JOHN 10:16 - Hakcipta - Biatah Bidayuh

¹⁶ Agi gŭh biri adi bŭkŭn adi Aku dapu, adi dŭh so kandang ati. Aku dŭh siŭn dŭh nguru ngara gŭh; ngara raan dingah sirŭŭn Ku, ka ngara raan jadi ndi kaban biri adi biyŭn ndi pingingat.

JOHN 10:16 ပူးပေါင်းရင်းမြစ်များ

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

MAZMUR 86:9

Sopŭrŭg bangsa adi Kaam mbŭh napa re mandŭg ka mutu ubak ka Mai; ngara re muji bās Mai.

EKLISIASTIS 12:11

Pinganang daya bijak inŭh keya ka sikud adi reja adi pingingat-biri pakai ngga nguru biri, ka pitas adi dog nguruk inŭh tan keya ka pasak dog masak tŭrŭp ka tagap. Sopŭrŭg anŭ dog nggen Tapa, adi Pingingat-biri sopŭrŭg ta.

ISAIAH 11:10

Andu-i re mandŭg kan raja adi bauh so asar David re jadi tandā yŭn bangsa bangsa. Ngara re tikuruk di kupo-i ka nggen stabi di ayŭh.

ISAIAH 43:6

Aku re kidaan di rais di utara bada pirupas ngara ka rais di siratan bada dŭh bitan ngara. Tandah daya Ku mari so rais rais adi jo, so barang parad di ong.

ISAIAH 49:6

TUHAN nang di aku, “Aku biyŭn kraja adi rabis bās yŭn mu, urun Ku. Dŭh-i kuu re bada pari bās adŭ daya Israel adi babŭ udip, pak Aku re bada kuu jadi jawa ani yŭn bangsa bangsa; isa sopŭrŭg daya di ong dapŭd dog nyiramat.”

ISAIAH 52:10

TUHAN re pakai kuasa kudus-I; Ayŭh re nyiramat daya-I, ka sopŭrŭg daya di ong re kiris-i.

ISAIAH 56:8

TUHAN Raja, adi taban daya-I Israel mari ripas ko dog taran, mbŭh bijanji nang Ayŭh re babŭ taban daya bŭkŭn bada mŭrŭt ngara.

EZEKIEL 34:12

nimun pingingat-biri kingat biri ngara adi mingare ka dog nguruk dinge. Aku re taban ngara ngga pari so barang yŭn di yŭn ngara mbŭh mingare di andu adi karŭm ka adi arap anŭ.

EZEKIEL 34:23

Aku re nggen di ngara raja mun David, adi urun Ku, bada jadi pingingat ngara, ka ayŭh re kingat ngara.

EZEKIEL 34:6

Jadi biri biri Ku bigandon di sandah adi bigatung ngga di darŭd. Ngara mingare di ong, ka mating daya jiroh ngara bait suba an dapŭd ngara.

EZEKIEL 37:22

Aku re bada ngara jadi ndi bangsa di tarun tana anŭ, di tarun tana darŭd Israel. Ngara re dog mritah ndi naan raja ka ngara re dŭh tia pape jadi duwŭh bangsa bait pape jadi duwŭh pritah.

EZEKIEL 37:24

Ndi naan raja mun urun Ku David re jadi raja ngara. Ngara re dog bada jadi ndi di ribo ndi naan pimritah ka re tunda ukum ukum-adat Ku ngga tŭtŭd.

HOSEA 1:10

Daya Israel re mun sumat di rawŭt, rabis so tungang dog mirang bait dog ngŭkŭd. Madin Tapa nang di ngara, “Angān dŭh daya Ku,” pak andu-i re mandŭg adi ngga Ayŭh re nang di ngara, “Angān inŭh bara anak Tapa adi udip!”

ZECHARIAH 2:11

Di tika anŭ bagŭ bangsa re mandŭg ka TUHAN ka jadi daya-I. Ayŭh re rŭŭ di ruang ngan, ka angān re puan nang Ayŭh inŭh adi pait aku ka angān.

MATTHEW 17:5

Darŭm ayŭh minyu, abun adi jawa mandŭg ka nyayung ngara, ka sirŭŭn so abun nang, “Ati inŭh Anak nyirot Ku, di Ayŭh asŭng Ku munos; dingah pinganang-I!”

LUKE 15:8

“Bait kah nyamtadar-i ndi naan dayung biyŭn simŭng kiping duit pirak ka ndi manyap, ani re-i ndai? Ayŭh tung prita, pisen arŭn, ka nakit jiroh ndi arŭn arŭn ndŭg ka dapŭd.

JOHN 10:11

“Aku ati pingingat-biri adi kana, adi sanggup kabŭs yŭn kaban biri.

JOHN 10:2

Daya adi mŭrŭt so tiban inŭh pingingat-biri.

JOHN 10:27

Biri Ku dingah sirŭŭn Ku; Aku puan ngara, ka ngara tunda Aku.

JOHN 10:3

Sianŭ adi jaga tiban kuka tiban yŭn-i; biri dingah sirŭŭn-i kan ayŭh bagan jangi biri ngga dŭn, ka nguru ngara ruah.

JOHN 10:4

Kan-i mbŭh taban sopŭrŭg biri ka sapa, ayŭh panu diŭ so bara biri; ka bara biri tunda ayŭh, sabab ngara natŭng sirŭŭn-i.

JOHN 10:5

Ngara dŭh tunda daya saruh; bikaduh bu kidŭ-i, amai ngara dŭh natŭng sirŭŭn-i.”

JOHN 11:52

Dŭh yŭn bangsa anŭ adŭ, pak ngga bada sopŭrŭg daya adi Tapa mbŭh mien adi papar sasah dog nguruk da jadi ndi.

JOHN 17:20

“Aku simayang dŭh yŭn ngara adŭ, pak yŭn sopŭrŭg daya adi sabah di Aku sabab kayuh adi bara murid Ku ko piagah.

JOHN 6:37

Sopŭrŭg daya adi Sama mbŭh nggen di Aku, re mandŭg ka Aku. Aku dŭh re kasig daya adi mandŭg ka Aku,

PINGANDAI 15:14

Simon bauh ko nakit kidaan munki Tapa ko diŭ munan daya adi dŭh bangsa Jahudi, an tambit so ngara daya yŭn adŭp-I.

PINGANDAI 18:10

amai Aku agi ngga kuu. Mating daya re tungang ida ida ngga kuu, amai bagŭ daya di kupo ati mbŭh daya Ku.”

PINGANDAI 22:14

Ayŭh nang, ‘Tapa tayung-babuk ta mbŭh mien kuu da puan pinyiraan-I, da kuu kiris Urun-I adi tŭnggŭn, ka da kuu dingah Ayŭh minyu ngga sirŭŭn adŭp-I.

ROME 11:25

Agi kayuh adi sawŭ adi dog sukan, bara dingan ku, adi aku raan angān puan, amai-i re bada angān dŭh pikir adŭp ngan bijak. Anŭ inŭh pinyibaking daya Israel dŭh-i re tan adu adu, pak kaŭs-i re tan ndŭg andu adi ngga sukup kiang daya adi dŭh bangsa Jahudi mandŭg ka Tapa.

2 THESSALONICA 2:13

Kieh dŭh siŭn dŭh an siraru nggen trima kaseh di Tapa yŭn ngan bara dingan adi Tuhan rindu, amai Tapa mbŭh mien angān da jadi daya adi-I diŭ nyiramat. Ngga kuasa Roh Kudus ka ngga pinyabah ngan di agah-I adi sawŭ anŭ, Tapa mbŭh bada angān jadi daya-I adi kudus.

HEBREW 13:20

Tapa mbŭh pakat Tuhan ta Jesus so kabŭs, adi Pingingat-Biri adi bās sabab deya-I, adi ngga simanya adi tan adu adu dog natu. Isa-i Tapa damai nggen di angān sopŭrŭg kayuh kana adi angān biguna ngga ndai pinyiraan-I, ka isa Ayŭh, so Jesus Kristus, ndai darŭm ata kayuh adi pimunos asŭng-I. Ka di Kristus bragah ndŭg situi tui! Amen.

1 PETER 2:10

Dawŭ-i angān daya saja, pak madin angān mbŭh bara daya adi Tapa mbŭh mien; dawŭ-i angān dŭh puan masi Tapa, pak madin angān mbŭh trima masi-I.

1 PETER 2:25

Angān ko keya ka biri adi manyap, pak madin angān mbŭh dog taban pari isa angān tunda Pingingat adi Tukang Kingat simangi ngan.

1 PETER 5:4

Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.

PINANDŬNG 3:20

Dingah! Aku agi mijog di tiban ka gutog; kambŭi agi daya dingah sirŭŭn Ku ka kuka tiban, aku re mŭrŭt ka darŭm ramin-i ka man ngga ngara, ka ngara re man ngga Aku.