JOHN 16:14 - Hakcipta - Biatah Bidayuh

¹⁴ Roh anŭ re nyibragah Aku, sabab Ayŭh re kidaan di angān kayuh adi-I dingah so Aku.

JOHN 16:14 ပူးပေါင်းရင်းမြစ်များ

ZECHARIAH 12:10

“Aku re nggen di sesang sesang David ngga di daya Jerusalem atin adi masi ngga atin adi gagā bidua. Ngara re tingga sianŭ adi ngara mbŭh tabŭk ndŭg ka kabŭs, ka ngara re ngurid-i mun ngurid anak tambŭ adŭp ngara. Ngara re bandar bandar ngurid, mun daya ngurid anak pinuai dari.

JOHN 14:21

“Daya adi trima Pinyipesan Ku ka sita-i, ngara anŭ inŭh adi rindu Aku. Sama Ku re rindu ngara adi rindu Aku, ka Aku re rindu ngara ka pinandŭng adŭp Ku di ngara.”

JOHN 15:26

“Pinurung, anŭ inŭh Roh Kudus, re mandŭg so Sama; Ayŭh kidaan kayuh adi sawŭ pasar Tapa. Aku re pait Ayŭh so Sama ka yŭn ngan, ka Ayŭh re minyu di angān pasar Aku.

JOHN 7:39

Jesus nang sakanŭ pasar Roh Kudus, adi ngara adi sabah di Ayŭh re kambat. Di Tipuh anŭ, Roh Kudus gibayuh dog nggen, sabab Jesus gibayuh dog paad ka darŭm bragah.

1 CORINTH 12:3

Aku raan angān puan mating daya adi dog nyiruton Roh Tapa bisa nang “Jesus turah!” ka mating daya bisa ngaku “Jesus inŭh Tuhan,” kambŭi dŭh dog ngajar Roh Kudus.

2 CORINTH 4:6

Tapa adi nang, “Jawa re nyekar darŭm karŭm!” inŭh babŭ Tapa anŭ adi bada jawa-I nyekar darŭm atin ami, isa ata bisa puan bragah Tapa adi nyekar di Jawin Kristus.

GALATIA 5:5

Mun kieh, kayuh adi kieh harap inŭh Tapa re bada kieh bamai ngga adŭp-I; anŭ kieh kajŭn ngga kuasa Roh Tapa adi turung so ka pinyabah ami.

1 PETER 2:7

Batuh ati inŭh raru brega di angān adi sabah; pak di ngara adi dŭh sabah: “Batuh adi tukang ramin taran mbŭh jadi anŭ adi siabo biguna.”

1 JOHN 3:23

Kayuh adi-I pesan inŭh ata sabah di Anak-I Jesus Kristus ka rindu dingan ta, nimun Kristus ko pesan di ata.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

1 JOHN 5:6

Jesus Kristus inŭh adi mandŭg ngga piin baptisa-I ka deya pinyikabŭs-I. Ayŭh mandŭg dŭh ngga piin adŭ, pak ngga soduwŭh-i piin ngga deya. Ka adŭp Roh Kudus mbŭh bisaksi nang kayuh anŭ sawŭ, sabab Roh dŭh bisa kadong.

PINANDŬNG 19:10

Aku sidikang di kaja-i re nyambah ayŭh, pak ayŭh nang di aku, “Dŭhnyah simŭnŭ! Aku ati urun mun kuu gŭh, mun bara adi bŭkŭn adi sabah, sopŭrŭg adi bidigŭng tagap di ajar adi sawŭ adi dog pinandŭng Jesus. Nyambah Tapa nŭh!” Ajar adi sawŭ adi Jesus pinandŭng inŭh adi nyibake bara nabi.