JOEL 3:12 - Hakcipta - Biatah Bidayuh

¹² “Barang bangsa dŭh siŭn dŭh sidia ka mandŭg ka Rubān Bisara. Diginŭ Aku, adi TUHAN, re guru nggen bisara di sopŭrŭg bangsa adi rŭŭ maning tarun ati.

JOEL 3:12 ပူးပေါင်းရင်းမြစ်များ

2 KRONIKEL 20:26

Di andu adi pat ngara tikuruk di Rubān Beracah ka muji TUHAN amai sopŭrŭg adi mbŭh-I ndai. Ngapŭi rubān anŭ dog kadŭn “Beracah”.

MAZMUR 7:6

Makat ngga baji Mai, O TUHAN! Rawan riyŭn bara pinganyu ku; makat meh ka turung aku! Pinyitŭnggŭn inŭh adi raan Mai,

MAZMUR 96:13

kan TUHAN mandŭg di mritah ong. Ayŭh re mritah daya ong ngga pinyitŭnggŭn ka ngga patut.

MAZMUR 98:9

sabab Ayŭh mandŭg di mritah ong. Ayŭh re mritah bara daya ong ngga pinyitŭnggŭn ka ngga patut.

ISAIAH 2:4

Ayŭh re nggen bisara di bangsa bangsa bās. Ngara re maba pedang bada jadi sinda bajak, jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

ISAIAH 22:1

Ati inŭh agah pasar Rubān Pinandŭng. Ani mbŭh jadi? Mani sopŭrŭg daya darŭm kupo bigawai di tibung ramin?

ISAIAH 3:13

TUHAN mbŭh sidia re nyarah ka nggen bisara di daya-I.

EZEKIEL 30:3

Andu anŭ re rikas mandŭg, andu adi ngga TUHAN ngukum. Andu anŭ karŭm buang susah bangsa bangsa kinyam.

EZEKIEL 39:11

TUHAN nang, “Kan sopŭrŭg kayuh anŭ jadi, Aku re nggen di Gog tana kubur di Israel, di Rubān Daya Bingandon, parad ka timor Rawŭt Pide. Gog ngga sopŭrŭg tibaran bara soldadu-i re dog kubur diginŭ, ka rubān anŭ re dog kadŭn ‘Rubān Tibaran Bara Soldadu Gog’.

JOEL 3:14

Biribu ribu daya agi di Rubān Bisara. Diginŭ inŭh andu TUHAN re rikas mandŭg.

JOEL 3:2

Aku re nguruk sopŭrŭg bangsa ka taban ngara ka Rubān Bisara. Diginŭ Aku re nggen bisara di ngara amai sopŭrŭg kayuh adi ngara mbŭh ndai di daya Ku. Ngara ko mesak bara daya Israel ka rais tami ka bikutung tana Israel, tana adi Aku dapu.

MICAH 4:3

Ayŭh re ngatur kaii di dupan bangsa bangsa, di dupan kuasa kuasa bās adi sindŭk ngga adi jo. Ngara re maba pedang ngara bada jadi sinda bajak ka jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

ZECHARIAH 14:4

Di tika anŭ Ayŭh re mijog di Sandah Kanā, di parad ka timor Jerusalem. Komŭnŭ Sandah kanā re pape nyinuwŭh bada dau adi bayah. Sitangah sandah anŭ re tikana nuju parad ka utara ka sitangah nuju parad ka siratan.

PINANDŬNG 19:11

Komŭnŭ aku kiris shorga tikuka, ka diginŭ agi kuda buda. Pinunggang-i dŭn Adi Tŭtŭd ngga Adi Sawŭ. Ngga pinyitŭnggŭn Ayŭh nggen bisara ka biperang.