JOHN 16:2 - Hakcipta - Biatah Bidayuh

² Angān re dog taran so ramin simayang-Jahudi, ka tipuh-i re mandŭg adi ngga daya adi siŭ angān re pikir adŭp-i ndai kraja Tapa.

JOHN 16:2 ပူးပေါင်းရင်းမြစ်များ

ISAIAH 65:5

Ka komŭnŭ ngara nang di dingan-i, ‘Dŭhnyah nyindŭk kieh; kieh ati raru kudus re angān tama!’ Aku dŭh tan kiris daya adi mun anŭ; baji Ku di ngara mbŭh keya ka apui adi dŭh bisa pura.

ISAIAH 66:5

Dingah kayuh adi TUHAN nang, angān adi taru Ayŭh ka adi dingah pinganang-I: “Sabab angān tŭtŭd di Aku, agi so daya adŭp ngan re tiru di angān ka re tirawan angān. Ngara nyirimbe angān ka nang, ‘Bada TUHAN kiren di angān bās-I ka nyiramat angān, isa kieh bisa kiris angān pawŭn.’ Pak adŭp ngara inŭh adi re dog pimangŭh!

DANIEL 11:33

Pinguru pinguru adi bijak re kutung pinyibijak ngara ngga bagŭ daya. Pak agi gŭh andu-i kada so ngara re agi dog siŭ darŭm perang puan kah dog badang bada kabŭs, ka kada re dog mirupak ka jadi daya-takap.

MATTHEW 10:28

Dŭhnyah taru ngara adi siŭ pŭrŭng pak dŭh biyŭn kuasa ngga siŭ simangi; pak taru meh Tapa, adi bisa pirabur pŭrŭng ngga simangi di apui neraka.

MATTHEW 24:9

“Komŭnŭ angān re dog nakap ka dog nyerah yŭn dog kijera ka dog nggen ukum kabŭs. Barang naan daya re tiru di angān sabab Aku.

LUKE 6:22

“Sanang inŭh angān kan daya tiru di angān, tirawan angān, pimangŭh angān, ka kinarap angān, sitagar Anak Manusia!

JOHN 12:42

Sunggu kayuh agi mun anŭ, bagŭ Pinguasa Jahudi sabah di Jesus; pak sabab ngara taru bara daya Pharisee ngara dŭh an nang ani ani di sapa tarun, amai dŭh an dog taran so ramin simayang-Jahudi.

JOHN 16:25

“Aku mbŭh minyu di angān pasar kayuh ati darŭm upama. Pak tipuh re mandŭg kan Aku dŭh tia minyu di angān darŭm upama, pak re minyu di angān ngga tarang pasar Sama.

JOHN 16:32

Tipuh-i re mandŭg, ka mbŭh mandŭg, kan sopŭrŭg ngan re pambar, barang naan ka ramin adŭp-i, tingge Aku sadi. Pak Aku sawŭ dŭh sadi, sabab Sama agi ngga Aku.

JOHN 4:21

Jesus nang di ayŭh, “Dayung, sabah nŭh Aku, andu-i re mandŭg kan daya dŭh re nyambah Sama di darŭd ati puan kah di Jerusalem.

JOHN 4:23

Andu-i mbŭh re mandŭg, ka sawŭ mbŭh mandŭg, kan daya ngga kuasa Roh Tapa buang nanyam ka pinyiraan-I, nyambah Sama nimun-I adi sawŭ Tapa.

JOHN 9:22

Pimas-i nang sakanŭ sabab ngara taru bara Pinguasa Jahudi, adi mbŭh bipekat an pibu tadŭ daya so ramin simayang-Jahudi adi ngaku Jesus sawŭ Kristus.

JOHN 9:34

Ngara nam, “Kuu dog biranak ka dog nyiran darŭm dosa, ka kuu suba re ngajar kieh?” Ka ngara miratak ukum di tunduh ayŭh da dŭh tia mŭrŭt ramin simayang-Jahudi.

PINGANDAI 5:33

Kan bara daya Kunsil dingah sakanŭ, ngara mbŭh raru baji ka an siŭ ngara.

PINGANDAI 7:56

“Tingga!” ayŭh nang, “aku kiris shorga tikuka ka Anak Manusia mijog tura ka tauh Tapa!”

1 CORINTH 4:13

kan dog pimangŭh, kieh nam ngga pinganang adi mandis. Di daya, kieh ati dŭh kurang so adām sapok di ong; kieh mbŭh daya adi dŭh biguna di ong ndŭg ka andu ati!

PHILIPPI 3:6

ka mbŭh raru nundok dieh ndŭg ka aku kisiis eklisia. Ka pasar daya bisa jadi tŭnggŭn so pinyita pinyipesan Ukum-adat, aku taŭn dŭh biyŭn sarah.

PINANDŬNG 6:9

Komŭnŭ Anak Biri kuka patis adi numbor rimŭh. Aku kiris di ribo mija-sambah simangi ngara adi ko dog siŭ sabab ngara ko piagah pinganang Tapa buang mbŭh tŭtŭd darŭm kidaan pasar pinyabah ngara.

AKIM 6:30

Ka ngara nang di Joash, “Taban anak mu ruah kamati, isa kieh siŭ ayŭh! Ayŭh nyirubuh mija-sambah Baal, ka tabŭng tandā pinatŭng Asherah adi ngapid-i.”