JOHN 1:34 - Hakcipta - Biatah Bidayuh

³⁴ Aku mbŭh kiris kayuh ati,” John nang, “ka aku kidaan di angān Ayŭh inŭh Anak Tapa.”

JOHN 1:34 ပူးပေါင်းရင်းမြစ်များ

MAZMUR 2:7

“Aku re piagah,” raja nang, “kayuh adi TUHAN mbŭh nang. Ayŭh nang di aku: “Kuu inŭh anak Ku; andu ati Aku jadi Sama mu.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

MATTHEW 16:16

Simon Peter nam, “Kaam inŭh Kristus, Anak Tapa adi udip.”

MATTHEW 17:5

Darŭm ayŭh minyu, abun adi jawa mandŭg ka nyayung ngara, ka sirŭŭn so abun nang, “Ati inŭh Anak nyirot Ku, di Ayŭh asŭng Ku munos; dingah pinganang-I!”

MATTHEW 26:63

Pak Jesus pirŭŭ adŭp-I. Imam Bās minyu di Ayŭh dinge, “Ngga adŭn Tapa adi udip aku bada Kuu bipayu: kidaan di kieh kambŭi Kuu ati Kristus, Anak Tapa.”

MATTHEW 27:40

“Kuu adi re nyirubuh Ramin Tuhan ka pari pijog-i darŭm taruh andu! Nyiramat adŭp Mu kambŭi Kuu sawŭ Anak Tapa! Mūn so atuh rigang anŭ!”

MATTHEW 27:43

Ayŭh sabah di Tapa ka nang adŭp-I Anak Tapa. Bah garang, ata tingga kambŭi Tapa raan nyiramat Ayŭh madin!”

MATTHEW 27:54

Kan pingubak soldadu ngga bara soldadu-i adi nguan jaga Jesus kiris tana-bigugoh ka sopŭrŭg kayuh adi jadi, ngara mbŭh taru ka nang, “Ayŭh sawŭ Anak Tapa!”

MATTHEW 3:17

Komŭnŭ agi dog dingah sirŭŭn Tapa minyu, nang, “Ati inŭh Anak nyirot Ku, di Ayŭh asŭng Ku munos.”

MATTHEW 4:3

Komŭnŭ Siarap mandŭg tudu Ayŭh ka nang, “Kambŭi Kaam Anak Tapa, mritah batuh batuh ati da jadi ruti.”

MATTHEW 4:6

ka nang di Ayŭh, “Kambŭi Kaam Anak Tapa, buan adŭp Mai, amai Surat-kudus agi nang: ‘Tapa re mritah malaikat-I da kingat Kaam; ngara re digŭng Kaam ngga tangan ngara, isa sirabi ka kaja Mai dŭh gŭh re kinaman dog batuh.’ ”

MATTHEW 8:29

Ngara rasu nyirais, “Ani re Mai ndai di tunduh kieh, Kaam adi Anak Tapa? Kaam mandŭg an ngukum kieh diŭ so tipuh-i kah?”

MARK 1:1

Ati inŭh Agah Kana pasar Jesus Kristus, Anak Tapa.

MARK 1:11

Ka agi dog dingah sirŭŭn so rangit, “Kuu Anak nyirot Ku. Asŭng Ku munos di Kuu.”

LUKE 1:35

Malaikat anŭ nam, “Roh Kudus re mandŭg ka kuu, ka kuasa Tapa re nyayung kuu. Anŭ sabab Anak adi kudus anŭ re dog kadŭn Anak Tapa.

LUKE 3:22

ka Roh Kudus mūn ka mbap di tunduh-I darŭm gayŭn manuk asang. Ka sirŭŭn mandŭg so shorga, nang, “Kuu Anak nyirot Ku. Asŭng Ku munos di Kuu.”

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

JOHN 1:49

“Gurū,” Nathanael nam, “Kaam Anak Tapa! Kaam Raja Israel!”

JOHN 10:30

Aku ngga Sama agi ndi.”

JOHN 10:36

Ka Aku ati, Sama ko mien ka mbŭh pait ka ong. Simuki meh garang, angān bisa nang Aku ngujat kan Aku nang adŭp Ku Anak Tapa?

JOHN 11:27

“Aku sabah, Tuhan,” ayŭh nam, “Aku sabah Kaam ati Kristus, Anak Tapa, adi dog janji re mandŭg ka ong ati.”

JOHN 19:7

Bara daya bagŭ nam, “Nanyam ka ukum-adat ami Ayŭh patut dog siŭ, sabab Ayŭh nang adŭp-I Anak Tapa.”

JOHN 20:28

Thomas nam Ayŭh, “Tuhan ku ka Tapa ku!”

JOHN 20:31

Pak sopŭrŭg ati dog nuris siŭn angān bisa sabah Jesus ati sawŭ Kristus, Anak Tapa, ka so ka pinyabah ngan angān bisa dapŭd udip adi sawŭ.

JOHN 6:69

Kieh madin mbŭh sabah ka puan Kaam inŭh sianŭ adi Kudus adi mandŭg so Tapa.”

ROME 1:4

pak so ka tibiat-I adi kudus, Ayŭh taŭn dog kiren ngga kuasa adi raru bās mbŭh Anak Tapa darŭm-I dog pakat so kabŭs.

2 CORINTH 1:19

Amai Jesus Kristus, Anak Tapa, adi Silas, Timothy, ka adŭp ku ko nyuse di angān, dŭh-i sianŭ adi “Sa-i” ngga “Abah.” Sibandar-i, Ayŭh inŭh “Sa-i” tung Tapa;

HEBREW 7:3

Mating dog nuris pasar sindŭ sama Melchizedek puan kah tayung babuk-i; mating gŭh dog nuris pasar pinyibranak-i ngga pasar pinyikabŭs-i. Ayŭh keya ka Anak Tapa; ayŭh jadi imam ndŭg situi tui.

1 JOHN 2:23

Amai ngara adi tirawan Anak tirawan gŭh Sama; ngara adi trima Anak trima gŭh Sama.

1 JOHN 3:8

Daya adi babŭ bidosa taŭn-i dog dapu Siarap, sabab Siarap taŭn mbŭh bidosa so sibungas-i. Anak Tapa ko nandŭng sitagar kayuh ati, di pirabur kayuh adi Siarap ko ndai.

1 JOHN 4:9

Ka Tapa kiren pinyirindu-I yŭn ta darŭm-I pait Anak tambŭ-I ka ong, isa ata bisa dapŭd udip adi sawŭ so Ayŭh.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

2 JOHN 1:9

Daya adi dŭh bidigŭng di ajar Kristus, ka mbŭh miriseu, daya anŭ dŭh biyŭn Tapa. Asi asi adi bidigŭng dieh, biyŭn Sama ngga Anak.

PINANDŬNG 2:18

“Nuris ka malaikat eklisia di Thyatira: “Ati inŭh agah so Anak Tapa, Ayŭh adi bijireb batŭh-I, Ayŭh adi bringam kaja-I mun timaga ko dog ngusu.