JOHN 15:4 - Hakcipta - Biatah Bidayuh

⁴ Rŭŭ darŭm Aku, ka Aku rŭŭ darŭm angān. Daan anggor dŭh bisa buān sadi adŭp-i, kambŭi-i dŭh bikanjak so tŭngŭn-i. Simŭnŭ gŭh angān dŭh bisa buān, kambŭi angān dŭh rŭŭ darŭm Aku.

JOHN 15:4 ပူးပေါင်းရင်းမြစ်များ

RAGU 8:5

Asi ati adi mandŭg so tarun tana-pajam, bikapar ngga dingan-i adi-i awang? Di ribo tŭngŭn epal aku kies kuu, di tarun yŭn kuu dog biranak.

HOSEA 14:8

Daya Israel re dŭh tia nyambah tibudo; Aku re nam dua ngara ka kingat ngara; mun tŭngŭn kayuh barŭm Aku re nyayung ngara; Aku inŭh adi so sopŭrŭg berkat mandŭg ka ngara.”

MATTHEW 12:33

“An dapŭd buwa adi kana angān dŭh siŭn dŭh biyŭn tŭngŭn adi kana; kambŭi biyŭn tŭngŭn adi arap angān re dapŭd buwa adi arap. Tŭngŭn pimuruh dapŭd dog natŭng so buwa-i.

LUKE 8:15

Bine adi rabu di tana adi mandis, rati-i ngara adi dingah agah anŭ ka nyikŭn-i darŭm atin adi kana ka nundok; ngara bijijŭ ndŭg ka ngara buān buwa.”

JOHN 14:20

Kan andu anŭ mbŭh mandŭg, angān re puan Aku agi darŭm Sama ka angān agi darŭm Aku, nimun Aku agi darŭm angān.

JOHN 17:23

Aku darŭm ngara ka Kaam darŭm Aku, isa ngara bisa batur jadi ndi, ka isa ong bisa puan nang Kaam mbŭh pait Aku ka puan nang Kaam rindu bara pinunda Ku nimun Kaam rindu Aku.

JOHN 6:56

Daya adi man pŭrŭng Ku ka nok deya Ku agi udip darŭm Aku, ka Aku udip darŭm ayŭh.

JOHN 8:31

Jadi Jesus nang di ngara adi sabah di Ayŭh, “Kambŭi angān tunda ajar Ku, angān sawŭ bara murid Ku.

PINGANDAI 11:23

Kan ayŭh mbŭh ndŭg ka kiris munki masam Tapa mbŭh nyiberkat ngara, ayŭh mbŭh raru gaŭn ka ngatat sopŭrŭg ngara da tŭtŭd di Tuhan ngga siabo atin ngara.

PINGANDAI 14:22

Ngara nagap bara pinunda diginŭ buang ngatat ngara da bijijŭ darŭm pinyabah. Ngara ngajar, “Ata dŭh siŭn dŭh an kinyam bagŭ pinyusah sibayuh ata kinyam Pinyipritah Tapa.”

2 CORINTH 13:5

Nakit suba adŭp ngan ka tingga, nang kah udip darŭm pinyabah kah dŭh angān. Tatu angān puan Kristus Jesus agi rŭŭ darŭm angān, anŭ inŭh kambŭi angān dŭh arah darŭm pisuba anŭ.

GALATIA 2:20

isa-i dŭh tia aku adi udip, pak adŭp Kristus udip darŭm aku. Pimudip ku madin inŭh so ka pinyabah ku di Anak Tapa, adi rindu aku ka adi mbŭh kabŭs yŭn ku.

EPHESUS 3:17

ka aku simayang gŭh mite Kristus rŭŭ darŭm atin ngan so ka pinyabah ngan di Ayŭh. Aku simayang mite sopŭrŭg kraja pingandai ngan bisangan di pinyirindu,

PHILIPPI 1:11

Pimudip ngan re brisi ngga pingandai kana adi Jesus Kristus sadi adŭ bisa nggen, yŭn bragah ngga puji ka Tapa.

COLOSSAE 1:23

Angān dŭh siŭn dŭh an adu adu sabah di Agah Kana anŭ ka jadi tagap darŭm pinyabah ngan. Dŭhnyah pasan pingarap ngan anŭ adi angān ko kambat darŭm angān dingah Agah Kana anŭ. Yŭn Agah Kana anŭ inŭh aku, Paul, mbŭh jadi urun. Ka Agah Kana anŭ mbŭh dog nyuse di ndi ong ong.

COLOSSAE 1:27

Tapa ndai simŭnŭ isa daya-I puan rusia-I, rusia adi bās ka bragah adi-I mbŭh sidia yŭn sopŭrŭg manusia. Ka rusia anŭ inŭh adŭp Kristus agi darŭm angān; sirati-i angān re sua dapŭd utung darŭm bragah Tapa.

COLOSSAE 2:6

Amai angān mbŭh kambat Kristus Jesus jadi Tuhan ngan, angān patut udip ndi ngga Ayŭh.

1 THESSALONICA 3:5

Sabab anŭ meh aku pait Timothy. Ka sabab aku mbŭh dŭh tungang nyijŭn atin ngingen ku, aku pait ayŭh ka angān bada tingga munki pinyabah ngan. Aku ngingen sibia-i angān mbŭh dog suba Siarap ka kraja ta jadi au-tarun!

HEBREW 10:39

Ata dŭh inŭh daya adi dŭh sabah di Tapa, ka adi manyap. Ata inŭh daya adi biyŭn pinyabah ka adi mbŭh siramat.

1 JOHN 2:6

kambŭi ata nang adŭp ta bijijŭ darŭm udip ndi ngga Tapa, ata patut udip tunda suto danding Jesus Kristus.

2 JOHN 1:9

Daya adi dŭh bidigŭng di ajar Kristus, ka mbŭh miriseu, daya anŭ dŭh biyŭn Tapa. Asi asi adi bidigŭng dieh, biyŭn Sama ngga Anak.