JOHN 1:10 - Hakcipta - Biatah Bidayuh

¹⁰ Pinganang mbŭh agi darŭm ong, ka sunggu Tapa mbŭh napa ong ngga Ayŭh, ong dŭh natŭng Ayŭh.

JOHN 1:10 ပူးပေါင်းရင်းမြစ်များ

TIBIRIK 16:13

Hagar siken darŭm asŭng-i, “Aku mbŭh sawŭ kiris Tapa kani, ka babŭ udip re piagah pasar Ayŭh?” Ngapŭi ayŭh kadŭn TUHAN, adi muko minyu ngga adŭp-i, “Tapa adi Kiris.”

TIBIRIK 17:1

Kan Abram mbŭh prii puru-prii sawa umbur-i, TUHAN pinandŭng adŭp-i di ayŭh ka nang, “Aku ati Tapa Bisa-pŭrŭg. Nundok di Aku ka ndai kayuh adi batur.

TIBIRIK 18:33

Ripas-I muko minyu ngga Abraham, TUHAN bu, ka Abraham maad.

ISAIAH 53:3

Ata ngamun ayŭh ka tirawan ayŭh; ayŭh kinyam sangsara ngga sarang andam. Mating daya an kimat ayŭh; ata nyipunok ayŭh mun ata ngga kayuh au-tarun.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

JOHN 1:11

Ayŭh di ka rais adŭp-I, pak daya rais adŭp-I dŭh trima Ayŭh.

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

JOHN 1:3

Ngga Ayŭh Tapa napa sopŭrŭg kayuh; mating katŭn kayuh adi dog napa bisa jadi kambŭi dŭh ngga Ayŭh.

JOHN 1:5

Jawa anŭ nyekar darŭm karŭm, ka karŭm dŭh tungang ngarah-i.

JOHN 17:25

Sama adi tŭnggŭn! Ong dŭh puan Kaam, pak Aku puan Kaam, ka ngara ati puan Kaam mbŭh pait Aku.

JOHN 5:17

Jesus nam ngara, “Sama Ku dŭh masah nyiraja, ka Aku gŭh dŭh siŭn dŭh nyiraja.”

PINGANDAI 14:17

Pak Ayŭh mbŭh siraru kiren adŭp-I sawŭ agi so ka kraja kana adi-I ndai: mun nggen ujen so rangit ka buwa buwa di tika jajak di angān; Ayŭh nggen di angān pinguman ka bada atin ngan gaŭn.”

1 CORINTH 1:21

Amai Tapa darŭm pinyibijak-I dŭh bada daya puan adŭp-I so ka pinyibijak adŭp ngara. Pak, so agah adi ata nyuse adi “sipadin” sŭn ngara nang, Tapa mbŭh natu an nyiramat ngara adi sabah.

1 CORINTH 2:8

Bara adi mritah ong ati dŭh puan pasar pinyibijak anŭ. Kambŭi ngara puan, ngara dŭh masak Tuhan Bragah di atuh rigang.

1 CORINTH 8:6

ata biyŭn ndi adŭ Tapa, adi Sama, adi pinapa sopŭrŭg kayuh, ka ata udip yŭn-I; ka mbŭh agi ndi Tuhan adŭ, Jesus Kristus, so ka Ayŭh sopŭrŭg kayuh dog napa ka so Ayŭh ata udip.

COLOSSAE 1:16

Ngga Ayŭh Tapa napa sopŭrŭg kayuh di shorga ngga di ong, sopŭrŭg adi tatŭng ngga adi dŭh tatŭng, samŭn roh roh adi bikuasa ngga adi mritah. Tapa napa sopŭrŭg kayuh ngga Ayŭh ka yŭn Ayŭh.

HEBREW 11:3

So pinyabah inŭh ata mirati nang rangit ngga ong dog napa ngga pinganang Tapa, ka ngga simŭnŭ meh kayuh adi tungang dog kiris mbŭh dog napa so kayuh adi dŭh tungang dog kiris.

1 JOHN 3:1

Tingga, munki masam bās-i pinyirindu Tapa di ata! Pinyirindu-I raru bās ndŭg ka ata mbŭh dog kadŭn anak Tapa. Anŭ taŭn-i sawŭ, ngapŭi ong dŭh puan ata, sabab-i dŭh puan Tapa.