JOHN 10:3 - Hakcipta - Biatah Bidayuh

³ Sianŭ adi jaga tiban kuka tiban yŭn-i; biri dingah sirŭŭn-i kan ayŭh bagan jangi biri ngga dŭn, ka nguru ngara ruah.

JOHN 10:3 ပူးပေါင်းရင်းမြစ်များ

MAZMUR 80:1

Dingah kieh, O Pingingat Israel; dingah kieh, pinguru kaban biri Mai. Guru di takta Mai di tunduh cherubim,

PINYIRUAH 33:17

TUHAN nang di Moses, “Aku re ndai nanyam ka pimite mu, amai Aku puan kuu, ka asŭng Ku munos di kuu.”

PITAS 27:23

Nakit sita biri ngga sapi mu ngga situngang tungang mu,

RAGU 8:13

Bada aku dingah sirŭŭn mu so teya, dayung adi aku awang; bara dingan ku mbŭh kajŭn an dingah kuu minyu.

ISAIAH 40:11

Ayŭh re kingat daya-I mun pingingat-biri; Ayŭh re nguruk bada tikuruk anak anak biri ka puko ngara ngga tangan; Ayŭh re nakit nguru sindŭ ngara.

ISAIAH 42:16

“Aku re nguru daya karak di aran adi bŭn ngara kadŭg. Aku re bada karŭm ngara jadi jawa ka pirata aran adi nyurok mugu yŭn ngara. Anŭ inŭh janji Ku, ka Aku re batur batur sita-i.

JOHN 10:14

Aku ati pingingat-biri adi kana. Nimun Sama puan Aku ka Aku puan Sama, simŭnŭ gŭh Aku puan jaku biri, ka biri Ku puan Aku. Ka Aku sanggup kabŭs yŭn ngara.

JOHN 10:16

Agi gŭh biri adi bŭkŭn adi Aku dapu, adi dŭh so kandang ati. Aku dŭh siŭn dŭh nguru ngara gŭh; ngara raan dingah sirŭŭn Ku, ka ngara raan jadi ndi kaban biri adi biyŭn ndi pingingat.

JOHN 10:4

Kan-i mbŭh taban sopŭrŭg biri ka sapa, ayŭh panu diŭ so bara biri; ka bara biri tunda ayŭh, sabab ngara natŭng sirŭŭn-i.

JOHN 10:9

Aku inŭh tiban. Sopŭrŭg adi mŭrŭt so Aku re dog nyiramat. So Aku ngara re ruah mŭrŭt jiroh pinguman.

JOHN 6:37

Sopŭrŭg daya adi Sama mbŭh nggen di Aku, re mandŭg ka Aku. Aku dŭh re kasig daya adi mandŭg ka Aku,

JOHN 6:45

Nabi ko nuris sakati, ‘Barang naan re dog ngajar Tapa.’ Daya adi dingah Sama ka birajar so Ayŭh, mandŭg ka Aku.

ROME 8:30

Ka ngara adi Tapa ko nyidŭrŭ, Ayŭh bagan; ka ngara adi-I bagan, Ayŭh bada bamai ngga adŭp-I, ka samah bragah-I ngga ngara.

1 CORINTH 16:9

Agi pluang digiti ngga ndai kraja raru biguna, sunggu pinganyu bagŭ.

PHILIPPI 4:3

Ka kuu gŭh, dingan ku adi tŭtŭd darŭm kraja, aku mite kuu turung duwŭh naan dayung anŭ; amai ngara mbŭh bandar nyiraja ngga aku darŭm nyuse Agah Kana, samah ngga Clement samŭn sopŭrŭg adi bŭkŭn di kraja ta. Dŭn ngara mbŭh agi darŭm surat di yŭn dŭn bara daya adi Tapa mbŭh mien dog nuris.

COLOSSAE 4:3

Ka dŭh gŭh kambŭt simayang yŭn kieh, isa Tapa nggen di kieh pluang ngga nyuse agah-I pasar rusia Kristus. Sabab anŭ inŭh aku madin darŭm jer.

2 TIMOTHY 2:19

Pak pinagap-rasan adi tagap anŭ adi Tapa ko na dŭh dapŭd dog ngugoh; ka di tunduh pimŭnŭs anŭ agi dog nuris sakati: “Tuhan puan bara daya adi-I dapu” ka “Ngara adi nang adŭp-i mbŭh dog dapu Tapa dŭh siŭn dŭh taran pingandai sarah.”

1 PETER 1:12

Tapa mbŭh kiren di bara nabi anŭ nang kraja pingandai ngara dŭh-i yŭn utung adŭp ngara, pak yŭn utung ngan. Ngara minyu pasar kayuh anŭ adi angān madin ko dingah so bara pinyisung adi kidaan Agah Kana ngga kuasa Roh Kudus adi dog pait so shorga. Anŭ inŭh kayuh adi adŭp bara malaikat an gŭh sua mirati.

1 JOHN 4:6

Pak ata mbŭh daya adi Tapa dapu. Asi asi adi puan Tapa dingah ata; asi asi adi dŭh tung Tapa dŭh dingah ata. Simŭnŭ inŭh ata bisa ngatŭn aki ndi Roh adi nggen ajar adi sawŭ ka aki ndi roh adi kinanyap daya.

3 JOHN 1:14

Aku harap aku rikas dapŭd kuu, ka nganŭ ata bisa minyu pasar-i.

PINANDŬNG 20:15

Ngara adi dŭh biyŭn dŭn-i dog nuris darŭm surat di yŭn dŭn bara daya adi Tapa mbŭh mien dog nuris, dog taran ka darŭm danu apui anŭ.

PINANDŬNG 3:20

Dingah! Aku agi mijog di tiban ka gutog; kambŭi agi daya dingah sirŭŭn Ku ka kuka tiban, aku re mŭrŭt ka darŭm ramin-i ka man ngga ngara, ka ngara re man ngga Aku.

PINANDŬNG 7:17

sabab Anak Biri, adi di yun takta, re jadi pingingat ngara, ka re nguru ngara ka atak piin adi nggen udip. Ka Tapa re ngutos randang batŭh ngara.”