JOHN 1:17 - Hakcipta - Biatah Bidayuh

¹⁷ Tapa mbŭh nggen Ukum-adat so ka Moses, pak pinyirasi-mandis ngga pinyawŭ mandŭg so ka Jesus Kristus.

JOHN 1:17 ပူးပေါင်းရင်းမြစ်များ

TIBIRIK 22:18

Sopŭrŭg bangsa re bada Aku nyiberkat adŭp ngara nimun Aku mbŭh nyiberkat sesang mu, amai kuu tunda pesan ku.”

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

MAZMUR 85:10

Pinyirindu ngga pinyitŭtŭd re bidapŭd; pinŭnggŭn ngga damai re bisindi.

MAZMUR 98:3

Ayŭh sita janji-I yŭn daya Israel ngga stabi ka ngga pinyirindu-I di ngara, adi dŭh bisa birubah. Sopŭrŭg daya di barang yŭn mbŭh kiris pimanang Tapa ta.

MICAH 7:20

Kaam re kiren pinyitŭtŭd ngga pinyirindu Mai adi dŭh bisa birubah di daya Mai, bara sesang Abraham ngga Jacob, nimun adi muko Mai janji di tayung-babuk ami jah.

JOHN 1:14

Pinganang jadi manusia ka, puno ngga pinyirasi-mandis ngga pinyawŭ, mbŭh rŭŭ di ruang ta. Ata mbŭh kiris bragah-I; bragah adi-I kambat jadi Anak tambŭ Sama-I.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 18:37

Ka Pilate nang di Ayŭh, “Jadi Kuu ati raja, meh?” Jesus nam, “Adŭp mu mbŭh nang Aku raja. Aku dog biranak di ong yŭn ndi pinŭtŭn, an minyu pasar kayuh adi sawŭ. Asi asi adi trima kayuh adi sawŭ, dingah Ku.”

JOHN 5:45

Pak dŭhnyah pikir Aku ati mbŭh sianŭ adi re nyarah angān di Sama Ku. Moses, adi yŭn ngan na puno pingarap ngan, mbŭh sianŭ adi re nyarah angān.

JOHN 7:19

Moses nggen di angān Ukum-adat, dŭh kah? Pak ndi so angān mating gŭh sita Ukum-adat anŭ. Mani angān an siŭ Aku?”

JOHN 8:32

Angān re puan pinyawŭ, ka pinyawŭ anŭ re pirupas angān.”

JOHN 9:29

Kieh puan Tapa mbŭh minyu di Moses, pak daya anŭ, so ki Ayŭh mandŭg dŭh gŭh kieh puan!”

PINGANDAI 28:23

Jadi ngara miratak andu adi ngga ngara bisa bidapŭd ngga Paul, ka bagŭ ngara mandŭg ka yŭn-i rŭŭ. So isan isan ndŭg singarŭm ayŭh nakit kidaan rati ajar-i pasar Pinyipritah Tapa, ka ngga situngang-i an bada ngara sabah di Jesus, pakai ayat ayat so Ukum-adat Moses samŭn so surat surat bara nabi.

PINGANDAI 7:38

Moses ati inŭh adi agi ngga daya Israel tikuruk di tarun tana-pajam; ayŭh agi diginŭ ngga tayung-babuk ta ka ngga malaikat adi minyu ngga ayŭh di Darŭd Sinai; ka ayŭh mbŭh kambat pinganang adi nggen udip so Tapa yŭn sopŭrŭg ta.

ROME 6:14

Dosa dŭh siŭn jadi tuan ngan; amai angān dŭh udip di ribo ukum-adat pak di ribo pinyirasi-mandis Tapa.

2 CORINTH 1:20

amai Ayŭh inŭh “Sa-i” yŭn sopŭrŭg janji Tapa. Ngapŭi so Jesus Kristus “Amen” ta dog nang yŭn bragah Tapa.

GALATIA 3:17

Kayuh adi nang ku inŭh Tapa ko ndai simanya-I ngga Abraham ka bijanji an ingat-i. Ukum-adat, adi dog nggen pat ratus taruh puru sawa ripas anŭ, dŭh bisa pirusak simanya anŭ bait kinating janji Tapa.

DITRONOMI 33:4

Ata tunda Ukum-adat adi Moses nggen di ata, bisaka bās bangsa ta.

DITRONOMI 4:44

Moses nggen ukum-adat ka ajar Tapa di daya Israel.

DITRONOMI 5:1

Moses bagan bada mandŭg tikuruk sopŭrŭg daya Israel ka nang di ngara, “Angān daya Israel, dingah sopŭrŭg ukum-adat adi aku nggen di angān andu ati. Birajar nŭh ka nakit ingat adŭp nŭh tunda-i.

HEBREW 9:22

Sawŭ, nanyam ka Ukum-adat batang an sopŭrŭg kayuh an dog pibisig ngga deya, ka dosa dog apun adŭ-i kambŭi deya agi dog piruah.