JOEL 3:11 - Hakcipta - Biatah Bidayuh

¹¹ Rikas ka mandŭg, sopŭrŭg ngan bangsa adi rŭŭ maning tarun ati, ka tikuruk meh di rubān.’ ” Pait bara tibaran soldadu Mai, O TUHAN, da nyerang ngara!

JOEL 3:11 ပူးပေါင်းရင်းမြစ်များ

MAZMUR 103:20

Muji meh TUHAN, angān malaikat adi bake ngga adi bikuasa, adi tunda pinyipesan-I, adi dingah pinganang-I,

ISAIAH 10:34

TUHAN re tabŭng ngara mun tŭngŭn tŭngŭn kayuh di yun tuān dog tabŭng ngga kapak. Sunggu ngara bake mun tŭngŭn kayuh Lebanon adi siabo kana, ngara re tumbang gŭh.

ISAIAH 13:3

TUHAN mbŭh bagan bara soldadu adi mbŭh-I mien. Ngara inŭh pimagan buang adi siabo pandai birawan. Ayŭh bada ngara matak di biperang ka ngukum ngara adi yŭn-I baji.

ISAIAH 37:36

Malaikat TUHAN di ka tarun yŭn bara daya Assyria bibari ka siŭ 185,000 naan soldadu. Ngga isan isan andu jawa ndi ngara mbŭh abo kabŭs!

JOEL 3:2

Aku re nguruk sopŭrŭg bangsa ka taban ngara ka Rubān Bisara. Diginŭ Aku re nggen bisara di ngara amai sopŭrŭg kayuh adi ngara mbŭh ndai di daya Ku. Ngara ko mesak bara daya Israel ka rais tami ka bikutung tana Israel, tana adi Aku dapu.

MICAH 4:12

Pak bangsa bangsa anŭ dŭh puan ani darŭm pikir TUHAN. Ngara dŭh rada adŭp ngara mbŭh dog nguruk keya ka gandom dog taban ka yŭn-i dog ngiik.

ZEPHANIAH 3:8

“Kajŭn adŭ,” TUHAN nang, “Kajŭn andu anŭ adi ngga Aku makat ka nyarah bangsa bangsa. Aku mbŭh ndai pikir Ku an nguruk bangsa bangsa ngga pritah pritah, isa Aku bisa bada ngara kinyam bisā baji Ku. Ndi ong ong re dog pirabur ngga apui baji Ku.

2 THESSALONICA 1:7

Ayŭh re nggen saduh di angān adi dog pijera, ka di kieh ani. Ayŭh re ndai simŭnŭ kan Tuhan Jesus nandŭng so shorga ngga bara malaikat-I adi bikuasa,

PINANDŬNG 19:14

Bara soldadu shorga tunda Ayŭh, nunggang kuda kuda buda ka nēn banang linen adi buda bisig.