JOHN 11:11 - Hakcipta - Biatah Bidayuh

¹¹ Ripas-I nang sakanŭ Jesus nang, “Dingan ta Lazarus mbŭh bŭŭs, ka Aku re di kies ayŭh.”

JOHN 11:11 ပူးပေါင်းရင်းမြစ်များ

2 RAJA 4:31

Gehazi matak diŭ ka pakat sikud Elisha di tunduh anak anŭ, pak mating sak asŭng-i ka dŭh gŭh biguyut. Jadi ayŭh pari ka Elisha ka nang, “Anak anŭ dŭh burah.”

2 KRONIKEL 20:7

Kaam inŭh Tapa ami. Kan daya Mai Israel bipindah ka tarun tana ati, Kaam pibu daya adi rŭŭ digiti ka nggen tarun tana ati di bara sesang Abraham, adi dingan Mai, bada-i jadi tung ngara ndŭg situi tui.

PINYIRUAH 33:11

TUHAN minyu situra jawin ngga Moses mun daya minyu ngga jerā-i. Komŭnŭ Moses pari ka yŭn ngara bibari. Pak sianŭ adi mara, adi pinurung-i, Joshua anak Nun, rŭŭ di Bari TUHAN.

ISAIAH 41:8

“Pak angān, Israel adi urun Ku, Angān inŭh daya adi Aku mbŭh mien, adi bara sesang Abraham, jerā Ku.

DANIEL 12:2

Bagŭ so ngara adi mbŭh kabŭs re pari udip: agi adi re kinyam udip adi tan adu adu, ka agi adi re kinyam sangsara mangŭh adi ruro.

MATTHEW 27:52

kubur kubur tikuka, ka bagŭ bara daya adi Tapa mbŭh mien adi mbŭh kabŭs dog pakat udip bauh.

MATTHEW 9:24

Ayŭh nang, “Ruah sopŭrŭg ngan! Anak dayung anŭ dŭh-i kabŭs, bŭŭs adŭ ayŭh!” Ngara tawŭh Ayŭh.

MARK 5:39

Ayŭh mŭrŭt ka nang di ngara, “Mani angān bipito ka sien? Anak anŭ dŭh kabŭs; bŭŭs adŭ ayŭh!”

JOHN 11:10

Pak daya adi panu singarŭm re sikak, amai ngara dŭh biyŭn jawa.”

JOHN 11:12

Bara murid nam, “Tuhan, kambŭi ayŭh bŭŭs, ayŭh re bua.”

JOHN 11:13

Jesus, sibandar-i, nang pasar pinyikabŭs Lazarus, pak ngara pikir ayŭh nang Lazarus batur bŭŭs.

JOHN 11:3

Dayung adi duwŭh madis ati pait pinganang ka Jesus: “Tuhan, dingan Mai Lazarus, birandam.”

JOHN 3:29

Pingaten dari inŭh adi dapu pingaten dayung; pak jerā pingaten dari, mijog nguan ka dingah, adi gaŭn kan-i dingah sirŭŭn pingaten dari. Simŭnŭ inŭh pinyigaŭn ku jadi gŭgŭp.

PINGANDAI 7:60

Ka ayŭh sidikang ka nyirais nang, “Tuhan, apun dosa ngara!” Ko-i nang sakanŭ, ayŭh kabŭs.

1 CORINTH 15:18

Ka sirati-i gŭh bara adi sabah di Kristus adi mbŭh kabŭs mbŭh manyap.

1 CORINTH 15:34

Nakit bipikir ka dŭh tia bidosa. Angān patut mangŭh ngarun kada so angān dŭh puan Tapa.

1 CORINTH 15:51

Dingah meh rusia ati: dŭh sopŭrŭg ta re kabŭs, pak kan sikasŭn trompet dog mambak, sopŭrŭg ta re bitukar darŭm ndi kidap batŭh. Amai kan trompet anŭ dog mambak, daya adi kabŭs re dog pakat, dŭh re tia kabŭs, ka ata sopŭrŭg re bitukar.

EPHESUS 5:14

amai tadŭ kayuh adi granan tatŭng jadi jawa. Ngapŭi meh mbŭh agi dog nang, “Burah meh, kuu adi bŭŭs, makat so pinyikabŭs; Kristus re nyekar di tunduh mu.”

DITRONOMI 31:16

TUHAN nang di Moses, “Kuu dŭm dŭh tui re kabŭs, ka ripas pinyikabŭs mu bara daya re dŭh tia tŭtŭd di Aku ka miranggar simanya adi Aku muko ndai ngga ngara. Ngara re tagan Aku ka nyambah tapa tapa adi dog nyambah di tarun tana adi ngara re ngisi.

1 THESSALONICA 5:10

adi kabŭs yŭn ta siŭn ata dapŭd udip samah ngga Ayŭh, bait-i ata udip puan kah kabŭs di andu-I mandŭg.

JAMES 2:23

Ka pinganang Surat-kudus mbŭh jadi bitŭtŭk adi nang, “Abraham sabah di Tapa, ka sabab pinyabah-i Tapa mbŭh ngitong ayŭh tŭnggŭn.” Ka Abraham meh mbŭh dog kadŭn bidingan ngga Tapa.