JOHN 14:20 - Hakcipta - Biatah Bidayuh

²⁰ Kan andu anŭ mbŭh mandŭg, angān re puan Aku agi darŭm Sama ka angān agi darŭm Aku, nimun Aku agi darŭm angān.

JOHN 14:20 ပူးပေါင်းရင်းမြစ်များ

JOHN 10:38

Pak kambŭi Aku ndai-i, sunggu angān dŭh sabah Aku, angān patut sikurang kurang-i sabah pingandai Ku, siŭn angān bisa rada ka puan nang Sama agi darŭm Aku ka Aku agi darŭm Sama.”

JOHN 14:10

Dŭh kah kuu sabah Aku agi darŭm Sama, ka Sama agi darŭm Aku? Pinganang Ku anŭ,” Jesus nang di bara murid-I, “dŭh inŭh so adŭp Ku. Sama, adi rŭŭ darŭm Aku, inŭh adi ndai kraja-I.

JOHN 14:11

Sabah Aku kan Aku nang Aku agi darŭm Sama ka Sama agi darŭm Aku. Kambŭi dŭh, angān bisa sabah Aku sabab kayuh adi Aku ndai.

JOHN 16:23

“Kan andu anŭ mandŭg, angān dŭh re siken kayuh di Aku. Aku kidaan di angān kayuh adi sawŭ: Sama re nggen di angān tadŭ kayuh adi angān mite ngga adŭn Ku.

JOHN 16:26

Di tipuh anŭ, angān re mite di Tapa ngga adŭn Ku; dŭh Aku nang Aku re sah mite yŭn ngan,

JOHN 17:11

Ka madin Aku mandŭg ka Kaam, ka dŭh tia di ong, pak ngara babŭ di ong. Sama adi kudus, kingat ngara ngga kuasa adŭn Mai, adŭn adi Kaam mbŭh nggen di Aku, isa ngara bisa jadi ndi nimun Kaam ngga Aku agi ndi.

JOHN 17:26

Aku mbŭh piagah adŭn Mai di ngara, ka re adu adu ndai simŭnŭ, siŭn pinyirindu Mai di Aku bisa gŭh agi darŭm ngara, ka isa Aku bisa gŭh agi darŭm ngara.”

JOHN 17:7

ka madin ngara mbŭh puan nang sopŭrŭg kayuh adi Kaam mbŭh nggen di Aku agi mandŭg so Kaam.

JOHN 6:56

Daya adi man pŭrŭng Ku ka nok deya Ku agi udip darŭm Aku, ka Aku udip darŭm ayŭh.

ROME 16:7

Tabi gŭh ka Andronicus ngga Junia, ngara adi samah daya Jahudi adi ko agi ngga aku darŭm jer; ngara mbŭh dog puan bara pinyuruh, ka mbŭh jadi Kristen diŭ so aku.

ROME 8:1

Madin daya adi udip ndi ngga Kristus Jesus dŭh re dog nunggu.

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

2 CORINTH 12:2

Aku puan ndi naan daya Kristen, simŭng-pat sawa adi mbŭh ripas, dog paad ka shorga adi siabo bigatung (aku dŭh puan sawŭ ngga dŭh-i kayuh ati; bait-i ayŭh kiris kayuh keya ka di darŭm pŭmŭh. Kayuh ati, Tapa adŭ puan).

2 CORINTH 13:5

Nakit suba adŭp ngan ka tingga, nang kah udip darŭm pinyabah kah dŭh angān. Tatu angān puan Kristus Jesus agi rŭŭ darŭm angān, anŭ inŭh kambŭi angān dŭh arah darŭm pisuba anŭ.

2 CORINTH 5:17

Daya adi udip darŭm Kristus mbŭh daya bauh; adi amba mbŭh mating, adi bauh mbŭh mandŭg.

2 CORINTH 5:19

Kayuh adi kieh nyuse inŭh Tapa mbŭh ndai sopŭrŭg manusia da jadi bara dingan-I, darŭm Kristus. Tapa dŭh an ingat sarah ngara, ka mbŭh nggen di kieh piminyu ajar adi kidaan munki Ayŭh ndai ngara da bidingan ngga adŭp-I.

GALATIA 2:20

isa-i dŭh tia aku adi udip, pak adŭp Kristus udip darŭm aku. Pimudip ku madin inŭh so ka pinyabah ku di Anak Tapa, adi rindu aku ka adi mbŭh kabŭs yŭn ku.

EPHESUS 2:10

Ata ati pingandai Tapa, ka darŭm ata udip ndi ngga Kristus Jesus, Tapa mbŭh napa ata yŭn pingandai kana, adi-I mbŭh diŭ sidia da ata ndai.

COLOSSAE 1:19

Amai so pinyiraan adŭp Tapa inŭh Anak agi brimun ngga Tapa.

COLOSSAE 1:27

Tapa ndai simŭnŭ isa daya-I puan rusia-I, rusia adi bās ka bragah adi-I mbŭh sidia yŭn sopŭrŭg manusia. Ka rusia anŭ inŭh adŭp Kristus agi darŭm angān; sirati-i angān re sua dapŭd utung darŭm bragah Tapa.

COLOSSAE 2:9

Adŭp Kristus inŭh Tapa, darŭm pimudip manusia-I,

1 JOHN 4:12

Gi-mating daya kiris Tapa, pak kambŭi ata rindu dingan ta, Tapa udip ndi ngga ata, ka pinyirindu-I mbŭh jadi sukup batur darŭm ata.