Ndai di ngara nimun angān ndai di daya Israel, ka rindu ngara nimun angān rindu adŭp ngan. Ingat adŭp ngan muko jadi daya pinami gŭh di Egypt. Aku ati TUHAN adi Tapa ngan.
Aku simayang isa ngara jadi ndi. Sama! Aku mite ngara jadi ndi darŭm Ata, nimun Kaam agi darŭm Aku ka Aku agi darŭm Kaam. Aku mite ngara jadi ndi, isa ong bisa sabah nang Kaam sawŭ mbŭh pait Aku.
Pimudip ngan dŭh siŭn dŭh dog nguasa pinyirindu, nimun Kristus mbŭh rindu ata ka mbŭh nggen asŭng-I yŭn ta adi keya ka pinganggen adi buuh ramak ngga sadis adi pimunos asŭng Tapa.
Bara dingan, kieh dŭh siŭn dŭh an siraru nggen trima kaseh di Tapa sabab angān. Patut inŭh kieh ndai simŭnŭ, sabab pinyabah ngan mbŭh bana kambang ka pinyirindu ngan dupan adŭp ngan mbŭh dŭ dŭ bitambah.
Angān ndai pingandai kana kambŭi angān sita ukum-adat pinyipritah Tapa adi dog nuris darŭm Surat-kudus, “Rindu dingan ngan nimun angān rindu adŭp ngan.”
Amai madin so ka adŭp ngan adi dingah ka nurut ajar adi sawŭ pasar Tapa, angān mbŭh pibisig adŭp ngan ka mbŭh biyŭn pinyirindu ngga atin tŭnggŭn yŭn bara adi bŭkŭn adi samah sabah di Jesus; rindu dingan ngan ngga siabo atin ngan.
Jadi aku ngaja kuu: Ja ata sopŭrŭg rindu dingan ta. Ati adi aku nuris nuju kuu dŭh-i pinyipesan adi bauh, pak pinyipesan adi taŭn mbŭh tui ata biyŭn so sibungas-i.