JOHN 10:4 - Hakcipta - Biatah Bidayuh

⁴ Kan-i mbŭh taban sopŭrŭg biri ka sapa, ayŭh panu diŭ so bara biri; ka bara biri tunda ayŭh, sabab ngara natŭng sirŭŭn-i.

JOHN 10:4 ပူးပေါင်းရင်းမြစ်များ

RAGU 2:8

Aku dingah sirŭŭn dari adi aku awang. Ayŭh mandŭg bikaduh kudak darŭd mutas sandah di ka yŭn ku.

RAGU 5:2

Darŭm aku bŭŭs, atin ku burah. Aku pŭmŭh dari adi aku awang nutok tiban. Bada aku mŭrŭt, dayung ku, manuk asang ku, buwa atin ku. Ubak ku bisa bada sipot-abun, ka ubok ku mirimet bada abun ngarŭm.

MATTHEW 16:24

Komŭnŭ Jesus nang di bara murid-I, “Kambŭi agi so angān an jadi pinunda Ku, ayŭh dŭh siŭn dŭh an ngarah adŭp-i, gŭrŭng rigang-i, ka tunda Aku.

JOHN 10:16

Agi gŭh biri adi bŭkŭn adi Aku dapu, adi dŭh so kandang ati. Aku dŭh siŭn dŭh nguru ngara gŭh; ngara raan dingah sirŭŭn Ku, ka ngara raan jadi ndi kaban biri adi biyŭn ndi pingingat.

JOHN 10:27

Biri Ku dingah sirŭŭn Ku; Aku puan ngara, ka ngara tunda Aku.

JOHN 10:3

Sianŭ adi jaga tiban kuka tiban yŭn-i; biri dingah sirŭŭn-i kan ayŭh bagan jangi biri ngga dŭn, ka nguru ngara ruah.

JOHN 10:5

Ngara dŭh tunda daya saruh; bikaduh bu kidŭ-i, amai ngara dŭh natŭng sirŭŭn-i.”

JOHN 10:8

Sopŭrŭg adi mandŭg diŭ so Aku inŭh bara pinaku ka pirupak, ka bara biri dŭh dingah sirŭŭn ngara.

JOHN 12:26

Asi asi adi an bituan di Aku dŭh siŭn dŭh an tunda Aku, isa daya-gaji Ku siraru agi ngga Aku di tadŭ yŭn Ku. Ka Sama Ku re kibās barang naan daya adi bituan di Aku.

JOHN 13:15

Aku mbŭh kiren suto di angān, isa angān ndai di dingan ngan nimun Aku ko ndai di angān.

JOHN 18:37

Ka Pilate nang di Ayŭh, “Jadi Kuu ati raja, meh?” Jesus nam, “Adŭp mu mbŭh nang Aku raja. Aku dog biranak di ong yŭn ndi pinŭtŭn, an minyu pasar kayuh adi sawŭ. Asi asi adi trima kayuh adi sawŭ, dingah Ku.”

JOHN 3:29

Pingaten dari inŭh adi dapu pingaten dayung; pak jerā pingaten dari, mijog nguan ka dingah, adi gaŭn kan-i dingah sirŭŭn pingaten dari. Simŭnŭ inŭh pinyigaŭn ku jadi gŭgŭp.

1 CORINTH 11:1

Tunda suto danding ku, nimun aku tunda suto danding Kristus.

EPHESUS 5:1

Amai angān bara anak Tapa adi-I rindu, angān dŭh siŭn dŭh bada adŭp ngan mun Ayŭh.

DITRONOMI 1:30

TUHAN adi Tapa ngan re nguru angān, ka re birawan yŭn ngan nimun adi muko angān kiris Ayŭh birawan yŭn ngan di Egypt,

HEBREW 12:2

Ja ata adu adu nyigura ka Jesus, di yŭn pinyabah ta bisangan so sibungas-i ndŭg sikasŭn-i. Ayŭh dŭh arah da rigang! Pak, sabab pinyigaŭn adi kajŭn Ayŭh, Ayŭh dŭh kira mangŭh kabŭs di atuh rigang, ka madin Ayŭh mbŭh guru tura ka tauh takta Tapa.

HEBREW 6:20

Ngga-I ngarun ata, Jesus mbŭh mŭrŭt kamanŭ diŭ so ata ka jadi Imam Bās ndŭg situi tui, mun Imam Melchizedek.

1 PETER 2:21

Tapa bagan angān da ndai simŭnŭ, amai adŭp Kristus ko jera-birasa yŭn ngan, jadi suto danding isa angān tunda.

1 PETER 4:1

Amai Kristus ko jera-birasa darŭm pŭrŭng, angān gŭh dŭh siŭn dŭh an nyibake adŭp ngan ngga pinŭtŭn adi mun jangi; sabab daya adi sangsara darŭm pŭrŭng abah-i tia bidosa.

1 PETER 5:3

Dŭhnyah bada adŭp ngan mun daya pinguasa di tunduh daya adi angān jaga, pak jadi suto danding yŭn ngara.