JOEL 3:17 - Hakcipta - Biatah Bidayuh

¹⁷ “Komŭnŭ, Israel, angān re puan Aku ati TUHAN adi Tapa ngan. Aku rŭŭ di Zion, sandah kudus Ku. Jerusalem re jadi kupo kudus; daya tami dŭh re tia nyerang-i.

JOEL 3:17 ပူးပေါင်းရင်းမြစ်များ

JOB 15:19

Di tika anŭ mating daya tami darŭm tarun tana ngara; mating daya re bada ngara tagan Tapa.

MAZMUR 76:2

Ayŭh biyŭn yŭn rŭŭ di Jerusalem; Ayŭh rŭŭ di Sandah Zion.

MAZMUR 9:11

Biragu puji ka TUHAN, adi mritah di Zion! Kidaan di barang bangsa kayuh adi mbŭh-I ndai!

PINYIRUAH 16:12

“Aku mbŭh dingah bara daya Israel mingungut. Kidaan di ngara nang ngga singumi andu re agi dagin re ngara man, ka ngga isan isan ngara re man sikiang kiang ruti adi ngara raan. Ngara re puan nang Aku, adi TUHAN, inŭh Tapa ngara.”

ISAIAH 11:9

Di tunduh Zion, sandah kudus Tapa, re mating kayuh adi arap bait adi bisa kandam. Tarun tana re puno ngga pinyipuan TUHAN nimun rawŭt puno ngga piin.

ISAIAH 12:6

Bada barang naan adi rŭŭ di Zion nyirais ka nyanyi! Tapa kudus Israel inŭh bās, ka Ayŭh rŭŭ di ruang daya-I.”

ISAIAH 35:8

Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.

ISAIAH 4:3

Barang naan daya adi dŭm di Jerusalem, adi Tapa mbŭh mien bada babŭ udip, re dog kadŭn kudus.

ISAIAH 46:13

Aku taban andu pimanang bada sindŭk — dŭh-i gibabŭ jo. Pimanang Ku dŭh re dog pirambat. Aku re nyiramat Jerusalem ka taban stabi ka Israel diginŭ.”

ISAIAH 52:1

Jerusalem, pari bake ka bās dinge! Kupo adi kudus, kibarui adŭp mu ngga piraka mu adi sangŭn! Daya tami adi ko pirusag kupo kudus mu re dŭh tia mŭrŭt kuu dinge.

ISAIAH 56:7

“Aku re taban angān ka Zion, sandah kudus Ku, nggen di angān pinyigaŭn darŭm ramin simayang Ku, ka trima sadis adi angān jugan di tunduh mija-sambah Ku. Ramin Ku re dog kadŭn ramin simayang yŭn sopŭrŭg bangsa.”

JEREMIAH 31:23

TUHAN Bisa-pŭrŭg, adi Tapa Israel, nang, “Kan Aku pari daya Ku ka tarun tana ngara, ngara re pari nang darŭm tarun tana Judah ka darŭm kupo kupo, ‘Isa-i TUHAN nyiberkat sandah kudus Jerusalem, yŭn kudus di yŭn-I rŭŭ.’

JEREMIAH 31:40

Ndi tarun tarun rubān anŭ, di yŭn tadang daya dog kubur ka sapok dog taran, ka sopŭrŭg ŭmŭh di sambu sungi Kidron jeh ndŭg Tiban Kuda ndŭg timor, re dog nitah yŭn Ku. Kupo anŭ re dŭh tia dog pirusak bait dog pirabur.”

EZEKIEL 20:40

Diginŭ di tarun tana Israel, di sandah kudus Ku, sandah bigatung Israel, sopŭrŭg ngan daya Israel re nyambah Aku. Aku re munos asŭng di angān ka re kajŭn angān taban ka Aku sadis ngan, sadis ngan adi siabo kana, ngga pinganggen kudus ngan.

EZEKIEL 37:6

Aku re nggen di angān uat ngga isin, ka marut angān ngga kurit. Aku re nggen di angān asŭng isa angān pari udip. Nŭ angān re puan nang Aku ati TUHAN.”

EZEKIEL 43:12

Ati inŭh ukum-adat Ramin TUHAN: sopŭrŭg tarun tana adi maning-i di tibung darŭd anŭ inŭh kudus.”

EZEKIEL 44:9

“Aku, adi TUHAN Raja, piagah nang daya adi dŭh bisunat, bait daya adi dŭh tŭtŭd di Aku, dŭh siŭn mŭrŭt Ramin Ku, samŭn daya tami adi rŭŭ bigaur ngga daya Israel.”

EZEKIEL 48:35

Prungun kŭd sindung di sopŭrŭg parad inŭh 9 kilomita. So madin kupo anŭ an dog kadŭn, “TUHAN agi digiti!”

DANIEL 11:45

Ayŭh re pijog tibande bari bari-i di asah rawŭt ngga sandah adi yŭn Ramin TUHAN mijog. Pak ayŭh re kabŭs, ka mating daya re turung ayŭh.”

DANIEL 9:16

Kaam ngibān kieh di jaman adi mbŭh, ka dŭhsah baji di Jerusalem tia. Anŭ inŭh kupo Mai, sandah kudus Mai. Sopŭrŭg daya di rais rais adi sindŭk ngamun Jerusalem samun daya Mai sabab dosa ami ngga arap adi tayung-babuk ami mbŭh ndai.

JOEL 2:27

Ngga simŭnŭ, angān daya Israel, re puan nang Aku agi di ruang ngan, ka Aku, adi TUHAN, inŭh Tapa ngan, ka mating adi bŭkŭn. Daya Ku re dŭh tia dog ngamun.

MICAH 4:7

Ngara mbŭh bajang buang jo so ramin arŭn, pak Aku re nggen pluang bauh di ngara adi babŭ udip, ka ngara re jadi bangsa adi bās. Aku re mritah ngara di Sandah Zion so tika anŭ ndŭg situi tui.”

NAHUM 1:15

Tingga, ndi naan pinyisung mandŭg mutas darŭd taban agah kana! Ayŭh mandŭg an kidaan pasar pimanang! Daya Judah, sita gawai gawai ngan ka nggen di Tapa kayuh adi angān mbŭh bipayu an nggen di Ayŭh. Daya ginaka re dŭh tia nyerang angān. Ngara mbŭh dog pirabur!

ZECHARIAH 8:3

Aku re pari ka Jerusalem, kupo kudus Ku, ka rŭŭ diginŭ. Kupo anŭ re dog kadŭn kupo adi tŭtŭd, ka sandah TUHAN Bisa-pŭrŭg re dog kadŭn sandah kudus.

PINANDŬNG 21:27

Pak mating kayuh adi sembar re bisa mŭrŭt ka darŭm kupo anŭ; dŭh gŭh daya adi ndai kayuh adi taban mangŭh puan kah daya pingadong re bisa mŭrŭt ka darŭm-i. Kaŭs-i ngara, adi dog nuris dŭn-i di surat Anak Biri di yŭn dŭn bara daya adi Tapa mbŭh mien dog nuris, bisa mŭrŭt kamanŭ. Surat anŭ inŭh surat dŭn bara Daya adi dog dapu Tapa.