JOHN 15:8 - Hakcipta - Biatah Bidayuh

⁸ Bragah Sama Ku tatŭng kan angān buān bagŭ buwa; ka simŭnŭ inŭh angān bisa jadi murid Ku.

JOHN 15:8 ပူးပေါင်းရင်းမြစ်များ

ISAIAH 60:21

Sopŭrŭg daya mu re ndai kayuh adi batur, ka re dapu tarun tana ati ndŭg situi tui. Aku purun ngara, Aku ndai ngara, ngga pinandŭng bās Ku di sopŭrŭg.

ISAIAH 61:3

bada nggen di ngara adi ngurid di Zion pinyigaŭn ngga pawŭn, ka dŭh pinyusah, ragu puji, ka dŭh ragu pinyusah. Ngara re keya ka tŭngŭn tŭngŭn kayuh adi adŭp TUHAN mbŭh purun. Sopŭrŭg ngara re ndai kayuh adi batur, ka Tapa re dog muji amai kayuh adi Ayŭh mbŭh ndai.

HAGGAI 1:8

Madin di maad ka sandah sandah, ka ndu betang betang kayuh, ngga pari pijog Ramin Ku; komŭnŭ Aku re munos asŭng, ka re dog nyambah nimun patut-i.

MATTHEW 5:16

Simŭnŭ gŭh jawa ngan dŭh siŭn dŭh nyirinyak di sirung jawin daya, isa ngara kiris kraja kana ngan ka muji Sama ngan di shorga.

MATTHEW 5:44

Pak madin Aku kidaan di angān: rindu pinganyu ngan ka simayang yŭn ngara adi kisiis angān,

MATTHEW 9:8

Kan daya kiris kayuh anŭ, ngara mbŭh taru, ka muji Tapa amai-I mbŭh nggen kuasa adi mun anŭ di manusia.

LUKE 6:35

Dŭh-i simŭnŭ! Rindu pinganyu ngan ka ndai kana di ngara; nginjam buang dŭhsah kira gati. Simŭnŭ, angān re biyŭn upah bās, buang re jadi anak Tapa adi Sambu Sopŭrŭg. Amai Ayŭh kana ngga daya adi dŭh rada budi, samŭn ngara adi ginaka.

JOHN 13:35

Kambŭi angān biyŭn pinyirindu dupan adŭp ngan, daya bisa puan angān mbŭh murid Ku.”

JOHN 15:5

“Aku inŭh tŭngŭn anggor, ka angān inŭh bara daan-i. Kambŭi daya rŭŭ darŭm Aku, ka Aku darŭm ngara, ngara re buān bagŭ buwa; amai angān dŭh bisa ndai ani ani kambŭi dŭh so Aku.

JOHN 8:31

Jadi Jesus nang di ngara adi sabah di Ayŭh, “Kambŭi angān tunda ajar Ku, angān sawŭ bara murid Ku.

1 CORINTH 10:31

Ani ani adi angān ndai, bait-i man puan kah nok, ndai-i yŭn bragah Tapa.

1 CORINTH 6:20

Tapa ko miris angān ngga rega bās. Jadi pakai meh pŭrŭng ngan ngga nyibragah Tapa.

PHILIPPI 1:11

Pimudip ngan re brisi ngga pingandai kana adi Jesus Kristus sadi adŭ bisa nggen, yŭn bragah ngga puji ka Tapa.

TITUS 2:10

puan kah naku kayuh ngara. Pak kiren adŭp ngara siraru kana darŭm urah-rakah buang tŭtŭd, isa-i daya bisa muji ajar pasar Tapa adi Pinyikudip ta darŭm sopŭrŭg kayuh adi ngara ndai.

TITUS 2:5

pandai jaga adŭp ngara so pinyiripong adi sarah, ka udip bisig, ka jadi sawŭn adi kana adi nundok di banŭh ngara. Simŭnŭ, daya dŭh re bisa kinarap ajar so Tapa.

1 PETER 2:12

Urah-rakah ngan di dupan daya adi dŭh puan Tapa patut raru kana isa kan ngara nyarah angān, nang angān ndai kayuh arap, ngara re ngaku pingandai ngan adi kana ka rasu muji Tapa di Andu-I mandŭg.

1 PETER 4:11

Ngara adi jadi pinyuse dŭh siŭn dŭh an nyuse agah so Tapa; ngara adi turung dŭh siŭn dŭh an turung ngga pinyibake adi Tapa ko nggen di ngara, isa darŭm sopŭrŭg kayuh puji bisa dog jugan ka Tapa so Jesus Kristus, adi dapu bragah ngga kuasa ndŭg situi tui. Amen.