JOEL 2:26 - Hakcipta - Biatah Bidayuh

²⁶ Madin angān re biyŭn bagŭ kayuh man, ndŭg ka bisoh. Angān re muji TUHAN adi Tapa ngan, adi mbŭh ndai pingandai saruh yŭn ngan. Daya Ku dŭh re tia dog ngamun.

JOEL 2:26 ပူးပေါင်းရင်းမြစ်များ

TIBIRIK 33:11

Turung trima pinganggen ku adi aku mbŭh taban ka kuu. Tapa mbŭh raru mandis ngga aku ka mbŭh nggen di aku sopŭrŭg adi aku biguna.” Jacob darah ngasu ayŭh ndŭg ka ayŭh trima adŭ.

NEHEMIAH 9:25

Daya Mai sirabut kupo kupo adi bikuta, tana adi damŭn, ramin ramin adi puno ngga rata, prigi prigi adi ko dog kareh, tŭngŭn kanā, tŭngŭn kayuh, ka teya anggor. Ngara man sopŭrŭg anŭ adi ngara raan ka mbŭh bitambah gamu; ngara udip sanang ngga sopŭrŭg kayuh adi Kaam mbŭh nggen di ngara,

MAZMUR 103:5

Ayŭh ngisi pimudip ku ngga kayuh kana, isa aku babŭ mara ka bake mun beuh.

MAZMUR 116:7

Tanang meh, atin ku, sabab TUHAN mbŭh kana ngga aku.

MAZMUR 13:6

Aku re biragu ka Kaam, O TUHAN, sabab Kaam mbŭh kana ngga aku.

MAZMUR 22:26

Daya sirata re man sikiang kiang ngara raan; ngara adi mandŭg ka TUHAN re muji Ayŭh. Isa-i ngara mujur adu adu!

MAZMUR 37:19

Ngara dŭh re sangsara di tika susah; ngara re biyŭn sukup di tipuh apag.

MAZMUR 67:5

Isa-i bangsa bangsa muji Kaam, O Tapa; isa-i sopŭrŭg bangsa muji Kaam!

MAZMUR 72:18

Muji meh TUHAN, adi Tapa Israel! Ayŭh sadi adŭ adi ndai pingandai bās ati.

PITAS 13:25

Daya tŭnggŭn biyŭn sukup pinguman, pak daya ginaka ari sibŭrŭk.

RAGU 5:1

Pingaten dayung ku adi aku siŭt, aku mbŭh mŭrŭt ka darŭm teya ku. Aku nguruk rapah ngga myrrh ku; aku man ju banyis ngga mara banyis ku; aku nok wain ngga sisuh ku. Man, angān adi biawang, ka nok ndŭg ka angān mabuk ngga pinyiawang!

ISAIAH 25:1

TUHAN Kaam Tapa ku; Aku re kibās Kaam ka muji adŭn Mai. Kaam mbŭh ndai pingandai bās; Kaam mbŭh ngatur kayuh so jah ka mbŭh pijadi-i ngga atin tŭtŭd.

ISAIAH 29:22

Jadi madin TUHAN, adi Tapa Israel, adi nyiramat Abraham so dog pinyusah, nang, “Daya Ku, angān dŭh re dog pimangŭh tia, ka jawin ngan re dŭh tia pusat amai mangŭh.

ISAIAH 45:17

Pak Israel dog nyiramat TUHAN, ka pimanang-i tan adu adu; daya-I re dŭh dog pimangŭh.’ ”

ISAIAH 49:23

Raja raja re keya ka sama di angān; rani rani re keya ka sindŭ. Ngara re mutu ubak ngara ka stabi di angān; ngara re pirapat adŭp ngara buang kiren stabi di angān. Ka angān re puan nang Aku ati TUHAN; mating daya adi kajŭn pinurung so Aku re asa.”

ISAIAH 54:4

Dŭhnyah taru, kuu re dŭh dog pimangŭh dinge; kuu re dŭh dog ngamun. Kuu re kambŭt pimudip mu adi dŭh tŭtŭd di tika kuu babŭ mara, ka udip maput mu jadi dayung uban.

ISAIAH 55:2

Mani miris kayuh adi dŭh pimunos asŭng? Mani nyiraja yŭn kayuh adi dŭh bada nŭŭh bisoh? Dingah Aku ka ndai kayuh adi Aku bada, ka angān re munos man pinguman adi siabo sidi.

LEVITICUS 25:19

Tana anŭ re piruah buwa buwa pimuruh, ka angān re biyŭn sopŭrŭg adi angān raan man ka re udip ngga siramat.

LEVITICUS 26:26

Aku re ngurang pinguman ngan, isa simŭng naan dayung re samah pakai ndi oven-tana ngga ndai ruti adi ngara biyŭn. Ngara re kutung ruti anŭ, ka kan-i mbŭh abo man ngan, angān re babŭ sibŭrŭk.

LEVITICUS 26:5

Buwa buwa pimuruh ngan re ruai pisŭng ndŭg ka angān re gibabŭ ngatŭm gandom kan-i mbŭh tika ngga sun buwa anggor, ka angān re gibabŭ sun buwa anggor kan-i mbŭh tika purun gandom. Angān re biyŭn sopŭrŭg anŭ adi angān raan man, ka angān re rŭŭ ngga siramat di tarun tana ngan.

MICAH 6:14

Angān re man, pak re dŭh bisoh; sawŭ angān re babŭ sibŭrŭk. Angān re sirapas kayuh, pak angān re dŭh dapŭd bada-i pagŭng. Kayuh adi angān nyikŭn Aku re pirusak darŭm perang.

ZEPHANIAH 3:11

Di tika anŭ angān, adi daya Ku, re dŭhsah tia mangŭh ngarun adŭp ngan ko rawan Aku. Aku re kadi daya adi sambuh buang gambung, ka angān re dŭh tia rawan Aku di sandah kudus Ku.

ZECHARIAH 9:15

TUHAN Bisa-pŭrŭg re grindung daya-I, ka ngara re pirabur pinganyu ngara. Ngara re nyirais darŭm perang mun daya mabuk ka re piruah deya pinganyu ngara; deya anŭ re aman mun deya sadis dog ren di tunduh mija-sambah so makuk.

ZECHARIAH 9:17

Munki masam kana ka ramus rais anŭ re! Ngara adi mara re bitambah bake bada gandom ngga wain-i.

ROME 10:11

Surat-kudus nang, “Asi asi adi sabah di Ayŭh dŭh re asa.”

ROME 5:5

Pingarap anŭ dŭh re bada ata asa, amai Tapa, ngga Roh Kudus adi pinganggen-I di ata, mbŭh ren darŭm atin ta pinyirindu-I.

ROME 9:33

sak adi ko dog nyabŭt darŭm Surat-kudus: “Tingga, Aku na di Zion batuh adi re bada daya sikak, batuh adi re bada ngara rabu. Pak asi asi adi sabah di Ayŭh dŭh re asa.”

DITRONOMI 11:15

ka kupai yŭn dāng kudip ngan. Angān re biyŭn sikiang kiang pinguman adi raan ngan.

DITRONOMI 12:12

Gaŭn meh diginŭ di sirung jawin-I, samah ngga bara anak ngan, daya-gaji ngan, ngga bara daya Levi adi rŭŭ di kupo kupo ngan; ingat nŭh bara daya Levi dŭh re biyŭn tana adi tah tung adŭp ngara.

DITRONOMI 12:18

Angān ngga bara anak ngan, samah ngga bara daya-gaji ngan ngga bara daya Levi adi rŭŭ di kupo kupo ngan, siŭn man dudu sadis anŭ adŭ-i di sirung jawin TUHAN adi Tapa ngan di tarun yŭn anŭ adi ndi adŭ yŭn bisambah adi dog mien adŭp TUHAN adi Tapa ngan. Ka angān patut gaŭn diginŭ amai sopŭrŭg kayuh adi angān muko ndai.

DITRONOMI 12:7

Diginŭ, di sirung jawin TUHAN adi Tapa ngan, adi mbŭh nyiberkat angān, angān ngga rawang rawang ngan re man ka angan kayuh kana adi angān dapŭd so kraja ngan.

DITRONOMI 8:10

Angān re biyŭn sopŭrŭg adi raan ngan man, ka angān re nggen trima kaseh ka TUHAN adi Tapa ngan amai tana damŭn anŭ adi Ayŭh mbŭh nggen di angān.

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

1 JOHN 2:28

Sawŭ, bara anak ku, angān bijijŭ meh darŭm udip ndi ngga Ayŭh, isa di andu Ayŭh nandŭng, ata re pus ka dŭh sukan adŭp ta darŭm mangŭh so Ayŭh di Andu Ayŭh mandŭg.