TUHAN Raja re siŭ pinyikabŭs ndŭg situi tui! Ayŭh re ngutos randang batŭh so batŭh barang naan daya, ka kadi mangŭh adi daya-I kinyam di ndi ong ong. Adŭp TUHAN mbŭh minyu!
Daya Mai adi mbŭh kabŭs re pari udip dinge! Tadang ngara re makat udip dinge. Sopŭrŭg ngara adi bŭŭs darŭm kubur re burah ka biragu ngga gaŭn. Nimun kirib sipot-abun adi misa tana, simŭnŭ gŭh TUHAN re pakat ngara adi mbŭh tui kabŭs.
Aku dŭh re nyiramat daya ati so ong daya adi mbŭh kabŭs bait pirupas ngara so kuasa pinyikabŭs. Taban sesak andam mu, pinyikabŭs! Taban pinyirusag mu, ong daya adi mbŭh kabŭs! Aku mbŭh dŭh tia masi di bangsa ati.
Ka-i mbŭh nanyam ka pinyiraan-I adi bada Aku mandŭg inŭh Aku dŭh siŭn kinanyap ngara adi-I mbŭh nggen di Aku, isa Aku bisa pakat ngara di andu sikasŭn.
Ngga pinyabah, bara dayung kambat bara madis ngara adi mbŭh dog pakat so kabŭs. Adi bŭkŭn, abah dog pirupas, kabŭs dog kijera ramŭn an dog pakat ka pimudip adi kana dŭ.