JOHN 16:13 - Hakcipta - Biatah Bidayuh

¹³ Pak sunggu mŭnŭ, kan Roh anŭ mandŭg, adi pinandŭng kayuh adi sawŭ pasar Tapa, Ayŭh re nyiruton angān di sopŭrŭg kayuh adi sawŭ anŭ. Ayŭh dŭh re minyu so ka pinyiraan adŭp-I, pak re minyu pasar kayuh adi-I dingah ka re kidaan di angān kayuh kayuh adi re.

JOHN 16:13 ပူးပေါင်းရင်းမြစ်များ

ISAIAH 11:2

Roh TUHAN re nggen pinyibijak di ayŭh, pinyipuan ka pimandai ngga mritah daya-I. Ayŭh re puan pinyiraan TUHAN ka stabi di Ayŭh

JOEL 2:28

“Muko anŭ, Aku re ren Roh Ku di barang naan daya: anak anak dari ngan ngga anak anak dayung ngan re piagah Agah Ku; bara nyamba ngan re nyipŭmŭh, ka bara pimara ngan re kiris kayuh keya ka darŭm pŭmŭh.

JOHN 12:49

Kayuh ati sawŭ, sabab Aku minyu dŭh so kuasa adŭp Ku, pak Sama adi pait Aku ko pesan di Aku kayuh adi dŭh siŭn dŭh Aku minyu ka nang.

JOHN 14:17

Ayŭh inŭh Roh Kudus adi pinandŭng kayuh adi sawŭ pasar Tapa. Ong dŭh tungang kambat Ayŭh, sabab-i dŭh kiris Ayŭh buang dŭh puan Ayŭh. Pak angān puan Ayŭh, sabab Ayŭh agi ngga angān ka mbŭh agi darŭm angān.

JOHN 14:26

Pinurung, anŭ inŭh Roh Kudus, adi Sama re pait, re ngajar angān sopŭrŭg kayuh ka bada angān ingat sopŭrŭg kayuh adi Aku ko kidaan di angān.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 15:26

“Pinurung, anŭ inŭh Roh Kudus, re mandŭg so Sama; Ayŭh kidaan kayuh adi sawŭ pasar Tapa. Aku re pait Ayŭh so Sama ka yŭn ngan, ka Ayŭh re minyu di angān pasar Aku.

JOHN 16:12

“Bagŭ kayuh adi bŭkŭn an Ku kidaan di angān, pak madin angān gibayuh tungang mirati-i.

JOHN 3:32

Ayŭh kidaan kayuh adi-I mbŭh kiris ka dingah, pak mating daya an dingah kayuh adi-I nang.

JOHN 8:38

Aku minyu pasar kayuh adi Sama Ku mbŭh kiren di Aku, pak angān ndai anŭ adi sama ngan bada angān ndai.”

PINGANDAI 11:28

Ndi so ngara, dŭn Agabus, mijog ka ngga kuasa Roh Kudus ninjau nang apag adi bisā dŭm dŭh tui re agi di barang yŭn di ong. (Apag anŭ jadi di jaman Caesar Claudius.)

PINGANDAI 20:23

Kaŭs aku puan di barang kupo so pinyibakan Roh Kudus, ramin jer ngga pinyusah agi kajŭn aku.

PINGANDAI 27:24

Ayŭh nang, ‘Dŭhnyah taruh, Paul! Kuu dŭh siŭn dŭh bisara di sirung jawin Caesar. Ka Tapa, sabab pinyikana-I di kuu, re bada siramat sopŭrŭg adi birayar ngga kuu.’

2 THESSALONICA 2:12

Pinŭbŭn-i, sopŭrŭg adi dŭh sabah di agah adi sawŭ anŭ, ka adi pimunos adŭp-i ngga dosa, re dog nunggu.

2 THESSALONICA 2:3

Dŭhnyah bada daya nyibudo angān. Andu anŭ dŭh re mandŭg ndŭg ka andu adi ngga daya bagŭ makat rawan Tapa, ka Manusia adi Arap anŭ adi taŭn re dog taran ka neraka, pinandŭng adŭp-i.

HEBREW 1:1

Jah-i Tapa ko siraru minyu di tayung-babuk ta darŭm bagŭ masam gaya so baba bara nabi,

1 JOHN 2:20

Pak angān mbŭh trima Roh Kudus adi Kristus ko ren di tunduh ngan; ngapŭi sopŭrŭg ngan puan ajar adi sawŭ.

1 JOHN 2:27

Pak mun angān, Kristus ko ren Roh-I di angān. Sitŭkŭd Roh-I babŭ darŭm angān, angān dŭh biguna di daya da ngajar angān. Amai Roh-I ngajar angān pasar sopŭrŭg kayuh, ka kayuh adi-I ngajar agi sawŭ, dŭh kayuh kadong. Tunda meh garang ajar Roh anŭ, ka bijijŭ darŭm udip ndi ngga Kristus.

1 JOHN 4:6

Pak ata mbŭh daya adi Tapa dapu. Asi asi adi puan Tapa dingah ata; asi asi adi dŭh tung Tapa dŭh dingah ata. Simŭnŭ inŭh ata bisa ngatŭn aki ndi Roh adi nggen ajar adi sawŭ ka aki ndi roh adi kinanyap daya.

1 JOHN 5:6

Jesus Kristus inŭh adi mandŭg ngga piin baptisa-I ka deya pinyikabŭs-I. Ayŭh mandŭg dŭh ngga piin adŭ, pak ngga soduwŭh-i piin ngga deya. Ka adŭp Roh Kudus mbŭh bisaksi nang kayuh anŭ sawŭ, sabab Roh dŭh bisa kadong.

PINANDŬNG 1:1

Surat ati inŭh di yŭn kayuh kayuh adi Jesus Kristus pinandŭng dog nuris. Tapa nggen di Ayŭh pinandŭng anŭ ngga kiren di bara urun-I kayuh adi re rikas jadi. Kristus bada urun-I John puan kayuh kayuh anŭ so malaikat-I adi-I pait ka ayŭh,

PINANDŬNG 1:19

Nuris meh, kayuh adi kuu kiris, kayuh adi madin ngga kayuh adi re sundis jadi.