JOHN 15:11 - Hakcipta - Biatah Bidayuh

¹¹ “Aku kidaan di angān kayuh ati isa pinyigaŭn Ku bisa agi ngga angān, ka isa pinyigaŭn ngan bisa jadi gŭgŭp.

JOHN 15:11 ပူးပေါင်းရင်းမြစ်များ

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

ISAIAH 62:4

Kuu re dŭh tia dog kadŭn “Adi Dog Tagan”. Tarun tana mu re dŭh tia dog kadŭn “Sawŭn Adi Dog Tingge”. Dŭn bauh mu inŭh re “Tapa Re Munos Asŭng di Ayŭh”. Tarun tana mu re dog kadŭn “Mbŭh Banan” sabab TUHAN inŭh munos asŭng-I di kuu ka re keya ka banŭh yŭn tarun tana mu.

JEREMIAH 32:41

Aku re ngga sanang asŭng ndai kayuh kana yŭn ngara, ka Aku re bada ngara tatap rŭŭ di tarun tana ati.

JEREMIAH 33:9

Jerusalem re jadi atak pinyigaŭn, stabi, ka kayuh adi Aku ngangŭn; ka barang bangsa di ong re taru ka kimŭtŭr kan ngara dingah pasar kayuh kana adi Aku ndai yŭn daya Jerusalem ka pasar udip mujur adi Aku taban ka kupo anŭ.”

ZEPHANIAH 3:17

TUHAN adi Tapa mu agi ngga kuu; kuasa-I nggen pimanang di kuu. TUHAN re pawŭn ka gaŭn sabab kuu. ka ngga pinyirindu-I Ayŭh re nggen udip bauh di kuu. Ayŭh re biragu ka gaŭn sabab kuu,

LUKE 15:23

Komŭnŭ di tambit anak sapi adi gamu ka siŭ. Ja ata bigawai man siramat!

LUKE 15:32

Ata patut bigawai man siramat ka pawŭn, sabab sude mu mbŭh kabŭs, pak madin ayŭh udip; ayŭh mbŭh manyap, pak madin ayŭh dog dapŭd.’ ”

LUKE 15:5

Kan ayŭh mbŭh dapŭd, ayŭh raru gaŭn ka na-i di tunduh kawin-i,

LUKE 15:9

Kan-i mbŭh dapŭd, ayŭh bagan bara dingan samŭn rasū-i, nang-i di ngara, ‘Aku raru gaŭn aku mbŭh dapŭd ndi kiping duit ku anŭ adi manyap. Ja bigawai man siramat ngga aku!’

JOHN 16:24

Ndŭg madin angān gi-bŭn mite kayuh ngga adŭn Ku; mite meh ka angān re kambat, isa pinyigaŭn ngan jadi gŭgŭp.

JOHN 16:33

Aku nang sopŭrŭg ati isa angān biyŭn damai darŭm Aku. Ong re bada angān jera. Pak pagan meh! Aku mbŭh ngarah ong!”

JOHN 17:13

Madin Aku mandŭg ka Kaam. Ka Aku nang kayuh kayuh ati darŭm Aku gibabŭ darŭm ong, isa ngara bisa biyŭn pinyigaŭn Ku ngga sipuno-i.

JOHN 3:29

Pingaten dari inŭh adi dapu pingaten dayung; pak jerā pingaten dari, mijog nguan ka dingah, adi gaŭn kan-i dingah sirŭŭn pingaten dari. Simŭnŭ inŭh pinyigaŭn ku jadi gŭgŭp.

ROME 15:13

Isa-i Tapa, adi nggen pingarap di angān, ngisi atin ngan ngga pinyigaŭn ka damai sabab angān sabah di Ayŭh, isa ngga kuasa Roh Kudus pingarap ngan rabis jadi.

2 CORINTH 1:24

Kieh dŭh an mritah angān jeja ka pinyabah ngan. Kieh puan angān tagap darŭm pinyabah ngan. Pak kieh nyiraja ngga angān yŭn sanang adŭp ngan.

EPHESUS 5:18

Dŭhnyah mabuk, amai anŭ kayuh adi re pirusak angān; angān sipatut-i brisi ngga Roh Kudus.

PHILIPPI 1:25

Anŭ, aku mbŭh tatu puan, ka aku puan aku re babŭ agi ngga angān, turung angān mujur ka gaŭn darŭm pinyabah,

1 THESSALONICA 5:16

Angān an siraru gaŭn,

1 PETER 1:8

Angān rindu Ayŭh, sunggu angān bŭn kiris Ayŭh; angān sabah di Ayŭh, sunggu tong-i angān dŭh kiris Ayŭh. Jadi angān gaŭn ngga pinyigaŭn adi rabis so tungang manusia kira

1 JOHN 1:4

Kieh nuris ati siŭn pinyigaŭn ta jadi gŭgŭp.

2 JOHN 1:12

Bagŭ kayuh an ku kidaan di angān, pak kana dŭ dŭh pakai surat. An dŭ aku di tudu angān ka minyu pasar-i ngga angān, isa ata jadi sukup gaŭn.