JOHN 14:12 - Hakcipta - Biatah Bidayuh

¹² Aku kidaan di angān kayuh adi sawŭ: daya adi sabah di Aku re ndai kayuh adi Aku ndai, ka pingandai adi rabis bās re ngara ndai gŭh, sabab Aku re di ka Sama.

JOHN 14:12 ပူးပေါင်းရင်းမြစ်များ

MATTHEW 21:21

Jesus nam, “Puan meh, kambŭi angān batur batur sabah di Tapa, angān re tungang ndai kayuh adi Aku ndai di tŭngŭn ara ati. Ka dŭh-i anŭ adŭ, pak angān re rabis tungang nang di sandah ati, ‘Makat ka taran adŭp mu ka rawŭt,’ ka-i re sawŭ taran adŭp-i.

MARK 11:13

Ayŭh kiris so jo ndi tŭngŭn ara adi raru pidawŭn-i, jadi Ayŭh di tingga an puan agi kah mating buwa-i. Pak kan Ayŭh ndŭg nŭ, Ayŭh kiris dudu dawŭn adŭ, sabab-i dŭh tika adi ngga-i buān.

MARK 16:17

Ngara adi sabah re dog nggen kuasa ngga ndai pingandai-nginga: ngara re pibu umot ngga adŭn Ku; ngara re minyu piminyu saruh.

JOHN 14:28

Angān ko dingah Aku nang, ‘Aku re bu, pak re mandŭg pari ka angān.’ Kambŭi angān rindu Aku, angān gaŭn kiris Aku di ka Sama; amai Ayŭh agi bās dŭ so Aku.

JOHN 16:7

Pak Aku kidaan di angān kayuh adi sawŭ: mbŭh kana di angān inŭh Aku bu, sabab kambŭi Aku dŭh bu, Pinurung dŭh re mandŭg ka angān. Pak kambŭi Aku bu, Aku re pait Ayŭh ka angān.

JOHN 4:37

Sawŭ inŭh kayuh adi daya nang, ‘Bŭkŭn daya adi purun, bŭkŭn gŭh adi ngatŭm.’

JOHN 5:20

Sabab Sama rindu Anak Ayŭh mbŭh kiren sopŭrŭg adi-I ndai di Anak. Ayŭh re kiren di Ayŭh kayuh adi rabis bās so ati; sopŭrŭg ngan re inga inga da-I.

JOHN 7:33

Jesus nang, “Aku dŭh re tui agi ngga angān, ko anŭ Aku re pari ka Ayŭh adi bada Aku mandŭg.

JOHN 7:39

Jesus nang sakanŭ pasar Roh Kudus, adi ngara adi sabah di Ayŭh re kambat. Di Tipuh anŭ, Roh Kudus gibayuh dog nggen, sabab Jesus gibayuh dog paad ka darŭm bragah.

PINGANDAI 10:46

Amai ngara dingah ngara minyu darŭm piminyu saruh buang muji Tapa. Peter minyu:

PINGANDAI 16:18

Ayŭh batang an barang andu nang sakanŭ, ndŭg ka Paul mbŭh susah da-i; Paul bigiring ka nang di roh anŭ, “Darŭm adŭn Jesus Kristus aku mritah kuu da ruah so ayŭh!” Jam anŭ gŭh roh anŭ ruah so ayŭh.

PINGANDAI 19:12

anŭ sabab ndŭg ka pingutos tangan ka banang banang adi Paul pakai dog tambit so ayŭh yŭn bara adi birandam; ka daya adi birandam sawŭ bua, ka bara roh arap bu so daya.

PINGANDAI 2:33

Ayŭh mbŭh dog pakat da guru di yŭn adi bikuasa tura ka tauh Tapa adi Sama-I, ka mbŭh kambat Roh Kudus so Ayŭh, nimun adi-I ko bijanji an nggen. Anŭ adi angān kiris ka dingah madin inŭh pinganggen-I adi-I ren di tunduh kieh.

PINGANDAI 2:41

Bagŭ ngara sabah di pinganang-i ka mbŭh rasu dog baptisa; ka agi taruh ribu naan daya dog nambah di tibaran ngara di andu anŭ.

PINGANDAI 4:16

“Simuki ata re ngga ngara ati?” ngara nang. “Sopŭrŭg daya di Jerusalem mbŭh puan nang ngara adi ndai pingandai-nginga anŭ, ka ata dŭh tungang miman-i.

PINGANDAI 4:33

Ka bara pinyuruh, ngga kuasa bās bisaksi di pinyimakat Tuhan Jesus; buang berkat bās, Tapa mbŭh ren di tunduh ngara.

PINGANDAI 4:4

Pak bagŭ adi dingah agah so Peter ngga John mbŭh sabah di Jesus; ka kiang ngara adi sabah mbŭh bitambah kira ka agi rimŭh ribu naan.

PINGANDAI 5:15

Sabab kayuh adi bara pinyuruh mbŭh ndai, daya birandam mbŭh dog taban ka aran ka dog piguring di pangō bait di ambok isa sikurang kurang-i singangi Peter bisa dog ngara kan-i panu murah.

PINGANDAI 6:7

Ka pinganang Tapa makin kambang di barang yŭn. Ka bara murid di Jerusalem makin bitambah, ka mbŭh agi gŭh tibaran imam adi mbŭh sabah.

PINGANDAI 8:7

Roh arap ruah so bagŭ daya buang-i nyirais ngga sirŭŭn bana, ka bagŭ daya adi naman andam ruku ngga adi bajang dog pibua.

PINGANDAI 9:34

“Aeneas,” Peter nang di ayŭh, “Jesus Kristus pibua kuu. Makat ka marun ambok mu.” Aeneas rasu makat.

PINGANDAI 9:40

Pak Peter bada ngara ruah ka sapa, ka adŭp-i sidikang simayang; komŭnŭ ayŭh nyindŭk tadang anŭ ka nang, “Tabitha, makat!” Tabitha bidarang, ka kan-i kiris Peter, ayŭh guru.

ROME 15:19

so kuasa pingandai-nginga ngga pingandai-saruh, ka so kuasa Roh Kudus. Ngapŭi meh, darŭm panu bijaruh so Jerusalem ndŭg Illyricum, aku agi piagah Agah Kana pasar Kristus.