JOEL 3:5 - Hakcipta - Biatah Bidayuh

⁵ Angān mbŭh sirapas pirak ngga mas Ku ka taban ngga bu buat-rata Ku ka darŭm bari-sambah ngan.

JOEL 3:5 ပူးပေါင်းရင်းမြစ်များ

2 RAJA 12:18

Raja Joash di Judah tambit sopŭrŭg pinganggen adi bara raja adi diŭ so adŭp, Jehoshaphat, Jehoram, ngga Ahaziah mbŭh nitah ka TUHAN, nambah anŭ ngga dudu pinganggen so adŭp-i samŭn sopŭrŭg mas so pinyirikŭn Ramin TUHAN ngga di darŭm istana, ka pait sopŭrŭg-i ndu pinganggen ka Raja Hazael, adi rasu taban bara soldadu-i bu so Jerusalem.

2 RAJA 16:8

Ahaz tambit pirak ngga mas so Ramin TUHAN ngga pinyirikŭn-rata istana ka pait-i ndu pinganggen ka raja-empaya.

2 RAJA 24:13

ka taban bu ka Babylonia sopŭrŭg rata adi darŭm Ramin TUHAN ka adi darŭm istana. Nanyam adi muko TUHAN diŭ kidaan, Nebuchadnezzar pirusak sopŭrŭg pingakas mas adi Raja Solomon ndai yŭn pakai di Ramin TUHAN.

ISAIAH 11:11

Kan andu anŭ mandŭg, TUHAN re pakai dinge kuasa-I ngga taban pari daya-I adi dŭm di Assyria ngga Egypt, di tarun tana Pathros, Ethiopia, Elam, Babylonia, ngga Hamath, ka di tarun tana di bŭngŭn rawŭt ngga di purau purau di rawŭt.

JEREMIAH 23:7

“Tika-i re mandŭg,” nang TUHAN, “adi ngga daya re dŭh tia bipayu pakai adŭn Ku, Tapa adi udip, adi taban daya Israel ngga ruah so tarun tana Egypt.

JEREMIAH 50:28

(Bara daya adi bu mangān adŭp-i dog siŭ di Babylonia ka mandŭg ka Jerusalem, ka ngara kidaan munki TUHAN adi Tapa ta mbŭh maras kayuh adi daya Babylonia mbŭh ndai di Ramin TUHAN.)

JEREMIAH 51:11

TUHAN mbŭh kies atin raja raja di Media, sabab Ayŭh raan pirabur Babylonia. Simŭnŭ inŭh Ayŭh maras dendam yŭn pinyirusag Ramin-I. Bara pingubak soldadu adi nyerang pesan, “Ngasa reja-panah ngan! Sidia pinangin ngan!

EZEKIEL 37:12

Ngapŭi minyu-binabi di daya Israel ka kidaan di ngara nang Aku, adi TUHAN Raja, re kuka kubur ngara. Aku re piruah ngara ka taban ngara ngga pari ka tarun tana Israel.

DANIEL 11:38

Pak ayŭh re stabi di tapa adi grindung kuta. Ayŭh re jugan mas, pirak, batuh adi brega, ngga pinganggen adi bās ka tapa adi tayung babuk-i bŭn nyambah.

OBADIAH 1:17

“Pak di Sandah Zion agi adi re siramat, ka-i re jadi tarun adi kudus. Daya Judah re dapu tana adi mbŭh hak adŭp ngara.