TUHAN nyirais nggen ukum di bara soldadu-I. Tibaran soldadu adi tunda pinganang-I inŭh bagŭ buang bake. Munki masam sipŭ-i andu TUHAN! Mating daya re tan.
Andu anŭ re karŭm buang pajam andu anŭ singŭt ka kruman Bara tibaran kadis masang mun karŭm nutu darŭd. Gi-mating kayuh mun anŭ, ka re mating mun anŭ dinge.
TUHAN Bisa-pŭrŭg nang, “Andu re mandŭg adi ngga sopŭrŭg daya adi sambuh ngga adi arap re dog badang keya ka siriyang dog badang. Di andu anŭ ngara re abo dog badang, ndŭg ka mating ani ani dŭm so ngara.
“Dŭh tui ripas pinyusah di tipuh anŭ, batŭh andu re marui jadi karŭm, buran re dŭh tia nyekar, bitang bitang re rabu so rangit, ka kuasa di rangit re bigugoh.
“Re agi kayuh saruh jadi di batŭh andu, di buran, ka di bitang. Sopŭrŭg bangsa di ndi ong ong re taru da jawŭn girumbang ka passang bās, ka ngara dŭh puan ani re ngara ndai.
Komŭnŭ malaikat adi numbor pat mambak trompet-i. Ndi utung darŭm taruh so batŭh andu, buran, bitang bitang dog maka, ka rasu manyap ndi utung darŭm taruh so jawa-i; ndi utung darŭm taruh so sandu ngga singarŭm manyap gŭh jawa-i.