur, taru buang raru gaŭn, ka bikaduh di kidaan di bara murid-I.

LUKE 10:42

Ndi adŭ kayuh adi tatu biguna. Mary mbŭh mien kayuh adi batur, ka-i dŭh re dog tambit so ayŭh.”

LUKE 16:25

“Pak Abraham nang, ‘Ingat nak, kuu darŭm pimudip ong mu mbŭh dog nggen sopŭrŭg kayuh kana, ka Lazarus kayuh arap. Pak madin ayŭh dog nyaduh digiti, ka kuu mbŭh sangsara.

LUKE 19:26

‘Aku kidaan di angān,’ ayŭh nam, ‘di barang naan daya adi biyŭn, rabis bagŭ re dog nggen; pak ayŭh adi dŭh biyŭn ani ani, rapuh kayuh adi-i biyŭn re dog tambit gŭh so ayŭh.

LUKE 24:41

Ngara gibabŭ dŭh tungang sabah, sabab ruai gaŭn buang inga inga. Ka Jesus siken ngara, “Agi kah kayuh man digiti?”

JOHN 14:1

“Dŭhnyah susah,” Jesus nang di ngara. “Sabah di Tapa ka sabah gŭh di Aku.

JOHN 14:19

Dŭm dŭh tui daya di ong ati re dŭh tungang kiris Aku tia, pak angān re kiris Aku; ka sabab Aku udip, angān re udip gŭh.

JOHN 14:27

“Damai inŭh adi Aku tingge di angān; damai adŭp Ku Aku nggen di angān. Dŭh mun damai adi ong nggen di angān. Dŭhnyah atin ngan susah ka taru.

JOHN 16:16

“Dŭm dŭh tui angān re dŭh kiris Aku, ka dŭm dŭh tui ripas anŭ angān re kiris Aku.”

JOHN 16:20

Aku kidaan di angān kayuh adi sawŭ: angān re sien ka muās, pak ong re gaŭn; angān re susah, pak atin susah ngan re marui jadi pinyigaŭn.

JOHN 16:6

Madin atin ngan mbŭh susah amai Aku ko kidaan di angān.

JOHN 21:7

Murid adi Jesus rindu nang di Peter, “Tuhan anŭ!” Kan Peter dingah anŭ Tuhan, ayŭh kasŭk jipo-i (adi-i kadi darŭm-i nyiraja) ka sitabung ka piin.

JOHN 4:14

pak ngara adi nok piin adi Aku nggen, asŭng-i dŭh re tia badŭh. Piin adi Aku nggen di ngara agi keya ka atak piin adi nggen udip, ka adi nggen udip adi sawŭ adi tan adu adu.”

PINGANDAI 13:52

Bara adi sabah di Jesus di Antioch mbŭh raru gaŭn buang mbŭh brisi ngga Roh Kudus.

PINGANDAI 16:25

Ngga arong sitŭrŭp ngarŭm Paul ngga Silas simayang buang nyanyi ka Tapa; bara daya adi dog jer adi bŭkŭn nyiringa ngara.

PINGANDAI 2:46

Barang andu ngara mandŭg tikuruk di Ramin Tuhan, samah man di ramin dingan ngga atin gaŭn ngga atin tŭkŭn,

PINGANDAI 5:41

Darŭm bara pinyuruh bu so Kunsil, ngara mbŭh sanang asŭng, sabab mbŭh tibirang di sirung jawin Tapa kinyam mangŭh yŭn adŭn Jesus.

2 CORINTH 6:10

Sunggu dog pinyusah, kieh siraru gaŭn; mun adi sirata, pak kieh bada bagŭ daya kaya; mun adi dŭh biyŭn kayuh, pak kieh biyŭn sopŭrŭg kayuh.

2 THESSALONICA 2:16

Isa-i adŭp Tuhan ta Jesus Kristus ka Tapa adi Sama ta, adi rindu ata ka adi ngga pinyirasi mandis-I mbŭh nggen di ata pinyibirani ngga pingarap adi tan,

HEBREW 10:34

Angān mbŭh samah kinyam pinyusah daya-takap, ka kan sopŭrŭg rata ngan dog sirapas, angān nyijŭn ngga sanang asŭng, sabab angān puan nang adŭp ngan babŭ biyŭn anŭ adi kana dŭ, adi tan adu adu.

HEBREW 6:18

Duwŭh masam kayuh anŭ meh, adi dŭh bisa birubah ka pasar-i Tapa dŭh bisa kadong. Jadi ata adi mbŭh siramat darŭm Ayŭh mbŭh dog ngatat da bidigŭng tagap di pingarap anŭ adi mbŭh dog na di sirung jawin ta.

1 PETER 1:8

Angān rindu Ayŭh, sunggu angān bŭn kiris Ayŭh; angān sabah di Ayŭh, sunggu tong-i angān dŭh kiris Ayŭh. Jadi angān gaŭn ngga pinyigaŭn adi rabis so tungang manusia kira