JOHN 1:13 - Hakcipta - Biatah Bidayuh

¹³ Ngara dŭh jadi anak Tapa mun gaya manusia jadi anak sama-i so tibiat manusia; adŭp Tapa inŭh Sama ngara.

JOHN 1:13 ပူးပေါင်းရင်းမြစ်များ

TIBIRIK 25:22

Rebecca re biranak anak apid, ka sibayuh ngara dog biranak, ngara siraru birawan ngga dingan-i darŭm ite sindŭ-i. Rebecca nang, “Mani kah kayuh mun ati bisa jadi di aku?” Jadi ayŭh di siken TUHAN rati-i.

TIBIRIK 25:28

Isaac rindu dŭ di Esau, sabab ayŭh gagā man dagin dāng adi Esau dapŭd, pak Rebecca rindu dŭ di Jacob.

TIBIRIK 27:33

Kan Isaac dingah sakanŭ, ndi pŭrŭng ganan-i kimŭtŭr, ka-i siken, “Asi meh sianŭ adi muko siŭ dāng ka taban-i ka yŭn ku? Aku muko man-i diŭ so kuu mandŭg; ka aku muko gŭh nggen sikasŭn berkat ku di ayŭh, adi re adu adu tung jangi.”

TIBIRIK 27:4

Tanŭk pinguman anŭ adi sidi kinyam ku, ka taban-i ka yŭn ku. Kan aku muko man-i, aku re nggen sikasŭn berkat ku di kuu diŭ so aku kabŭs.”

MAZMUR 110:3

Di andu kaam rawan pinganyu mai, daya mai re turung ngga siabo asŭng ngara. Keya ka sipot-abun isan isan dari bujang mai re mandŭg ka kaam di sandah kudus.

MATTHEW 3:9

Ka dŭhnyah pikir, ngga pinganang ngan adi nang Abraham babuk ngan, angān tungang bu mangān ukum. Aku kidaan di angān, Tapa bisa, so batuh ati ndai sesang yŭn Abraham!

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

1 CORINTH 3:6

Aku purun, Apollos tukang nyijuh, pak Tapa inŭh adi bada kayuh timbu.

PHILIPPI 2:13

sabab Tapa agi nyiraja di ruang ngan bada angān raan ka tungang tunda pinyiraan-I.

TITUS 3:5

Ayŭh nyiramat ata. Dŭh-i sitagar pingandai kana adi ata ko ndai, pak sitagar pinyirasi adŭp-I Ayŭh mbŭh nyiramat ata, ngga kuasa Roh Kudus, adi nggen di ata pinyibranak bauh ngga pimudip bauh darŭm-I ngu ata.

JAMES 1:18

So ka pinyiraan adŭp-I Ayŭh mbŭh napa ata ngga pinganang-I adi sawŭ, isa ata bisa jadi numbor ndi di dupan sopŭrŭg adi-I ko napa.

1 PETER 1:23

Amai so ka pinganang Tapa adi udip ka adi tan adu adu angān mbŭh dog biranak bauh, dŭh so manusia, pak so Sama adi udip adu adu.

1 PETER 1:3

Ja ata nggen trima kaseh di Tapa ngga Sama Tuhan ta Jesus Kristus! Sabab masi-I adi bās Ayŭh mbŭh nggen di ata udip bauh darŭm-I pakat Jesus Kristus so kabŭs. Kayuh ati nggen di ata pingarap adi udip.

1 PETER 2:2

Bada adŭp ngan mun anak pira adi bauh dog biranak, siraru aus an nok sisuh roh, isa darŭm angān nok-i angān bisa dŭ dŭ kambang ka dog nyiramat.

1 JOHN 3:9

Ngara adi anak Tapa dŭh re tia bidosa, amai adŭp tibiat Tapa agi darŭm ngara; ka sabab Tapa mbŭh Sama ngara, ngara dŭh re tia bidosa.

1 JOHN 4:7

Angān adi aku rindu, ja ata rindu dingan ta, sabab pinyirindu mandŭg so Tapa. Asi asi adi rindu, ayŭh inŭh anak Tapa ka puan Tapa.

1 JOHN 5:1

Asi asi adi sabah Jesus sawŭ Kristus, mbŭh anak Tapa; ka asi asi adi rindu sama rindu anak-i gŭh.

1 JOHN 5:18

Ata puan mating anak Tapa re babŭ an ndai dosa, amai Anak Tapa jaga ngara, ka sianŭ adi Arap dŭh re tungang kandam ngara.

1 JOHN 5:4

sabab barang naan anak Tapa tungang ngarah ong. Ka ngga pinyabah ta ata dapŭd pimanang ta di tunduh-i.