JOHN 1:16 - Hakcipta - Biatah Bidayuh

¹⁶ So kaya pinyirasi mandis-I Ayŭh mbŭh adu adu nyiberkat sopŭrŭg ta.

JOHN 1:16 ပူးပေါင်းရင်းမြစ်များ

MAZMUR 84:7

Ngara jadi bitambah bake darŭm ngara panu; ngara re kiris Tapa bara tapa di Sandah Zion.

ZECHARIAH 4:7

Sitika adi bās mun darŭd re miyap so jawin mu. Kuu re pari pijog Ramin Ku, ka darŭm kuu nyandug sikasŭn batuh di yŭn-i, daya re nyirais nang, ‘Sangŭn, sangŭn!’ ”

MATTHEW 13:12

Amai daya adi mbŭh biyŭn kayuh re dog nggen bagŭ, isa ayŭh biyŭn rabis so sadang; pak sianŭ adi dŭh biyŭn ani ani sirabi ka rapuh kayuh adi-i biyŭn re dog tambit gŭh so ayŭh.

MATTHEW 3:11

Aku baptisa angān ngga piin ngga kiren angān mbŭh dŭh tia bidosa, pak sianŭ adi mandŭg sundis so aku re baptisa angān ngga Roh Kudus ka apui. Ayŭh agi bās dŭ so aku; ka aku dŭh sadang kana re sirabi ka tukang taban kasut-I.

MATTHEW 3:14

Pak John suba bada Ayŭh nukar pikir-I. “Aku patut kambat baptisa so Kaam,” John nang, “gŭt-i Kaam adi mandŭg tudu aku!”

LUKE 21:15

sabab Aku re nggen di angān bang bang piminyu samŭn pinyibijak adi pinganyu ngan dŭh tungang rawan bait matah.

JOHN 3:34

Ayŭh adi Tapa pait minyu pinganang so Tapa, sabab Tapa mbŭh nggen Roh-I di Ayŭh ngga sipuno-i.

ROME 5:17

Mbŭh sawŭ, so dosa ndi naan daya, pinyikabŭs mbŭh piguru nguasa sabab ndi naan daya anŭ. Pak jung rabis bās-i kayuh adi jadi so pingandai ndi naan daya, Jesus Kristus! Sopŭrŭg adi kambat pinyirasi-mandis Tapa ka mbŭh bamai ngga Tapa re nguasa darŭm pimudip so ka Kristus.

ROME 5:2

Ayŭh mbŭh taban ata so ka pinyabah da kinyam pinyirasi-mandis Tapa, di yŭn ata madin udip. Ngapŭi ata mingangŭn di pingarap ta adi re samah dapu bragah Tapa!

ROME 5:20

Ukum-adat dog nggen siŭn-i nambah kraja sarah; pak di yŭn dosa bitambah, pinyirasi-mandis Tapa rabis bitambah.

ROME 8:9

Pak angān dŭh udip tunda pinyiraan tibiat manusia, pak udip tunda pinyiraan Roh Kudus, kambŭi Roh Tapa sawŭ agi darŭm angān. Asi asi adi dŭh biyŭn Roh Kristus dŭh dog dapu Kristus.

EPHESUS 1:23

Eklisia inŭh pŭrŭng Kristus, adi mbŭh pinyukup-I adi nyukup sopŭrŭg kayuh di barang yŭn.

EPHESUS 3:19

Sawŭ, isa-i angān puan pinyirindu-I adi rabis so tungang nŭŭh mirati, ka isa angān jadi brisi ngga tibiat Tapa ngga sipuno-i.

COLOSSAE 1:19

Amai so pinyiraan adŭp Tapa inŭh Anak agi brimun ngga Tapa.

COLOSSAE 2:3

Ayŭh inŭh kusi adi kuka sopŭrŭg pinyipuan ka pinyibijak Tapa adi taŭn-i mbŭh rata adi dog sukan.

1 PETER 1:11

Ngara suba an puan andu-i ka simuki-i re mandŭg. Roh Kristus agi darŭm ngara ka mbŭh ninjau di ngara jera-birasa adi Kristus re kinyam, samŭn bragah adi re mandŭg sundis.

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.