JOEL 3:7 - Hakcipta - Biatah Bidayuh

⁷ Madin Aku re taban ngara ngga ruah so tarun tarun adi yŭn ngan jua ngara. Aku re ndai di angān kayuh adi angān ko ndai di ngara.

JOEL 3:7 ပူးပေါင်းရင်းမြစ်များ

ESTHER 7:10

Jadi Haman dog tangid di tiang adi adŭp-i mbŭh pijog an-i yŭn tangid Mordecai. Komŭnŭ atin raja pari madŭd.

ISAIAH 11:12

TUHAN re pijog binira-tandā ngga kiren di bangsa bangsa nang adŭp-I nguruk dinge daya Israel ngga daya Judah adi mbŭh papar sasah di barang yŭn di ong ka taban ngara pari.

ISAIAH 49:12

Daya Ku re mandŭg so tarun adi jo, so utara ngga barat, ka so Aswan di siratan.”

ISAIAH 66:6

Dingah! Jawŭn anŭ adi bana darŭm kupo, jawŭn darŭm Ramin TUHAN, inŭh jawŭn TUHAN ngukum pinganyu-I!

JEREMIAH 23:8

Pak, ngara re bipayu pakai adŭn ku, Tapa adi udip, adi taban daya Israel ngga ruah so tarun tana utara ka so sopŭrŭg tarun tana rais adi bŭkŭn di yŭn Ku bada ngara papar sasah. Komŭnŭ ngara re rŭŭ di tarun tana adŭp ngara.”

JEREMIAH 30:10

“Daya Ku, dŭhnyah taru; daya Israel, dŭhnyah tikaran. Aku re nyiramat angān so tarun tana adi jo anŭ, tarun tana adi yŭn ngan jadi daya-takap. Angān re pari ka rais adŭp ngan ka rŭŭ darŭm damai; angān re siramat, ka mating daya re tia bada angān taru.

JEREMIAH 30:16

Pak madin, sopŭrŭg adi man angān re dog man, ka sopŭrŭg pinganyu ngan re dog taban ngga bu jadi daya-takap. Sopŭrŭg adi kinanyuh angān re dog kinanyuh, ka sopŭrŭg adi pirinda angān re dog pirinda.

JEREMIAH 31:8

Aku re taban ngara so utara ka nguruk ngara so bŭngŭn bŭngŭn ong. Adi karak ngga adi bajang re mandŭg ngga ngara, dayung adi bite ngga ngara adi re biranak. Ngara re pari jadi ndi tibande bangsa.

JEREMIAH 32:37

Aku re nguruk bara daya so sopŭrŭg rais adi yŭn Ku mbŭh bada ngara papar sasah amai baji ngga bangok Ku, ka Aku re taban ngara ngga pari ka tarun yŭn ati ka bada ngara rŭŭ digiti ngga siramat.

EZEKIEL 36:24

Aku re tambit angān so barang bangsa ngga rais ka taban angān pari ka tarun tana adŭp ngan.

EZEKIEL 38:8

Kan kudu kudu sawa mbŭh ripas, Aku re nggen ukum di ayŭh bada nyerang ndi rais adi yŭn daya mbŭh dog taban pari so bagŭ bangsa ka mbŭh rŭŭ dŭh dog mito perang. Ayŭh re nyerang tarun tana darŭd Israel, adi mbŭh matung ka tui dog tagan, pak di yŭn bara daya Israel madin mbŭh rŭŭ ngga siramat.

JOEL 3:4

“Ani anŭ suba ngan ndai di Aku, Tyre, Sidon, ngga ndi tarun tana Philistia? Angān suba an maras dendam kah? Kambŭi anŭ kayuh raan ngan, Aku bisa rikas bayar angān!

ZECHARIAH 9:13

Aku re pakai Judah keya ka bawŭh soldadu ka Israel keya ka reja-panah. Aku re pakai daya Zion keya ka pedang, ngga rawan daya Greece.”

MATTHEW 7:2

amai Tapa re nyarah angān nanyam ka gaya angān nyarah daya, ka Ayŭh re pakai di angān atur adi angān pakai di daya.

2 THESSALONICA 1:6

Tapa re ndai kayuh adi batur: Ayŭh re pijera ngara adi pijera angān.

JAMES 2:13

Amai Tapa dŭh re kiren masi kan Ayŭh nggen bisara di daya adi bŭn masi; pak daya adi masi dŭh re dog ukum Tapa.

PINANDŬNG 13:10

Daya adi re dog nakap manŭn re dog nakap; daya adi re dog siŭ ngga pedang manŭn re dog siŭ ngga pedang. Sirati-i bara daya adi Tapa mbŭh mien dŭh siŭn dŭh an biyŭn pinyitŭtŭd atin ngga pinyabah.”

PINANDŬNG 16:6

Ngara ko siŭ bara daya adi Kaam ko mien samŭn bara nabi, ka Kaam meh mbŭh nggen deya da ngara nok. Ngara trima kayuh adi ngara patut trima!”

PINANDŬNG 19:2

Batur buang tŭnggŭn inŭh ukum-I! Ayŭh mbŭh nunggu dayung sundar anŭ adi kinanyap ong ngga pingandai kais-i. Tapa mbŭh ngukum ayŭh sabab ayŭh ko siŭ bara urun-I.”

AKIM 1:7

Adonibezek nang, “Ju puru naan raja adi dog kapŭg sindŭ tangan ngga sindŭ kaja ngara sun tatuh di ribo mija ku. Tapa mbŭh ndai di aku kayuh adi aku mbŭh ndai di ngara.” Ayŭh dog taban ka Jerusalem, ka diginŭ ayŭh kabŭs.

1 SAMUEL 15:33

Samuel nang, “Nimun pedang mu mbŭh bada bagŭ sindŭ daya dŭh biyŭn anak, simŭnŭ inŭh sindŭ mu madin re dŭh biyŭn anak.” Ka ayŭh japa Agag bada prisupek di jawin mija-sambah di Gilgal.