JOHN 1:1 - Hakcipta - Biatah Bidayuh

¹ Diŭ so ong dog napa, Pinganang taŭn mbŭh agi; Pinganang agi ngga Tapa, ka Pinganang mbŭh Tapa.

JOHN 1:1 ပူးပေါင်းရင်းမြစ်များ

TIBIRIK 1:1

Di sibungas-i di tika Tapa napa rangit ngga ong,

MAZMUR 45:6

Takta adi Tapa mbŭh nggen di kaam re tan adu adu. Kaam mritah daya mai ngga pinyitŭnggŭn;

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

MATTHEW 1:23

“Ndi naan dayung tibŭn re bite ka biranak ndi anak dari, ka Ayŭh re dog kadŭn Immanuel” (rati-i, “Tapa agi ngga ata”).

LUKE 24:53

Ngara siraru agi di Ramin Tuhan, nggen puji di Tapa.

JOHN 1:14

Pinganang jadi manusia ka, puno ngga pinyirasi-mandis ngga pinyawŭ, mbŭh rŭŭ di ruang ta. Ata mbŭh kiris bragah-I; bragah adi-I kambat jadi Anak tambŭ Sama-I.

JOHN 1:18

Manusia dŭh tungang kiris Tapa. Anak adi tambŭ, adi samah ngga Tapa ka adi ngapid Sama, mbŭh nggen puan pasar Ayŭh.

JOHN 1:2

So sibungas-i Pinganang taŭn mbŭh agi ngga Tapa.

JOHN 16:28

Aku sawŭ mandŭg so Sama, ka Aku mbŭh mandŭg ka ong; ka madin Aku re bu so ong di ka Sama.”

JOHN 17:5

Sama! Nyibragah Aku madin ngga bragah anŭ adi Aku ko biyŭn ngga Kaam sibayuh ong dog napa.

JOHN 20:28

Thomas nam Ayŭh, “Tuhan ku ka Tapa ku!”

JOHN 8:58

“Aku kidaan di angān kayuh adi sawŭ,” Jesus nam. “Sibayuh Abraham dog biranak Aku mbŭh agi.”

ROME 9:5

ngara sesang so tayung-babuk daya Hebrew adi timagah; ka Kristus, darŭm gayŭn manusia, mbŭh so bangsa ngara. Isa-i Tapa, adi mritah sopŭrŭg, dog muji ndŭg situi tui! Amen.

EPHESUS 3:9

ka bada sopŭrŭg daya kiris munki Tapa re pijadi atur pinyiraan-I, adi tian ti taŭn mbŭh rusia-I. Tapa, adi Pinapa sopŭrŭg kayuh, sukan rusia-I so sibungas ong,

PHILIPPI 2:6

Ayŭh taŭn sawŭ Tapa, pak Ayŭh dŭh an suba bada adŭp-I brimun ngga Tapa.

COLOSSAE 1:15

Kristus inŭh raŭn gayŭn Tapa, pak Ayŭh tungang dog kiris, dŭh mun Tapa adi dŭh tungang dog kiris. Ayŭh inŭh Anak pinuai adi nunduh sopŭrŭg kayuh adi ko dog napa.

COLOSSAE 1:17

Kristus mbŭh agi diŭ so sopŭrŭg kayuh bŭkŭn jadi, ka sabab Ayŭh sopŭrŭg kayuh mbŭh biyŭn yŭn-i nanyam patut.

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.

TITUS 2:13

darŭm ata kajŭn andu adi biberkat anŭ adi ata harap, adi ngga bragah Tapa bās ta ngga Pinyikudip ta, Jesus Kristus, re tatŭng.

HEBREW 13:8

Jesus Kristus inŭh babŭ mijah, andu ati, ka adu adu.

HEBREW 7:3

Mating dog nuris pasar sindŭ sama Melchizedek puan kah tayung babuk-i; mating gŭh dog nuris pasar pinyibranak-i ngga pasar pinyikabŭs-i. Ayŭh keya ka Anak Tapa; ayŭh jadi imam ndŭg situi tui.

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

1 JOHN 5:7

Mbŭh agi taruh saksi:

PINANDŬNG 1:11

Sirŭŭn anŭ nang, “Nuris kayuh adi kuu kiris, ka pait surat anŭ nuju eklisia eklisia di ju kupo ati: Ephesus, Smyrna, Pergamum, Thyatira, Sardis, Philadelphia, ka Laodicea.”

PINANDŬNG 1:17

Kan aku kiris Ayŭh aku suman adŭp ku di kaja-I, mun adi kabŭs. Ayŭh na tangan tauh-I tama aku ka nang, “Dŭhnyah taru! Aku ati adi sibungas ngga adi sikasŭn.

PINANDŬNG 1:2

ka John muko kidaan sopŭrŭg anŭ adi-i ko kiris. Ati inŭh pinganang-i pasar agah so Tapa samŭn kayuh kayuh adi dog pinandŭng Jesus Kristus.

PINANDŬNG 1:8

“Aku ati adi sibungas ngga adi sikasŭn,” nang Tuhan Tapa Bisa-pŭrŭg, adi madin, adi mbŭh, ka adi re mandŭg.

PINANDŬNG 19:13

Jipo-ambu adi-I nēn puno ngga deya. Adŭn-I inŭh “Pinganang Tapa.”

PINANDŬNG 2:8

“Nuris surat ati nuju malaikat eklisia di Smyrna: “Ati inŭh agah so sianŭ adi sibungas ngga adi sikasŭn, adi kabŭs ka adi udip dinge.

PINANDŬNG 21:6

Ka Ayŭh nang, “Mbŭh kamas! Aku ati adi sibungas ngga adi sikasŭn, adi puun ngga adi pimungan. Di ngara adi aus Aku re nggen piin nok adi mandŭg so atak piin adi nggen udip, dŭh bibayar.

PINANDŬNG 22:13

Aku ati adi sibungas ngga adi sikasŭn, adi puun ngga adi pimungan.”

PINANDŬNG 3:14

“Nuris ka malaikat eklisia di Laodicea: “Ati inŭh agah so Amen anŭ, saksi adi tŭtŭd ngga adi sawŭ, adi tibirik puun sopŭrŭg kayuh adi Tapa ko napa.