JOHN 1:14 - Hakcipta - Biatah Bidayuh

¹⁴ Pinganang jadi manusia ka, puno ngga pinyirasi-mandis ngga pinyawŭ, mbŭh rŭŭ di ruang ta. Ata mbŭh kiris bragah-I; bragah adi-I kambat jadi Anak tambŭ Sama-I.

JOHN 1:14 ပူးပေါင်းရင်းမြစ်များ

MAZMUR 2:7

“Aku re piagah,” raja nang, “kayuh adi TUHAN mbŭh nang. Ayŭh nang di aku: “Kuu inŭh anak Ku; andu ati Aku jadi Sama mu.

MAZMUR 45:2

Kaam inŭh dari adi siabo ramus; kaam inŭh daya adi siradik minyu. Tapa mbŭh siraru nyiberkat kaam.

MAZMUR 85:9

Ayŭh sawŭ mbŭh sidia an nyiramat ngara adi stabi di Ayŭh, ka bragah-I re rŭŭ di tarun tana ta.

ISAIAH 40:5

Komŭnŭ bragah TUHAN re dog pinandŭng, ka sopŭrŭg manusia re kiris-i. Adŭp TUHAN mbŭh bijanji kayuh anŭ.”

ISAIAH 53:2

Anŭ mbŭh pinyiraan TUHAN inŭh urun-I timbu mun anak kayuh-udip piruat di tana badŭh. Gayŭn-i dŭh kana bait ramus adi re bada ata an kimat ayŭh. Mating pinyiramus-i, mating ani ani di ayŭh adi re tarik atin ta.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

EZEKIEL 37:27

Aku re rŭŭ diginŭ ngga ngara; Aku re jadi Tapa ngara, ka ngara re jadi daya Ku.

LUKE 2:11

Di andu ati darŭm Kupo David, Pinyikudip ngan mbŭh dog biranak, Kristus adi Tuhan!

LUKE 2:7

Ayŭh biranak anak pinuai dari, madung-I ngga banang, ka piguring-I darŭm durang dāng, amai mating tia birit yŭn ngara di ramin nupang.

LUKE 9:32

Peter samŭn ngara adi agi ngga ayŭh mbŭh rŭrŭ bŭŭs, pak ngara burah ka kiris bragah Jesus samŭn ngara duwŭh adi mijog ngga Ayŭh.

JOHN 1:1

Diŭ so ong dog napa, Pinganang taŭn mbŭh agi; Pinganang agi ngga Tapa, ka Pinganang mbŭh Tapa.

JOHN 11:40

Jesus nang di ayŭh, “Dŭh kah Aku ko kidaan di kuu, kuu bisa kiris bragah Tapa kambŭi kuu sabah?”

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 14:9

Jesus nam, “Mbŭh tian ti Aku agi ngga angān, ka gibayuh kah kuu puan Aku, Philip? Asi asi adi kiris Aku mbŭh kiris Sama. Simuki kuu bisa nang, ‘Kiren di kieh Sama’?

JOHN 17:22

Aku mbŭh nggen di ngara bragah anŭ adi Kaam mbŭh nggen di Aku, isa ngara bisa jadi ndi, nimun Kaam ngga Aku agi ndi:

JOHN 17:24

“Sama! Kaam mbŭh nggen ngara di Aku, ka Aku raan ngara agi ngga Aku di yŭn Ku rŭŭ, isa ngara bisa kiris bragah Ku, bragah adi Kaam mbŭh nggen di Aku; amai Kaam mbŭh rindu Aku sibayuh ong jadi.

JOHN 18:37

Ka Pilate nang di Ayŭh, “Jadi Kuu ati raja, meh?” Jesus nam, “Adŭp mu mbŭh nang Aku raja. Aku dog biranak di ong yŭn ndi pinŭtŭn, an minyu pasar kayuh adi sawŭ. Asi asi adi trima kayuh adi sawŭ, dingah Ku.”

JOHN 2:11

Anŭ inŭh sibungas pingandai-nginga adi Jesus ndai, di Cana di tarun tana Galilee. Diginŭ Ayŭh kiren bragah-I, ka bara murid-I sabah di Ayŭh.

JOHN 3:16

Tapa ruai rindu ong ndŭg ka mbŭh nggen Anak tambŭ-I, isa barang naan adi sabah di Ayŭh dŭh re kabŭs pak dapŭd udip adi sawŭ adi tan adu adu.

JOHN 3:18

Ngara adi sabah di Anak dŭh re dog ukum; pak ngara adi dŭh sabah taŭn mbŭh tui dog ukum, sabab ngara dŭh sabah di Anak tambŭ Tapa.

JOHN 6:51

Aku ati ruti adi nggen udip adi mūn so shorga. Kambŭi angān man ruti ati, angān re udip adu adu. Ruti adi Aku nggen di angān inŭh pŭrŭng adŭp Ku; Aku nggen-i isa sopŭrŭg daya di ong dapŭd udip.”

JOHN 8:32

Angān re puan pinyawŭ, ka pinyawŭ anŭ re pirupas angān.”

PINGANDAI 13:33

Ayŭh mbŭh ndai yŭn ta, adi bara sesang ngara, darŭm-I pakat Jesus so kabŭs. Nimun adi ko dog nuris darŭm Mazmur adi numbor duwŭh, ‘Kuu Anak Ku; andu ati Aku mbŭh jadi Sama Mu.’

ROME 8:3

Kayuh adi Ukum-adat dŭh tungang ndai, sabab manusia ramah darŭm tibiat-i, Tapa mbŭh ndai. Ayŭh nunggu dosa darŭm tibiat manusia darŭm-I pait Anak adŭp-I, adi mandŭg ngga tibiat adi brimun ngga tibiat ta adi bidosa, yŭn ngarah dosa.

ROME 9:5

ngara sesang so tayung-babuk daya Hebrew adi timagah; ka Kristus, darŭm gayŭn manusia, mbŭh so bangsa ngara. Isa-i Tapa, adi mritah sopŭrŭg, dog muji ndŭg situi tui! Amen.

1 CORINTH 15:47

Adam adi diŭ, dog napa so tana, mandŭg so tana; Adam adi numbor duwŭh mandŭg so shorga.

2 CORINTH 12:9

Pak pinyinam-I inŭh: “Pinyirasi-mandis Ku inŭh kayuh adi kuu biguna, amai kuasa Ku agi bās kan kuu ramah.” Kana dŭ aku mingangŭn di pinyiramah adŭp ku, siŭn dapŭd kinyam pinyigrindung kuasa Kristus di tunduh adŭp ku.

GALATIA 4:4

Pak kan tipuh-i mbŭh mandŭg, Tapa pait Anak adŭp-I. Ayŭh anŭ dog biranak so ndi naan dayung, ka udip di ribo Ukum-adat Jahudi,

EPHESUS 3:8

Aku agi siabo sŭ so sianŭ adi sŭ dupan bara daya adi Tapa mbŭh mien; pak Tapa mbŭh raru kana an bada aku taban ka daya adi dŭh bangsa Jahudi Agah Kana pasar berkat Kristus adi raru tŭrŭp-i,

COLOSSAE 1:19

Amai so pinyiraan adŭp Tapa inŭh Anak agi brimun ngga Tapa.

COLOSSAE 2:3

Ayŭh inŭh kusi adi kuka sopŭrŭg pinyipuan ka pinyibijak Tapa adi taŭn-i mbŭh rata adi dog sukan.

COLOSSAE 2:9

Adŭp Kristus inŭh Tapa, darŭm pimudip manusia-I,

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

HEBREW 1:5

Amai Tapa bŭn nang di tadŭ malaikat-I, “Kuu inŭh anak Ku; andu ati Aku mbŭh jadi Sama mu.” Bŭn gŭh Tapa nang pasar tadŭ malaikat, “Aku re jadi Sama-i, ka ayŭh re jadi anak Ku.”

HEBREW 10:5

Sitagar anŭ, kan Kristus mbŭh re an mandŭg ka ong, Ayŭh nang di Tapa: “Kaam dŭh raan sadis ngga pinganggen, pak Kaam mbŭh sidia pŭrŭng yŭn Ku.

HEBREW 2:11

Ayŭh pibisig manusia so dosa ngara; Ayŭh ngga ngara adi mbŭh dog pibisig samah dapu ndi Sama. Anŭ inŭh sabab Jesus dŭh mangŭh kadŭn ngara rawang-I.

HEBREW 5:5

Simŭnŭ gŭh Kristus, dŭh-I tambit dŭn puan kah pangkat imam bās yŭn adŭp-I. Adŭp Tapa adi nang di Ayŭh, “Kuu Anak Ku; andu ati Aku mbŭh jadi Sama Mu.”

1 JOHN 4:14

Ka kieh mbŭh kiris ka kidaan di daya bŭkŭn Sama ko pait Anak-I da jadi Pinyikudip ong.

1 JOHN 4:9

Ka Tapa kiren pinyirindu-I yŭn ta darŭm-I pait Anak tambŭ-I ka ong, isa ata bisa dapŭd udip adi sawŭ so Ayŭh.

2 JOHN 1:7

Bagŭ pingadong mbŭh bijaruh di ong, ngara adi abah sabah Jesus Kristus ko mandŭg darŭm gayŭn manusia. Daya adi mun anŭ taŭn-i pingadong ka mbŭh Pinganyu Kristus.

PINANDŬNG 19:13

Jipo-ambu adi-I nēn puno ngga deya. Adŭn-I inŭh “Pinganang Tapa.”

PINANDŬNG 21:3

Aku dingah sirŭŭn minyu so takta anŭ: “Madin Tapa rŭŭ ngga bara daya! Ayŭh re rŭŭ ngga ngara, ka ngara re jadi bara daya-I. Adŭp Tapa re agi ngga ngara, ka Ayŭh re jadi Tapa ngara.