JOHN 13:21 - Hakcipta - Biatah Bidayuh

²¹ Ripas Jesus ko minyu sakanŭ, Ayŭh raru susah ka rasu kidaan di sopŭrŭg ngara, “Aku kidaan di angān kayuh adi sawŭ: ndi so angān re jua Aku.”

JOHN 13:21 ပူးပေါင်းရင်းမြစ်များ

MATTHEW 26:21

Di tika man Jesus nang, “Aku kidaan di angān, ndi so angān re jua Aku.”

MATTHEW 26:38

ka-I nang di ngara, “Pinyusah Ku raru bat-i, batang re kabŭs nyam Ku da-i. Kajŭn digiti angān buang bijaga ngga Aku.”

MARK 14:18

Darŭm ngara mbŭh guru man, Jesus nang, “Aku kidaan di angān, ndi so angān re jua Aku; sianŭ adi man ngga Aku inŭh ayŭh.”

MARK 3:5

Jesus tuas buang-I tingga ngara bait tauh-I, pak masi di ngara, sabab ngara paŭh baking buang sarah. Jadi Ayŭh nang di daya anŭ, “Ton tangan mu.” Ayŭh ton tangan-i, ka-i pari bua.

JOHN 11:33

Jesus kiris ayŭh sien ka kiris gŭh bara adi tunda ayŭh samah sien; Ayŭh susah buang masi.

JOHN 11:35

Jesus sien.

JOHN 11:38

Gibabŭ susah, Jesus di ka kubur. Kubur anŭ tang, ka tibande batuh agi dieh ngga nabat rubang-i.

JOHN 12:27

“Madin asŭng Ku mbŭh raru susah; Ani meh re Ku nang? Bisa kah Aku nang, ‘Sama, dŭhnyah bada tika jera-birasa ati dog Aku’? Pak sabab ati inŭh Aku mbŭh mandŭg ka darŭm ong, isa Aku kinyam jera-birasa ati.

JOHN 13:18

“Dŭh-i pasar sopŭrŭg ngan Aku nang sakanŭ tejah. Aku puan daya adi Aku ko mien. Pak pinganang Surat-kudus dŭh siŭn dŭh an jadi bitŭtŭk, adi nang, ‘Daya adi samah man pinguman Ku mbŭh makat rawan Aku.’

JOHN 13:2

Jesus ngga bara murid-I agi guru man. Siarap mbŭh na darŭm atin Judas, anak Simon Iscariot, pikir-kira an jua Jesus.

JOHN 13:22

Bara murid gŭgŭh, sanuh kimat sanuh buang inga inga, asi meh daya anŭ.

PINGANDAI 17:16

Sitadŭn Paul di Athens kajŭn Silas ngga Timothy, ayŭh mbŭh raru susah kan ayŭh kiris munki masam puno kupo anŭ ngga dudu tibudo.

1 JOHN 2:19

Bara pinganyu Kristus anŭ taŭn sawŭ dŭh so tibaran ta, ngapŭi ngara bu tingge ata; kambŭi ngara so tibaran ta, ngara tatu babŭ ngga ata. Pak ngara bu isa-i tatŭng mating katŭn ngara sawŭ so tibaran ta.