JOHN 15:16 - Hakcipta - Biatah Bidayuh

¹⁶ Angān dŭh mien Aku; Aku mien angān ka tijuan angān da panu ka pijadi bagŭ buwa, buwa adi tan adu adu. Ka Sama meh re nggen di angān tadŭ kayuh adi angān mite ngga adŭn Ku.

JOHN 15:16 ပူးပေါင်းရင်းမြစ်များ

TIBIRIK 18:18

Sesang-i re jadi bangsa adi bās ka bake ka so ayŭh Aku re nyiberkat sopŭrŭg bangsa.

MAZMUR 145:4

Kayuh adi Kaam mbŭh ndai re dog muji so turap ndi ndŭg turap andi; ngara re piagah pingandai bās Mai.

MAZMUR 71:18

Madin aku mbŭh minyamba ka ubok ku mbŭh buda, dŭhnyah tagan aku, O Tapa! Agi ngga aku darŭm aku piagah kuasa ngga pinyibake Mai di sopŭrŭg turap adi re.

PITAS 11:30

Pinŭnggŭn nggen udip, pak pinyiganas taban-i ngga bu.

ISAIAH 27:6

Di tipuh adi re mandŭg, daya Israel, adi sesang Jacob, re piruat mun tŭngŭn kayuh, ka ngara re bisera ka musu. Ong re puno ngga buwa adi-i piruah.

MICAH 5:7

Daya Israel adi babŭ udip re keya ka sipot-abun adi piranyah, adi dog pait TUHAN yŭn bagŭ bangsa, mun ujen adi misa anak tŭngŭn kayuh-udip. Ngara re bisangan di Tapa, dŭh di manusia.

MATTHEW 21:22

Kan angān bidua ka sabah Tapa re ndai nanyam pimite ngan, Tapa taŭn re ndai-i.”

MATTHEW 7:7

“Mite, ka angān re kambat; jiroh, ka angān re dapŭd; gutog, ka tiban re tikuka yŭn ngan.

LUKE 6:13

Kan andu mbŭh jawa, Ayŭh bagan bara murid-I ka mien simŭng-duwŭh naan ngara adi-I kadŭn pinyuruh:

JOHN 13:18

“Dŭh-i pasar sopŭrŭg ngan Aku nang sakanŭ tejah. Aku puan daya adi Aku ko mien. Pak pinganang Surat-kudus dŭh siŭn dŭh an jadi bitŭtŭk, adi nang, ‘Daya adi samah man pinguman Ku mbŭh makat rawan Aku.’

JOHN 15:19

Kambŭi angān tung ong, ong taŭn-i rindu angān adi mbŭh tung adŭp-i. Pak Aku mbŭh mien angān so ong ati, ka angān mbŭh dŭh tung ong; anŭ inŭh sabab-i tiru di angān.

JOHN 15:5

“Aku inŭh tŭngŭn anggor, ka angān inŭh bara daan-i. Kambŭi daya rŭŭ darŭm Aku, ka Aku darŭm ngara, ngara re buān bagŭ buwa; amai angān dŭh bisa ndai ani ani kambŭi dŭh so Aku.

JOHN 6:70

Jesus nam, “Aku ko mien angān adi simŭng-duwŭh naan, dŭh kah? Pak ndi so angān mbŭh umot!”

PINGANDAI 1:24

Jadi ngara bidua, nang, “Tuhan, Kaam puan pikir-kira sopŭrŭg daya, kidaan di kieh aki so ngara duwŭh ati adi Kaam mien bada jadi pinyuruh gati Judas, adi mbŭh bu ka tarun yŭn adŭp-i.”

PINGANDAI 1:8

Pak angān re kambat kuasa kan Roh Kudus mandŭg ka angān; ka angān re jadi saksi Ku di Jerusalem, di ndi tarun tana Judea ngga Samaria, ndŭg bŭngŭn ong.”

PINGANDAI 10:41

dŭh di sopŭrŭg daya, pak di bara saksi adi Tapa mbŭh mien, anŭ inŭh, kieh adi ko man nok ngga Ayŭh ripas-I makat so kabŭs.

PINGANDAI 22:14

Ayŭh nang, ‘Tapa tayung-babuk ta mbŭh mien kuu da puan pinyiraan-I, da kuu kiris Urun-I adi tŭnggŭn, ka da kuu dingah Ayŭh minyu ngga sirŭŭn adŭp-I.

PINGANDAI 9:15

Tuhan nang di ayŭh, “Panu gŭh nŭh, sabab Aku mbŭh mien ayŭh da taban adŭn Ku ka daya adi dŭh bangsa Jahudi samŭn raja raja ka daya Israel.

ROME 1:13

Bara dingan ku, aku raan angān puan nang mbŭh piawet aku ngasa adŭp ku an di munan angān, pak ari dŭh tŭk amai kayuh agi matŭn aku. Aku raan ngajar daya di dupan ngan gŭh da ngaku Jesus, nimun di dupan daya adi dŭh bangsa Jahudi.

ROME 1:5

So Ayŭh Tapa mbŭh nggen di aku utung da jadi pinyuruh yŭn adŭn Kristus, siŭn bisa taban daya so barang bangsa da sabah ka tunda pinganang-I.

ROME 15:4

Sopŭrŭg kayuh adi dog nuris darŭm Surat-kudus mbŭh dog nuris ngga ngajar ata, siŭn ata bisa biyŭn pingarap so ka atin sabar ngga pingatat adi Surat-kudus nggen di ata.

ROME 9:21

Amai sawŭ, daya adi ndai priok biyŭn hak pakai tana-riyat nimun sŭn adŭp-i nang, ka ndai duwŭh priok so ndi takang tana-riyat anŭ, ndi yŭn guna di tipuh gawai ka anŭ ndi yŭn guna di tipuh biasa.

1 CORINTH 10:11

Sopŭrŭg anŭ jadi di ngara ndu suto di daya bŭkŭn, ka sopŭrŭg-i mbŭh dog nuris ndu pinyibakan di ata. Amai ata inŭh udip di tipuh adi re rikas mungan.

GALATIA 1:15

Pak Tapa ngga pinyirasi mandis-I mbŭh mien aku sibayuh aku dog biranak, ka mbŭh bagan aku da bituan di adŭp-I. Ka kan Ayŭh mbŭh natu

EPHESUS 2:10

Ata ati pingandai Tapa, ka darŭm ata udip ndi ngga Kristus Jesus, Tapa mbŭh napa ata yŭn pingandai kana, adi-I mbŭh diŭ sidia da ata ndai.

COLOSSAE 1:23

Angān dŭh siŭn dŭh an adu adu sabah di Agah Kana anŭ ka jadi tagap darŭm pinyabah ngan. Dŭhnyah pasan pingarap ngan anŭ adi angān ko kambat darŭm angān dingah Agah Kana anŭ. Yŭn Agah Kana anŭ inŭh aku, Paul, mbŭh jadi urun. Ka Agah Kana anŭ mbŭh dog nyuse di ndi ong ong.

COLOSSAE 1:6

Agah Kana anŭ babŭ taban berkat buang mbŭh kambang ka barang yŭn di ong, nimun-i mbŭh kambang di dupan angān piguru so andu angān muran dingah pasar pinyirasi-mandis Tapa ka puan ani sibandar-i.

1 TIMOTHY 2:7

ka anŭ inŭh sabab aku mbŭh dog pait jadi pinyuruh ka gurū yŭn daya adi dŭh bangsa Jahudi, an piagah di ngara agah pasar pinyabah adi sawŭ. Aku dŭh kadong; aku kidaan kayuh adi sawŭ!

2 TIMOTHY 1:11

Tapa mbŭh tijuan aku jadi pinyuruh ka gurū da piagah Agah Kana anŭ,

2 TIMOTHY 2:2

Taban ajar adi kuu ko dingah aku piagah di sirung jawin bagŭ saksi, ka mbas pasan-i di tangan daya adi bisa dog harap, adi bisa ngajar daya bŭkŭn gŭh.

TITUS 1:5

Aku tingge kuu di Crete, isa kuu nyirase kayuh kayuh adi patut dog ndai, ka tijuan bara nyamba eklisia di barang kupo. Ingat pinyitayan ku ati:

HEBREW 11:4

Pinyabah inŭh adi bada Abel jugan ka Tapa sadis adi kana dŭ so tung Cain. Sabab pinyabah-i ayŭh mbŭh daya tŭnggŭn di batŭh Tapa, sabab adŭp Tapa mbŭh munos asŭng-I di pinganggen-i. So ka pinyabah-i Abel babŭ minyu, sunggu ayŭh mbŭh kabŭs.

JAMES 3:18

Ka pinyikana inŭh buwa pingatŭm so bine damai adi dog purun daya adi pinyidamai.

1 PETER 3:15

Pak stabi di Kristus darŭm atin ngan, ka kibās Ayŭh nimun Tuhan. Ari sidia nggen pinyinam di tadŭ daya adi mite angān kidaan rati pingarap adi angān biyŭn.

1 PETER 3:2

sabab ngara bisa kiris aran pimudip ngan adi bisig buang stabi di Tapa.

1 JOHN 4:10

Ati inŭh pinyirindu: dŭh-i ata mbŭh rindu Tapa, pak Ayŭh mbŭh rindu ata, ka mbŭh pait Anak-I da jadi aran adi ngga dosa ta bisa dog apun.

1 JOHN 4:19

Ata rindu sabab Tapa diŭ rindu ata.