JOHN 15:1 - Hakcipta - Biatah Bidayuh

¹ “Aku inŭh tŭngŭn anggor adi sawŭ, ka Sama Ku inŭh tukang-teya anggor.

JOHN 15:1 ပူးပေါင်းရင်းမြစ်များ

RAGU 7:12

Ata re makat awar ka di tingga tŭngŭn anggor, di tingga kadŭ-i mbŭh timbu, kadŭ-i mbŭh mirarak ka tingga tŭngŭn delima kadŭ-i mbŭh piruah rarak-i. Diginŭ aku re nggen di kuu pinyiawang ku.

ISAIAH 4:2

Tika-i re mandŭg kan TUHAN re bada barang masam anak kayuh-udip ngga tŭngŭn kayuh timbu ka masang bās bigatung ka ramus. Sopŭrŭg daya Israel adi babŭ udip re gaŭn ka mingangŭn di buwa pimuruh adi tana piruah.

ISAIAH 60:21

Sopŭrŭg daya mu re ndai kayuh adi batur, ka re dapu tarun tana ati ndŭg situi tui. Aku purun ngara, Aku ndai ngara, ngga pinandŭng bās Ku di sopŭrŭg.

ISAIAH 61:3

bada nggen di ngara adi ngurid di Zion pinyigaŭn ngga pawŭn, ka dŭh pinyusah, ragu puji, ka dŭh ragu pinyusah. Ngara re keya ka tŭngŭn tŭngŭn kayuh adi adŭp TUHAN mbŭh purun. Sopŭrŭg ngara re ndai kayuh adi batur, ka Tapa re dog muji amai kayuh adi Ayŭh mbŭh ndai.

JEREMIAH 12:10

Bagŭ pimritah daya tami mbŭh pirusak teya anggor Ku; ngara mbŭh bidigang di tana ŭmŭh Ku; ngara mbŭh bada tarun tana Ku adi ramus jadi tarun tana-sumat.

JEREMIAH 2:21

Aku purun kuu keya ka purun tŭngŭn anggor adi kana so ruwang adi siabo kana. Pak tingga ani pinyadi mu! Kuu mbŭh keya ka tŭngŭn anggor adi madam ka adi dŭh biguna.

EZEKIEL 19:10

Sindŭ mu keya ka tŭngŭn anggor dog purun sindŭk ndi anak sungi. Sabab diginŭ bagŭ piin, tŭngŭn-i pidawŭn ka buān.

HOSEA 10:1

Daya Israel mbŭh mun tŭngŭn anggor adi sarad ngga buwa anggor. Pimudip ngara mujur, pak tanŭ ka bagŭ mija-sambah dog pijog ngara. Bagŭ buwa pimuruh ngara, pak tanŭ ka bagŭ uros pirapu' dog nyambah ngara.

ZECHARIAH 3:8

Dingah Joshua, kuu adi Imam Bās; ka dingah, angān bara imam adi samah ngga ayŭh, angān adi tandā tipuh kana adi re: Aku re pinandŭng urun Ku, adi dog kadŭn Daan!

MATTHEW 15:13

“Barang tŭngŭn kayuh adi Sama Ku adi di shorga dŭh purun re dog dimbut,” nam Jesus.

MATTHEW 20:1

“Kan Tapa mritah kayuh agi keya ka di upama ati. Agi ndi sidah, ndi naan daya matak awar isan isan di jiroh daya da bikuri di teya anggor-i.

MATTHEW 21:33

“Dingah upama ati ndi dinge,” Jesus nang. “Agi ndi sidah, daya adi dapu tana ndai teya anggor, muwang-i, kareh rubang yŭn mŭ anggor, ka pijog sirangga. Komŭnŭ ayŭh nyewa teya anggor anŭ di pinyewa teya ka adŭp-i di nami.

MARK 12:1

Komŭnŭ Jesus nyidundan upama ati di ngara: “Agi ndi sidah ndi naan daya ndai teya anggor, ndai buwang maning-i, kareh rubang yŭn mŭ anggor, ka pijog sirangga. Komŭnŭ ayŭh nyewa teya anggor-i anŭ di daya, ka adŭp-i di matak nami.

LUKE 13:6

Ka-I nyidundan upama ati di ngara: “Agi ndi naan daya biyŭn tŭngŭn ara di teya anggor-i. Ayŭh di jiroh buwa ara dieh pak mating dapŭd-i.

JOHN 1:17

Tapa mbŭh nggen Ukum-adat so ka Moses, pak pinyirasi-mandis ngga pinyawŭ mandŭg so ka Jesus Kristus.

JOHN 1:9

Ati inŭh jawa adi sawŭ, adi mandŭg ka ong ka nyekar sopŭrŭg manusia.

JOHN 15:2

Barang daan adi darŭm Aku adi dŭh buān Ayŭh japa, ka barang daan adi buān buwa Ayŭh pibisig isa-i buān rabis bagŭ buwa.

JOHN 6:32

“Aku kidaan di angān kayuh adi sawŭ,” Jesus nang. “Anŭ adi Moses nggen di angān dŭh-i ruti so shorga; adŭp Sama Ku inŭh adi nggen di angān ruti adi sawŭ so shorga.

JOHN 6:55

Amai pŭrŭng Ku inŭh pinguman adi sawŭ, ka deya Ku inŭh nok adi sawŭ.

ROME 11:17

Kada daan tŭngŭn kanā adi taŭn daya purun dog kadi, ka ndi daan so tŭngŭn kanā tuān dog tubu dieh. Angān daya adi dŭh bangsa Jahudi agi keya ka tŭngŭn kanā tuān, ka madin mbŭh samah dapu pimudip roh adi tagap anŭ adi tung daya Jahudi.

1 CORINTH 3:9

Amai kieh mbŭh samah biturung darŭm kraja yŭn Tapa, ka adŭp ngan gŭh meh teya Tapa. Angān gŭh ramin Tapa.

1 JOHN 2:8

Pak pinyipesan adi aku nuris ka angān madin inŭh bauh, sabab pinyawŭ-i agi tatŭng darŭm Kristus ka darŭm angān gŭh. Amai karŭm re ripuan, ka jawa adi sawŭ mbŭh agi nyekar.