JOHN 10:1 - Hakcipta - Biatah Bidayuh

¹ Jesus nang, “Aku kidaan di angān kayuh adi sawŭ: daya adi dŭh mŭrŭt kandang biri so tiban pak jakŭh so tarun bŭkŭn, ayŭh anŭ pinaku ka pirupak.

JOHN 10:1 ပူးပေါင်းရင်းမြစ်များ

JEREMIAH 14:15

Aku, adi TUHAN, kidaan di kuu kayuh adi re Ku ndai di tunduh bara nabi anŭ adi Aku bŭn pait pak adi mbŭh minyu ngga adŭn Ku nang perang ngga udip sikirau dŭh re nyatŭk tarun tana ati. Aku re siŭ ngara pakai perang ngga udip sikirau.

JEREMIAH 23:21

TUHAN nang, “Aku mating pait bara nabi anŭ, pak ngara mbŭh panu sadi adŭp-i. Aku mating nggen ani ani pinganang di ngara, pak ngara babŭ gŭh minyu ngga adŭn Ku.

JEREMIAH 23:32

Dingah kayuh adi Aku, adi TUHAN, nang! Aku rawan bara nabi anŭ adi kidaan pŭmŭh adŭp ngara adi puno ngga pinganang kadong. Ngara kidaan pŭmŭh pŭmŭh anŭ ka kinanyap daya Ku ngga pinganang kadong ka pinganang gambung ngara. Aku mating pait ngara bait mritah ngara bada ndai simŭnŭ; ngara dŭh biguna yŭn sopŭrŭg daya. Aku, adi TUHAN, mbŭh minyu.”

JOEL 2:9

Ngara nyarab kupo; ngara bikaduh di sambu sindung kupo; ngara jakŭh ramin ka mŭrŭt so pinjan mun pinaku.

MATTHEW 7:15

“Jaga adŭp ngan so bara nabi kadong; ngara mandŭg ka angān mun biri tura ka sapa, pak tura ka darŭm ngara mbŭh keya ka kasong tarun.

JOHN 10:7

Jadi Jesus nang dinge, “Aku kidaan di angān kayuh adi sawŭ: Aku ati tiban yŭn kaban biri.

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

ROME 10:15

Ka simuki agah dog piagah kambŭi daya tukang piagah mating dog pait? Sak adi nang Surat-kudus, “Munki masam sangŭn-i pimandŭg ngara adi taban Agah Kana!”

ROME 16:18

Amai ngara adi ndai kayuh adi mun anŭ dŭh-i bituan di Kristus Tuhan ta, pak ndai kana yŭn adŭp-i. Ngga bang bang piminyu adi mandis ka ngga pinganang adi nganju katuh daya ngara nipu daya adi dŭh puan ani ani.

TITUS 1:11

Patut inŭh baba ngara dog mapot, sabab ngara mbŭh nyusah bagŭ rawang ngga kayuh adi dŭh ngara patut ngajar. Pingandai ngara anŭ batur-i ngga pinŭtŭn an jiroh duit, pingandai adi nggen mangŭh.

HEBREW 5:4

Mating daya mien yŭn adŭp-i dŭn puan kah pangkat imam bās. Anŭ mbŭh so pinyibagan adŭp Tapa inŭh daya jadi imam bās, nimun Aaron dog bagan Tapa.

1 PETER 1:10

Pasar pinyiramat ati inŭh bara nabi ko nakit jiroh ka bisiken, ka minyu-binabi pasar pinganggen adi Tapa re nggen di angān.

2 PETER 2:1

Bara nabi kadong ko jah-i agi di ruang daya, ka simŭnŭ gŭh bara gurū kadong re agi timbur di ruang ngan. Ngara re taban ajar ajar adi dŭh batur buang adi pirusak, ka re miman Tuhan adi nubos adŭp-i; ka mun anŭ ngara re bada pinyirusag rikas nyatŭk adŭp-i.

2 PETER 2:3

Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!

1 JOHN 4:1

Angān adi aku rindu, dŭhnyah sabah tadŭ tadŭ daya adi nang adŭp-i biyŭn Roh Kudus, pak suba ngara yŭn puan sawŭ kah dŭh roh anŭ adi ngara biyŭn mandŭg so Tapa. Amai bagŭ nabi kadong mbŭh tambus barang yŭn.