JOHN 10:2 - Hakcipta - Biatah Bidayuh

² Daya adi mŭrŭt so tiban inŭh pingingat-biri.

JOHN 10:2 ပူးပေါင်းရင်းမြစ်များ

MAZMUR 23:1

TUHAN inŭh pingingat ku; aku biyŭn sopŭrŭg adi aku biguna.

MAZMUR 80:1

Dingah kieh, O Pingingat Israel; dingah kieh, pinguru kaban biri Mai. Guru di takta Mai di tunduh cherubim,

EKLISIASTIS 12:11

Pinganang daya bijak inŭh keya ka sikud adi reja adi pingingat-biri pakai ngga nguru biri, ka pitas adi dog nguruk inŭh tan keya ka pasak dog masak tŭrŭp ka tagap. Sopŭrŭg anŭ dog nggen Tapa, adi Pingingat-biri sopŭrŭg ta.

ISAIAH 40:11

Ayŭh re kingat daya-I mun pingingat-biri; Ayŭh re nguruk bada tikuruk anak anak biri ka puko ngara ngga tangan; Ayŭh re nakit nguru sindŭ ngara.

ISAIAH 63:11

Pak komŭnŭ ngara ingat kayuh adi mbŭh jadi jah, jaman Moses, adi urun TUHAN, ka ngara siken, “Diki TUHAN madin, adi ko nguru bara pinguru daya-I mutas rawŭt ngga siramat? Diki TUHAN, adi nggen roh-I ka Moses?

EZEKIEL 34:23

Aku re nggen di ngara raja mun David, adi urun Ku, bada jadi pingingat ngara, ka ayŭh re kingat ngara.

MICAH 5:5

ka ayŭh re taban damai. Kan daya Assyria nyerang rais ta ka nyirubuh kuta ta, ata re pait pinguru ta adi siabo bake bada rawan ngara.

ZECHARIAH 11:3

Pimritah nyirais amai susah; bragah ngara mbŭh miyap! Dingah ngŭr singah; tuān adi arŭn ngara mbŭh dog pirabur!

ZECHARIAH 11:5

Daya adi dapu biri siŭ kaban biri anŭ ka dŭh dog ukum. Ngara jua dagin-i ka nang, ‘Puji ka TUHAN! Kieh kaya!’ Pingingat adŭp biri dŭh gŭh masi di biri.”

ZECHARIAH 11:8

Aku mbŭh dŭh tia sabar ngga pingingat-biri adi bŭkŭn, adi tiru di aku; jadi darŭm tipuh ndi buran anŭ aku taran ngara.

ZECHARIAH 13:7

TUHAN Bisa-pŭrŭg nang, “Burah meh, pedang, ka nyerang pingingat-biri adi nyiraja yŭn Ku! Siŭ ayŭh, ka kaban biri-i re mingare. Aku re nyerang daya Ku

MATTHEW 15:11

Dŭh-i kayuh adi mŭrŭt baba adi kinais daya; pak kayuh adi ruah so baba, anŭ inŭh adi kinais daya.”

JOHN 10:14

Aku ati pingingat-biri adi kana. Nimun Sama puan Aku ka Aku puan Sama, simŭnŭ gŭh Aku puan jaku biri, ka biri Ku puan Aku. Ka Aku sanggup kabŭs yŭn ngara.

JOHN 10:7

Jadi Jesus nang dinge, “Aku kidaan di angān kayuh adi sawŭ: Aku ati tiban yŭn kaban biri.

JOHN 10:9

Aku inŭh tiban. Sopŭrŭg adi mŭrŭt so Aku re dog nyiramat. So Aku ngara re ruah mŭrŭt jiroh pinguman.

PINGANDAI 20:28

Jaga adŭp ngan samŭn sopŭrŭg kaban eklisia adi Roh Kudus ko nyerah ka darŭm tangan ngan. Jadi pingingat eklisia Tapa, nimun pingingat-biri jaga biri-i, adi Ayŭh mbŭh dapu so deya Anak-I.

1 TIMOTHY 4:14

Dŭhnyah dŭh pakai pinganggen roh adi agi darŭm kuu, adi ko dog nggen di kuu kan bara nabi minyu pasar kuu ka bara nyamba eklisia na tangan ngara di tunduh ubak mu.

TITUS 1:5

Aku tingge kuu di Crete, isa kuu nyirase kayuh kayuh adi patut dog ndai, ka tijuan bara nyamba eklisia di barang kupo. Ingat pinyitayan ku ati:

HEBREW 13:20

Tapa mbŭh pakat Tuhan ta Jesus so kabŭs, adi Pingingat-Biri adi bās sabab deya-I, adi ngga simanya adi tan adu adu dog natu. Isa-i Tapa damai nggen di angān sopŭrŭg kayuh kana adi angān biguna ngga ndai pinyiraan-I, ka isa Ayŭh, so Jesus Kristus, ndai darŭm ata kayuh adi pimunos asŭng-I. Ka di Kristus bragah ndŭg situi tui! Amen.

1 PETER 2:25

Angān ko keya ka biri adi manyap, pak madin angān mbŭh dog taban pari isa angān tunda Pingingat adi Tukang Kingat simangi ngan.

1 PETER 5:4

Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.

PINANDŬNG 1:20

Ati inŭh rati adi bisukan yŭn ju bitang adi kuu kiris di tangan tauh Ku, samŭn yŭn ju rika-mas prita anŭ: ju bitang inŭh rati-i ju malaikat eklisia, ka ju rika prita inŭh rati-i ju eklisia.