JOEL 2:28 - Hakcipta - Biatah Bidayuh

²⁸ “Muko anŭ, Aku re ren Roh Ku di barang naan daya: anak anak dari ngan ngga anak anak dayung ngan re piagah Agah Ku; bara nyamba ngan re nyipŭmŭh, ka bara pimara ngan re kiris kayuh keya ka darŭm pŭmŭh.

JOEL 2:28 ပူးပေါင်းရင်းမြစ်များ

PITAS 1:23

Dingah kan aku nyara ngajar angān; aku re nggen di angān pinyitayan adi kana ka samah pinyipuan ku ngga angān.

ISAIAH 32:15

Pak dŭm ndi sidah dinge Tapa re mandŭg ngga kuasa-I. Tana adi matung re damŭn, ka tana ŭmŭh re piruah bagŭ buwa pimuruh.

ISAIAH 40:5

Komŭnŭ bragah TUHAN re dog pinandŭng, ka sopŭrŭg manusia re kiris-i. Adŭp TUHAN mbŭh bijanji kayuh anŭ.”

ISAIAH 44:3

“Aku re nggen piin di tana adi badŭh ka bada anak anak sungi aman di tarun adi badŭh. Aku re ren roh Ku di anak anak mu ka berkat Ku di tunduh bara sesang mu.

ISAIAH 49:26

Aku re bada bara adi kinanyuh angān bisiŭ dupan adŭp ngara; ngara re mabuk ngga deya adŭp ngara keya ka mabuk wain. Ngara re puan nang Aku ati Tapa Israel, Tapa adi bikuasa.”

ISAIAH 49:6

TUHAN nang di aku, “Aku biyŭn kraja adi rabis bās yŭn mu, urun Ku. Dŭh-i kuu re bada pari bās adŭ daya Israel adi babŭ udip, pak Aku re bada kuu jadi jawa ani yŭn bangsa bangsa; isa sopŭrŭg daya di ong dapŭd dog nyiramat.”

ISAIAH 54:13

“Adŭp Ku re ngajar daya mu, ka nggen di ngara udip mujur ngga damai.

JEREMIAH 23:25

Aku puan kayuh adi bara nabi anŭ mbŭh nang, adi minyu kadong ngga adŭn Ku ka kidaan di daya nang Aku mbŭh nggen pinganang Ku di ngara darŭm pŭmŭh.

JEREMIAH 23:28

Nabi adi ko nyipŭmŭh patut nang anŭ kaŭs-i pŭmŭh adŭ, pak nabi adi mbŭh dingah pinganang Ku patut piagah pinganang Ku anŭ ngga atin tŭtŭd. Ani kana siriyang kambŭi danding ngga gandom?

EZEKIEL 36:27

Aku re na roh Ku di angān ka re bada angān dŭh siŭn dŭh tunda ukum ukum-adat Ku ka sita sopŭrŭg pesan adi Aku mbŭh nggen di angān.

EZEKIEL 37:14

Aku re na asŭng Ku darŭm ngara, bada ngara pari udip, ka bada ngara udip di tarun tana adŭp ngara. Komŭnŭ ngara re puan nang Aku ati TUHAN. Aku bijanji Aku re ndai simŭnŭ — ka Aku sawŭ re ndai-i. Aku, adi TUHAN, mbŭh minyu.”

EZEKIEL 39:29

Aku re ren roh Ku di daya Israel ka dŭh re tia tagan ngara. Aku, adi TUHAN Raja, mbŭh minyu.”

DANIEL 7:1

Di sawa adi sibungas-i kan Belshazzar jadi raja di Babylon, aku agi nyipŭmŭh singarŭm ka kiris kayuh. Aku nuris pŭmŭh anŭ, ka ati inŭh kayuh adi aku kiris

ZECHARIAH 12:10

“Aku re nggen di sesang sesang David ngga di daya Jerusalem atin adi masi ngga atin adi gagā bidua. Ngara re tingga sianŭ adi ngara mbŭh tabŭk ndŭg ka kabŭs, ka ngara re ngurid-i mun ngurid anak tambŭ adŭp ngara. Ngara re bandar bandar ngurid, mun daya ngurid anak pinuai dari.

PINYIKIANG 11:17

Aku re mūn ka minyu ngga kuu diginŭ, ka Aku re tambit kada roh adi Aku ko nggen di kuu ka nggen-i di ngara. Simŭnŭ ngara re bisa turung kuu di pinanggong mu di bara daya ati; simŭnŭ kuu dŭh re tia gŭrŭng-i sadi adŭp mu.

PINYIKIANG 12:6

ka TUHAN nang, “Dingah kayuh adi re Ku nang! Kan bara nabi agi di ruang ngan, Aku pinandŭng adŭp Ku di ngara keya ka darŭm pŭmŭh ka minyu ngga ngara darŭm pŭmŭh.

LUKE 1:67

Sama John, Zechariah, dog nguasa Roh Kudus, kidaan di daya agah so Tapa:

LUKE 3:6

Sopŭrŭg daya re kiris Tapa nyiramat manusia!’ ”

JOHN 7:39

Jesus nang sakanŭ pasar Roh Kudus, adi ngara adi sabah di Ayŭh re kambat. Di Tipuh anŭ, Roh Kudus gibayuh dog nggen, sabab Jesus gibayuh dog paad ka darŭm bragah.

PINGANDAI 2:33

Ayŭh mbŭh dog pakat da guru di yŭn adi bikuasa tura ka tauh Tapa adi Sama-I, ka mbŭh kambat Roh Kudus so Ayŭh, nimun adi-I ko bijanji an nggen. Anŭ adi angān kiris ka dingah madin inŭh pinganggen-I adi-I ren di tunduh kieh.

PINGANDAI 2:39

Amai janji Tapa mbŭh dog ndai di angān samŭn di anak ngan, ka di sopŭrŭg adi rŭŭ di tarun jo; sopŭrŭg, adi Tuhan Tapa ta ko bagan ka adŭp-I.”

PINGANDAI 21:9

Ayŭh biyŭn pat madis anak dayung adi bayuh banan, adi piagah agah so Tapa.

GALATIA 3:28

Mbŭh mating katŭn-i daya bangsa Jahudi ngga daya adi dŭh bangsa Jahudi, urun bait adi dŭh urun, dari bait dayung; sopŭrŭg ngan mbŭh ndi amai Kristus Jesus.

HEBREW 1:1

Jah-i Tapa ko siraru minyu di tayung-babuk ta darŭm bagŭ masam gaya so baba bara nabi,

1 SAMUEL 19:20

jadi ayŭh pait kada daya bada nakap ayŭh. Ngara kiris tibaran nabi bitanda buang nyirais, ayō Samuel adi pinguru ngara. Komŭnŭ roh Tapa nguasa daya Saul, ka ngara piguru sua bitanda ka nyirais.

1 SAMUEL 19:21

Kan Saul dingah kayuh anŭ, ayŭh pait bagŭ dinge pinyisung, ka ngara gŭh piguru bitanda ka nyirais. Ayŭh pait bara pinyisung, adi pitaruh saba, ka simŭnŭ gŭh kayuh jadi di ngara.

1 SAMUEL 28:6

ka ayŭh rasu siken TUHAN ani re-i ndai. Pak TUHAN taŭn dŭh adŭ nam ayŭh, bait-i pakai pŭmŭh, puan kah pakai Urim ngga Thummim, puan kah so baba nabi.