JOHN 15:2 - Hakcipta - Biatah Bidayuh

² Barang daan adi darŭm Aku adi dŭh buān Ayŭh japa, ka barang daan adi buān buwa Ayŭh pibisig isa-i buān rabis bagŭ buwa.

JOHN 15:2 ပူးပေါင်းရင်းမြစ်များ

JOB 17:9

Ngara adi nang adŭp-i daya adi dog stabi mbŭh tanŭ ka agi aran-i nang adŭp-i batur.

MAZMUR 92:14

adi babŭ piruah buwa darŭm-i mbŭh minyamba ka babŭ barŭm buang tagap.

PITAS 4:18

Aran adi daya tŭnggŭn kadŭg inŭh keya ka batŭh andu makat, adi dŭ dŭ jawa ndŭg ka-i mbŭh jadi jawa sandu.

ISAIAH 27:9

Pak dosa Israel re dog apun adŭ-i kan batuh mija-sambah daya adat karŭm mbŭh dog pirandŭk ndŭg ka asur mun dabu binyuh, ka mating tia mija-sambah kimanyan, bait tandā tandā pinatŭng tapa Asherah dŭm.

ISAIAH 29:19

Daya sirata ngga daya adi dog pimangŭh re pari dapŭd udip sanang so TUHAN, Tapa kudus Israel.

DANIEL 11:35

Kada so bara pinguru adi bijak anŭ re dog siŭ, pak so ka kayuh adi mun anŭ daya re dog pibisig. Kayuh anŭ re babŭ mun anŭ ndŭg ka pimungan-i, tika adi Tapa mbŭh miratak.

HOSEA 6:3

Ja ata suba puan TUHAN. Ayŭh re sawŭ mandŭg ka ata nimun batŭh andu sawŭ re makat, nimun ujen adi misa tana sawŭ re mandŭg di tipuh bunga.”

MALACHI 3:3

Ayŭh re mandŭg di bisara daya, mun daya pibisig ka pijarŭh pirak. Nimun tukang basi pibisig pirak ngga mas, simŭnŭ inŭh pinyisung TUHAN re pibisig bara imam, isa ngara taban ka TUHAN sadis adi batur.

MATTHEW 13:12

Amai daya adi mbŭh biyŭn kayuh re dog nggen bagŭ, isa ayŭh biyŭn rabis so sadang; pak sianŭ adi dŭh biyŭn ani ani sirabi ka rapuh kayuh adi-i biyŭn re dog tambit gŭh so ayŭh.

MATTHEW 13:33

Jesus kidaan dinge di ngara upama adi bŭkŭn: “Kan Tapa mritah, kayuh agi keya ka ndi naan dayung adi tambit kada ragi ka kunyu-i ngga pat puru lita tibaduk ndŭg ka kambang.”

MATTHEW 15:13

“Barang tŭngŭn kayuh adi Sama Ku adi di shorga dŭh purun re dog dimbut,” nam Jesus.

MATTHEW 21:19

Ayŭh kiris ndi tŭngŭn ara di bŭngŭn aran ka di tudu-i, pak mating buwa dieh adŭ-i dudu dawŭn. Jadi Ayŭh nang di tŭngŭn ara anŭ, “Kuu dŭh re tia buān!” Di jam anŭ gŭh tŭngŭn ara anŭ rayu.

MATTHEW 25:29

Amai di barang naan adi biyŭn kayuh, rabis bagŭ re dog nggen, ka-i re biyŭn rabis so sadang; pak sianŭ adi dŭh biyŭn ani ani, sirabi ka rapuh kayuh adi-i biyŭn re dog tambit gŭh so ayŭh.

MATTHEW 3:10

Kapak mbŭh dog sidia ngga tabŭng tŭngŭn kayuh di uat-i; barang tŭngŭn kayuh adi dŭh buān buwa adi kana re dog tabŭng ka dog taran ka darŭm apui.

MATTHEW 3:12

Ayŭh biyŭn tapan di tangan-I ngga napan ka nyidŭrŭ gandom so aping. Ayŭh re nguruk gandom adi bisig ka darŭm panggau, pak aping Ayŭh re badang di apui adi dŭh bisa pura.”

MATTHEW 7:19

Ka tadŭ tadŭ tŭngŭn kayuh adi dŭh buān buwa adi kana dog tabŭng ka dog taran ka darŭm apui.

MARK 4:20

Pak adi bŭkŭn mbŭh keya ka bine adi dog nabur di tana adi mandis. Ngara dingah agah anŭ, trima-i, ka buān bagŭ buwa: agi taruh puru rupet, agi nŭm puru, ka agi adi siratus.”

LUKE 8:13

Bine adi rabu di tarun pibatuh, rati-i ngara adi dingah agah anŭ ka kambat-i ngga gaŭn. Pak dŭh-i mŭrŭt tŭrŭp darŭm atin ngara; ngara sabah nyitiro adŭ ka kan pinyisuba mandŭg, ngara dŭh tia sabah agah anŭ.

JOHN 15:1

“Aku inŭh tŭngŭn anggor adi sawŭ, ka Sama Ku inŭh tukang-teya anggor.

JOHN 15:16

Angān dŭh mien Aku; Aku mien angān ka tijuan angān da panu ka pijadi bagŭ buwa, buwa adi tan adu adu. Ka Sama meh re nggen di angān tadŭ kayuh adi angān mite ngga adŭn Ku.

JOHN 15:3

Angān mbŭh bisig sabab ajar adi Aku ko nggen di angān.

JOHN 15:6

Ngara adi dŭh rŭŭ darŭm Aku dog taran keya ka daan kayuh; daan anŭ rayu ka dog nguruk ka dog taran ka darŭm apui da sau.

JOHN 15:8

Bragah Sama Ku tatŭng kan angān buān bagŭ buwa; ka simŭnŭ inŭh angān bisa jadi murid Ku.

JOHN 17:12

Sitadŭn Aku agi ngga ngara, Aku kingat ngara ngga kuasa adŭn Mai, adŭn adi Kaam mbŭh nggen di Aku. Aku mbŭh grindung ngara, ka ndi so ngara mating gŭh manyap, adŭ-i sianŭ adi taŭn re manyap. Ayŭh mbŭh simŭnŭ, isa pinganang Surat-kudus jadi bitŭtŭk.

ROME 11:17

Kada daan tŭngŭn kanā adi taŭn daya purun dog kadi, ka ndi daan so tŭngŭn kanā tuān dog tubu dieh. Angān daya adi dŭh bangsa Jahudi agi keya ka tŭngŭn kanā tuān, ka madin mbŭh samah dapu pimudip roh adi tagap anŭ adi tung daya Jahudi.

ROME 11:22

Digiti meh ata kiris munki masam mandis-i ka munki masam mangah-i Tapa. Ayŭh mangah ngga ngara adi mbŭh rabu, pak mandis ngga angān, anŭ inŭh kambŭi angān bijijŭ darŭm mandis-I. Pak kambŭi angān dŭh, angān gŭh re dog kadi.

ROME 8:28

Ata puan nang Tapa ngatur sopŭrŭg kayuh yŭn kana sopŭrŭg daya adi rindu Ayŭh, daya adi-I ko bagan nimun ka tujuan-I.

1 CORINTH 13:1

Bisa bait kani aku minyu barang masam piminyu manusia ndŭg ka piminyu malaikat ani, pak kambŭi aku dŭh biyŭn pinyirindu, piminyu ku agi keya ka jawŭn engan tin.

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.

HEBREW 12:15

Ingat dŭhnyah angān ngundur so pinyirasi-mandis Tapa. Dŭhnyah angān jadi mun anak tŭngŭn kayuh adi pa'it adi taban bagŭ pinyusah ngga rasun-i.

1 JOHN 2:19

Bara pinganyu Kristus anŭ taŭn sawŭ dŭh so tibaran ta, ngapŭi ngara bu tingge ata; kambŭi ngara so tibaran ta, ngara tatu babŭ ngga ata. Pak ngara bu isa-i tatŭng mating katŭn ngara sawŭ so tibaran ta.

PINANDŬNG 3:19

Aku nang ka ngukum sopŭrŭg adi Aku rindu. Ndai meh pikir mu yŭn ngubah adŭp mu ka dŭh tia bidosa.