JOHN 1:45 - Hakcipta - Biatah Bidayuh

⁴⁵ Philip dapŭd Nathanael ka kidaan di ayŭh, “Kieh mbŭh dapŭd Ayŭh adi Moses nyabŭt darŭm surat Ukum-adat ka adi bara nabi ko nyabŭt gŭh. Ayŭh inŭh Jesus anak Joseph, so Nazareth.”

JOHN 1:45 ပူးပေါင်းရင်းမြစ်များ

TIBIRIK 22:18

Sopŭrŭg bangsa re bada Aku nyiberkat adŭp ngara nimun Aku mbŭh nyiberkat sesang mu, amai kuu tunda pesan ku.”

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

ISAIAH 4:2

Tika-i re mandŭg kan TUHAN re bada barang masam anak kayuh-udip ngga tŭngŭn kayuh timbu ka masang bās bigatung ka ramus. Sopŭrŭg daya Israel adi babŭ udip re gaŭn ka mingangŭn di buwa pimuruh adi tana piruah.

ISAIAH 53:2

Anŭ mbŭh pinyiraan TUHAN inŭh urun-I timbu mun anak kayuh-udip piruat di tana badŭh. Gayŭn-i dŭh kana bait ramus adi re bada ata an kimat ayŭh. Mating pinyiramus-i, mating ani ani di ayŭh adi re tarik atin ta.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

MICAH 5:2

TUHAN nang, “Bethlehem Ephrathah, kuu inŭh kupo adi siabo sŭ di Judah, pak so kuu Aku re pakat ndi pimritah yŭn Israel, adi taris rawang asar-i inŭh so jaman jah.”

ZECHARIAH 6:12

Kidaan di ayŭh nang TUHAN Bisa-pŭrŭg nang, ‘Daya adi dog kadŭn Daan re mujur di tarun yŭn adŭp-i ka pari pijog Ramin TUHAN.

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

MATTHEW 10:3

Philip ngga Bartholomew; Thomas ngga Matthew, adi daya pinsuke; James anak Alphaeus, ka Thaddaeus;

MATTHEW 13:55

Dŭh kah Ayŭh anak daya tukang-kayuh? Dŭh kah Mary sindŭ-I, ka dŭh kah James, Joseph, Simon ka Judas bara jurud-I?

MATTHEW 2:23

ka piramin di kupo dŭn Nazareth. Ka sawŭ kayuh adi nabi nabi ko nang mbŭh jadi bitŭtŭk: “Ayŭh re dog kadŭn daya Nazareth.”

MATTHEW 21:11

“Ayŭh anŭ Jesus, nabi so Nazareth di Galilee,” bara daya nam.

MARK 14:67

Kan ayŭh kiris Peter nyinduh, ayŭh tirek ayŭh ka nang, “Kuu gŭh, agi ngga Jesus so Nazareth.”

MARK 6:3

Dŭh kah Ayŭh tukang-kayuh, anak Mary, jurud James, Joseph, Judas, ka Simon? Dŭh kah bara jurud dayung-I rŭŭ digiti?” Ka ngara meh tirawan Ayŭh.

LUKE 18:37

“Jesus so Nazareth agi murah,” ngara kidaan di ayŭh.

LUKE 2:4

Joseph mandŭg so kupo Nazareth di Galilee ka kupo Bethlehem di Judea, tarun yŭn pinyibranak Raja David. Joseph di kamanŭ sabab ayŭh sesang David.

LUKE 2:48

Pimas-I mbŭh inga inga kan ngara kiris Ayŭh, ka sindŭ-I nang di Ayŭh, “Nak, mani Kuu simuti ngga kieh? Kieh duwŭh sama Mu mbŭh bipito jiroh Kuu!”

LUKE 24:27

Jadi Jesus kidaan di ngara rati kayuh adi mbŭh dog nuris pasar adŭp-I di Surat-kudus, piguru so surat surat Moses samŭn so surat surat bara nabi.

LUKE 24:44

Komŭnŭ Ayŭh nang di ngara, “Ati inŭh kayuh adi Aku ko kidaan di angān sitadŭn Aku gibabŭ ngga angān: sopŭrŭg kayuh adi dog nuris pasar Aku di Ukum-adat Moses, di surat surat nabi, ka di Mazmur, dŭh siŭn dŭh jadi bitŭtŭk.”

LUKE 3:23

Kan Jesus piguru ndai kraja-I, umbur-I agi kira ka mbŭh taruh puru sawa. Ayŭh anŭ, nanyam ka rundeng daya, anak Joseph adi anak Heli,

LUKE 4:22

Ngara samah nganju Ayŭh buang inga inga di pinyikana piminyu-I. Ngara nang, “Dŭh kah Ayŭh anak Joseph?”

JOHN 1:44

Philip daya so Bethsaida, kupo Andrew ngga Peter.)

JOHN 12:21

Ngara tudu Philip (ayŭh adi so Bethsaida di Galilee) ka nang, “Tuan, kieh an bidapŭd ngga Jesus.”

JOHN 14:8

Philip nang di Ayŭh, “Tuhan, kiren di kieh Sama, isa asŭng ami munos.”

JOHN 18:5

“Jesus so Nazareth,” ngara nam. “Aku ati inŭh Ayŭh,” Ayŭh nang. Judas, adi jua Ayŭh, agi mijog diginŭ ayō ngara.

JOHN 18:7

Jesus pari siken ngara, “Asi jiroh ngan?” “Jesus so Nazareth,” ngara nang.

JOHN 19:19

Pilate nuris pinganang di supek papan ka bada daya pirakat-i di sambu rigang. “Jesus so Nazareth, Raja daya Jahudi,” inŭh kayuh adi-i nuris.

JOHN 21:2

Simon Peter, Thomas (adi dog kadŭn anak apid), Nathanael (sianŭ adi so Cana di Galilee), anak anak Zebedee, ka duwŭh naan murid Jesus adi bŭkŭn, agi tikuruk.

JOHN 6:42

Ngara nang, “Daya ati, Jesus anak Joseph, dŭh kah? Ata puan sindŭ sama-I. Ka simuki meh garang, Ayŭh nang adŭp-I mūn so shorga?”

JOHN 6:5

Jesus tingga bait tauh-I ka kiris bara daya bagŭ mandŭg tudu adŭp-I; Ayŭh siken Philip, “So ki ata bisa miris pinguman dang ngga paan bara daya ati?” (

JOHN 6:7

Philip nam, “Duwŭh ratus kiping duit pirak, dŭh-i re dang ngga miris ruti yŭn bara daya ati, sunggu bait kani barang naan kambat nisŭ.”

PINGANDAI 10:38

Angān puan pasar Jesus so Nazareth ka munki Tapa mbŭh ren di tunduh-I Roh Kudus ka kuasa. Ayŭh panu ka barang yŭn, ndai pingandai kana ka pibua sinadan daya adi dog nguasa Siarap, amai Tapa agi ngga Ayŭh.

PINGANDAI 2:22

“Dingah pinganang ku ati, angān adi bara dingan ku daya Israel! Jesus so Nazareth, pimandŭg-I so Tapa mbŭh dog natu di angān darŭm pingandai-nginga ngga pingandai-saruh adi Tapa mbŭh ndai so Ayŭh. Adŭp ngan mbŭh puan kayuh anŭ, amai-i mbŭh jadi di ruang ngan.

PINGANDAI 22:8

‘Asi Kaam, Tuhan?’ aku siken. ‘Aku ati Jesus so Nazareth, adi kuu kisiis,’ Ayŭh nang di aku.

PINGANDAI 26:9

“Adŭp ku muko suba ngga situngang ku ndai barang masam kayuh ngga rawan Jesus so Nazareth.

PINGANDAI 3:6

Pak Peter nang di ayŭh, “Aku dŭh biyŭn duit, pak aku bisa nggen di kuu kayuh adi aku biyŭn: darŭm adŭn Jesus Kristus so Nazareth aku mritah kuu da makat ka panu!”