JOHN 1:29 - Hakcipta - Biatah Bidayuh

²⁹ Andu anŭ ndi, John kiris Jesus mandŭg tudu adŭp-i, ka nang, “Jeh rah-I no, Anak Biri Tapa, adi taran dosa ong!

JOHN 1:29 ပူးပေါင်းရင်းမြစ်များ

PINYIRUAH 28:38

Aaron an pakai-i di arŭ-i, isa Aku, adi TUHAN, bisa trima sopŭrŭg pinganggen adi daya Israel nitah ka Aku, sunggu-i ngara bo agi adi ndai sarah darŭm jugan-i ka Aku.

ISAIAH 53:10

TUHAN nang, “Anŭ mbŭh so pinyiraan Ku inŭh ayŭh sangsara; pinyikabŭs-i inŭh sadis ngga apun dosa. Ngapŭi ayŭh re kiris bara sesang-i; ayŭh re tui udip, ka so ayŭh Aku re dapŭd pinŭtŭn Ku.

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

ISAIAH 53:7

“Ayŭh dog pijera, pak ayŭh nyijŭn-i ngga atin rapat; ayŭh dŭh piruah ndi bang pinganang. Mun anak biri re dog simareh, mun biri re dog gumbak buruh-i, ayŭh dŭh nang ani ani.

HOSEA 14:2

Pari ka TUHAN, ka bada dua ati jadi sadis ngan ka Ayŭh: “Apun sopŭrŭg dosa ami, ka kambat dua ami, ka kieh re muji Kaam nimun adi ko ami janji.

LEVITICUS 10:17

“Mani angān dŭh man sadis taran dosa anŭ di tarun yŭn adi kudus? Anŭ kayuh adi raru kudus, ka TUHAN mbŭh nggen-i di angān isa angān pakai-i ngga taran dosa daya Israel.

ZECHARIAH 13:1

“Kan tika anŭ mbŭh mandŭg,” nang TUHAN Bisa-pŭrŭg, “ndi sumbur piin re dog kuka ngga pibisig sesang sesang David ka daya Jerusalem so dosa ngara ngga pimudip ngara adi nyambah tibudo.

PINYIKIANG 18:1

TUHAN nang di Aaron, “Kuu, anak anak dari mu, ngga daya Levi dŭh siŭn dŭh dog ukum kambŭi angān ndai sarah darŭm angān nyiraja darŭm Bari Ku; pak adŭ-i kuu ngga anak anak dari mu re dog ukum kambŭi ndai sarah darŭm ndai kraja imam.

PINYIKIANG 18:23

So madin kaŭs-i daya Levi adi re sita Bari Ku ka re dapu tanggong ngga sipuno-i di kraja anŭ. Ati inŭh atur adi dŭh siŭn dog nukar, yŭn bara sesang mu ani. Daya Levi dŭh siŭn biyŭn rata adi ruro ngara dapu di Israel,

PINYIKIANG 21:9

Jadi Moses ndai jippŭh so timaga ka na-i di tiang. Tadŭ daya adi mbŭh dog nyingŭt tingga jippŭh timaga anŭ ka rasu bua.

MATTHEW 1:21

Ayŭh re biranak ndi anak dari, ka kuu re kadŭn Ayŭh Jesus, sabab Ayŭh inŭh adi re nyiramat daya-I so dosa ngara.”

MATTHEW 20:28

Mun Anak Manusia, adi dŭh mandŭg an jadi tuan, pak di bituan ka nggen asŭng-I ngga nubos bagŭ daya.”

JOHN 1:35

Andu anŭ ndi John agi mijog diginŭ dinge ngga duwŭh naan murid-I,

JOHN 1:36

kan ayŭh kiris Jesus murah. “Jeh rah-I Anak Biri Tapa!” ayŭh nang.

JOHN 1:43

Andu anŭ ndi Jesus natu adŭp-I an di ka Galilee. Ayŭh dapŭd Philip ka nang di ayŭh, “Ja tunda Aku!” (

JOHN 2:1

Duwŭh andu ripas anŭ, agi gawai sawan di kupo Cana di Galilee. Sindŭ Jesus agi diginŭ,

JOHN 3:16

Tapa ruai rindu ong ndŭg ka mbŭh nggen Anak tambŭ-I, isa barang naan adi sabah di Ayŭh dŭh re kabŭs pak dapŭd udip adi sawŭ adi tan adu adu.

JOHN 4:42

Ngara nang di dayung anŭ, “Kieh sabah madin, dŭh sabab kuu ko kidaan di kieh, pak sabab adŭp ami mbŭh dingah Ayŭh, ka kieh puan nang Ayŭh taŭn sawŭ Pinyikudip Ong.”

JOHN 6:51

Aku ati ruti adi nggen udip adi mūn so shorga. Kambŭi angān man ruti ati, angān re udip adu adu. Ruti adi Aku nggen di angān inŭh pŭrŭng adŭp Ku; Aku nggen-i isa sopŭrŭg daya di ong dapŭd udip.”

PINGANDAI 8:32

Jadi pinganang Surat-kudus anŭ adi-i basa agi sakati: “Ayŭh agi keya ka biri adi dog taban yŭn dog simareh, keya ka biri dŭh bidudu darŭm buruh-i dog gumbak Ayŭh dŭh nang ani ani.

1 CORINTH 15:3

Aku mbŭh nggen di angān kayuh adi aku ko kambat, adi mbŭh raru biguna: Kristus kabŭs yŭn dosa ta, nimun adi dog nuris di Surat-kudus;

2 CORINTH 5:21

Kristus bŭn ndai sarah, pak sitagar ata Tapa mbŭh bada Ayŭh gŭrŭng dosa ta siŭn ata darŭm udip ndi ngga Ayŭh bisa dapŭd pinŭnggŭn Tapa.

GALATIA 1:4

Siŭn-I bisa pirupas ata so jaman adi arap ati, Kristus mbŭh nggen adŭp-I ngga ngarun dosa ta, nanyam pinyiraan Tapa adi Sama ta.

GALATIA 3:13

Pak darŭm-I kambat pangu yŭn ta Kristus mbŭh nubos ata so pangu adi mandŭg so Ukum-adat; amai Surat-kudus nang, “Asi asi adi dog ukum kabŭs di atuh rigang inŭh di ribo pangu Tapa.”

1 TIMOTHY 2:6

adi nggen adŭp-I ngga nubos sopŭrŭg manusia. Anŭ inŭh ngga kiren di tika adi batur Tapa raan sopŭrŭg daya dog nyiramat,

TITUS 2:14

Ayŭh jugan adŭp-I yŭn ta, an nyiramat ata so sopŭrŭg arap ka ndai ata da jadi daya-I adi bisig adi-I sadi dapu ka adi graŭh an ndai kayuh kana.

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

HEBREW 2:17

Ka rati-i, Ayŭh dŭh siŭn dŭh an jadi mun bara daya-I darŭm sopŭrŭg kayuh siŭn-I jadi Imam Bās ngara adi tŭtŭd ka adi puno ngga masi, darŭm bituan di Tapa, isa dosa sopŭrŭg daya-I bisa dog apun.

HEBREW 9:28

Mun anŭ gŭh adŭp Kristus mbŭh dog jugan ndi sidah jadi sadis ngga ngarun dosa daya bagŭ. Ayŭh re mandŭg dinge, dŭh sitagar an ngatur dosa, pak an nyiramat ngara adi kajŭn Ayŭh.

1 PETER 1:19

pak-i sadis Kristus adi brega, adi keya ka anak biri adi mating takar kais puan kah tadŭ mun arap-i.

1 PETER 2:24

Adŭp Kristus kabis dosa ta di pŭrŭng adŭp-I di atuh rigang, isa ata rupas so kuasa dosa, ka udip nanyam pinyiraan Tapa. Da tawan-I angān mbŭh dog pibua.

1 PETER 3:18

Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;

1 JOHN 2:2

Ka adŭp Kristus inŭh aran adi ngga dosa ta bisa dog apun; dŭh yŭn dosa ta adŭ, pak yŭn dosa barang naan daya.

1 JOHN 3:5

Angān puan nang Kristus ko nandŭng sabab an taran dosa. Di adŭp-I mating dosa.

1 JOHN 4:10

Ati inŭh pinyirindu: dŭh-i ata mbŭh rindu Tapa, pak Ayŭh mbŭh rindu ata, ka mbŭh pait Anak-I da jadi aran adi ngga dosa ta bisa dog apun.

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta

PINANDŬNG 12:11

Bara dingan ta manang rawan ayŭh da deya Anak Biri ka da agah so Tapa adi ngara piagah. Ngara sanggup ruban asŭng-i.

PINANDŬNG 13:8

Sopŭrŭg daya adi udip di ong re nyambah dāng anŭ, adŭ-i ngara adi mbŭh dog nuris dŭn-i diŭ so ong dog napa darŭm surat di yŭn dŭn bara daya adi Tapa mbŭh mien dog nuris; ngara inŭh adi dog dapu Anak Biri adi ko dog siŭ.

PINANDŬNG 14:1

Komŭnŭ aku tingga, ka diginŭ agi Anak Biri mijog di Sandah Zion; ngga Ayŭh agi 144,000 daya adi biyŭn adŭn-I ngga adŭn Sama-I dog nuris di arŭ ngara.

PINANDŬNG 14:10

re nok wain Tapa, wain baji-I, adi-I ko bandar ren darŭm makuk baji-I! Sopŭrŭg adi bada Ayŭh baji re dog pijera darŭm apui ngga mirirang di sirung jawin malaikat kudus ngga Anak Biri.

PINANDŬNG 14:4

Ngara inŭh bara dari adi bŭn kinais adŭp ngara ngga dayung; ngara daya tibŭn. Ngara tunda Anak Biri ka barang yŭn-i panu. Ngara mbŭh dog nubos so rayat manusia adi bŭkŭn ka mbŭh adi sibungas dog jugan ka Tapa ngga Anak Biri.

PINANDŬNG 15:3

ka biragu ragu Moses, adi urun Tapa, ngga ragu Anak Biri: “Tuhan Tapa Bisa-pŭrŭg, munki masam bās ka grua inŭh pingandai Mai! Raja barang bangsa, munki masam batur ka sawŭ inŭh pingatur Mai!

PINANDŬNG 17:14

Ngara re birawan ngga Anak Biri; pak Anak Biri, ngga bara adi-I ko mien, bara adi sabah, re ngarah ngara, sabab Ayŭh inŭh Tuhan di tunduh sopŭrŭg tuhan ka Raja di tunduh sopŭrŭg raja.”

PINANDŬNG 19:7

Ja ata pawŭn ka gaŭn; ja ata muji Ayŭh, amai tika-i mbŭh mandŭg yŭn gawai sawan Anak Biri, ka pingaten dayung gŭh mbŭh sidia adŭp-i.

PINANDŬNG 19:9

Komŭnŭ malaikat anŭ nang di aku, “Nuris ati: Sanang inŭh daya adi mbŭh dog bagan ka gawai sawan Anak Biri.” Ka malaikat anŭ nang, “Ati inŭh sawŭ pinganang Tapa.”

PINANDŬNG 21:14

Sindung kupo anŭ dog pijog di tunduh simŭng-duwŭh batuh pinagap-rasan, di yŭn dog nuris dŭn bara pinyuruh Anak Biri adi simŭng-duwŭh naan.

PINANDŬNG 21:27

Pak mating kayuh adi sembar re bisa mŭrŭt ka darŭm kupo anŭ; dŭh gŭh daya adi ndai kayuh adi taban mangŭh puan kah daya pingadong re bisa mŭrŭt ka darŭm-i. Kaŭs-i ngara, adi dog nuris dŭn-i di surat Anak Biri di yŭn dŭn bara daya adi Tapa mbŭh mien dog nuris, bisa mŭrŭt kamanŭ. Surat anŭ inŭh surat dŭn bara Daya adi dog dapu Tapa.

PINANDŬNG 21:9

Ndi so malaikat anŭ adi ju naan adi biyŭn ju makuk brisi ngga ju masam sikasŭn susah-bās mandŭg ka aku ka nang, “Kamati, aku re kiren di kuu Pingaten Dayung, adi sawŭn Anak Biri.”

PINANDŬNG 5:6

Komŭnŭ aku kiris ndi Anak Biri mijog di yun takta, dog maning pat dāng udip anŭ samŭn bara nyamba. Anak Biri anŭ mun adi ko dog siŭ, ka biyŭn ju tanduk ka ju batŭh, anŭ inŭh ju roh Tapa adi ko dog pait di ndi ong ong.

PINANDŬNG 5:8

Darŭm-I ndai simŭnŭ, pat dāng udip anŭ samŭn bara nyamba adi duwŭh puru-pat naan sidikang nyambah Anak Biri. Barang naan biyŭn kachapi ngga makuk mas puno ngga kimanyan, adi dua bara daya adi Tapa mbŭh mien.

PINANDŬNG 6:1

Komŭnŭ aku kiris Anak Biri kuka ju patis anŭ, piguru so adi numbor ndi; ka aku dingah ndi so pat dāng udip anŭ nang ngga sirŭŭn bana sak dudū, “Mandŭg!”

PINANDŬNG 6:16

Ngara nyirais nang di darŭd ngga di batuh, “Nyatŭk kieh ka sukan kieh so batŭh sianŭ adi guru di takta, ka so baji Anak Biri!

PINANDŬNG 7:14

“Aku dŭh puan, tuan. Kaam kidŭ-i puan,” aku nam. Ayŭh nang di aku, “Ngara inŭh adi ko kinyam sangsara pinyikisiis. Ngara muko ngu piraka ambu ngara da buda pakai deya Anak Biri.

PINANDŬNG 7:17

sabab Anak Biri, adi di yun takta, re jadi pingingat ngara, ka re nguru ngara ka atak piin adi nggen udip. Ka Tapa re ngutos randang batŭh ngara.”