JOEL 2:23 - Hakcipta - Biatah Bidayuh

²³ “Gaŭn angān, daya Zion, gaŭn meh angān amai kayuh adi TUHAN adi Tapa ngan mbŭh ndai yŭn ngan. Ayŭh mbŭh nggen di angān sukup ujen di tipuh jaya; Ayŭh mbŭh ren ujen tipuh madud ka ujen tipuh bunga mun dawŭ-i yŭn ngan.

JOEL 2:23 ပူးပေါင်းရင်းမြစ်များ

1 RAJA 8:36

dingah ngara so shorga. Apun dosa raja ka dosa daya Israel. Ngajar ngara bada ndai kayuh di batur. Komŭnŭ, O TUHAN, pait ujen di tarun tana Mai ati, adi Kaam mbŭh nggen di daya Mai ndu bisaka.

JOB 33:23

Kadŭ-i ndi naan malaikat re turung ngara, ndi so biribu ribu naan malaikat Tapa, adi kidaan bada ata ingat kayuh adi patut ata ndai.

JOB 37:13

Tapa pait ujen bada misa tana; Ayŭh bisa pait-i ngga ngukum ata, puan kah ngga ndai kana di ata.

MAZMUR 104:34

Isa-i Ayŭh munos asŭng di ragu ku, amai Ayŭh inŭh adi bada aku gaŭn.

MAZMUR 147:8

Ayŭh mamad abun di rangit; Ayŭh nggen ujen di ong ka bada kupai timbu di sandah.

MAZMUR 149:2

Gaŭn, Israel, sabab Pinapa ngan; pawŭn, daya Zion, sabab raja ngan!

MAZMUR 28:7

TUHAN grindung ka ngibān aku; aku sabah di Ayŭh. Ayŭh turung aku ka bada aku gaŭn; aku muji Ayŭh ngga ragu gaŭn.

MAZMUR 32:11

Angān adi tŭnggŭn, jadi gaŭn ka pawŭn sabab kayuh adi TUHAN mbŭh ndai. Angān adi tunda pinganang-I, nyirais ngga gaŭn!

MAZMUR 84:6

Darŭm ngara kadŭg rubān Baca adi badŭh, tarun anŭ jadi yŭn bagŭ rubang piin; ujen di tipuh jaya ngisi pagong pagong-i.

PITAS 16:15

Jawin raja adi nyirinyak ngga pinyigaŭn inŭh keya ka abun adi taban ujen di tipuh bunga; udip sanang agi diginŭ.

ISAIAH 30:21

Kambŭi angān miriseu so aran di ka tauh puan kah di ka bait, angān re dingah sirŭŭn-I di punok ngan nang, “Ta digiti aran. Kadŭg-i.”

ISAIAH 30:23

Kan angān nabur bine, TUHAN re nggen ujen isa-i timbu ka buān bagŭ buwa, ka yŭn dāng kudip ngan re bagŭ tarun tana kupai.

ISAIAH 41:16

Angān re napan sopŭrŭg-i. ka sabak re taban-i ngga bu, ka-i re mingare bada sabak ribut. Komŭnŭ angān re gaŭn amai Aku ati Tapa ngan; angān re muji Aku, Tapa kudus Israel.

ISAIAH 61:10

Jerusalem gaŭn sabab kayuh adi TUHAN mbŭh ndai. ayŭh mbŭh keya ka pingaten dayung adi muko bisasat yŭn re sawan. Tapa mbŭh kibarui ayŭh ngga pinyiramat ka pimanang.

JEREMIAH 3:3

Anŭ meh sabab andu dŭh ujen, ka ujen di tipuh bunga dŭh mandŭg. Kuu tanŭ ka mbŭh mun dayung sundar; dŭh biyŭn mangŭh.

JEREMIAH 5:24

Angān bŭn bipikir re an stabi di Aku, sunggu Aku adi nggen ujen di tipuh jaya ngga ujen di tipuh bunga, ka nggen di angān tipuh ngatŭm barang sawa.

PUĀS 4:2

Dari dari adi mara dawŭ-i di kupo Zion ko raru brega di ata keya ka mas, pak madin daya nyirundeng ngara keya ka priok saja adi dog ndai so tana-riyat.

EZEKIEL 34:26

“Aku re nyiberkat ngara ka bada ngara udip maning sandah kudus Ku. Diginŭ Aku re nyiberkat ngara ngga ujen kan ngara biguna dieh.

HOSEA 6:3

Ja ata suba puan TUHAN. Ayŭh re sawŭ mandŭg ka ata nimun batŭh andu sawŭ re makat, nimun ujen adi misa tana sawŭ re mandŭg di tipuh bunga.”

LEVITICUS 26:4

Aku re pait ujen ka angān di tipuh-i adi batur, isa tana piruah buwa buwa pimuruh ka tŭngŭn tŭngŭn kayuh buān.

AMOS 4:7

Aku bitan ujen kan pimuruh ngan raru biguna di piin. Aku nggen ujen di ndi kupo, pak dŭh di kupo adi bŭkŭn. Ujen rabu di ndi ŭmŭh, pak ŭmŭh adi bŭkŭn badŭh.

ZECHARIAH 10:1

Mite TUHAN nggen ujen di tipuh bunga. TUHAN inŭh adi bada kruman mandŭg taban ujen ndŭg ka tana jadi barŭm yŭn barang naan daya.

ZECHARIAH 10:7

Daya Israel re bake mun soldadu, gaŭn mun daya adi mbŭh nok wain. Sesang ngara re ingat pimanang ati ka re gaŭn sabab kayuh adi TUHAN mbŭh ndai.

ZECHARIAH 9:13

Aku re pakai Judah keya ka bawŭh soldadu ka Israel keya ka reja-panah. Aku re pakai daya Zion keya ka pedang, ngga rawan daya Greece.”

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

PINGANDAI 14:17

Pak Ayŭh mbŭh siraru kiren adŭp-I sawŭ agi so ka kraja kana adi-I ndai: mun nggen ujen so rangit ka buwa buwa di tika jajak di angān; Ayŭh nggen di angān pinguman ka bada atin ngan gaŭn.”

DITRONOMI 11:14

Kambŭi angān ndai simŭnŭ, Ayŭh re pait ujen ka tarun tana ngan di tipuh ujen dog biguna, di tipuh jaya ngga di tipuh bunga, isa gandom, wain, ngga inyo kanā, agi yŭn guna ngan,

DITRONOMI 28:12

Ayŭh re pait ujen di tipuh-i so yŭn pinyirikŭn-I di rangit ka nyiberkat sopŭrŭg kraja pingandai ngan, isa angān dapŭd nginjam ka bagŭ bangsa, pak angān dŭhsah nginjam so tadŭ tadŭ ngara.

DITRONOMI 32:2

Ajar ku re rabu mun sirah ujen ka jadi keya ka sipot-abun di tunduh tana. Pinganang ku re rabu mun ujen di tunduh anak anak kayuh-udip, mun ujen adi duduh di tunduh kupai adi dŭdŭt.

PHILIPPI 3:1

Sikasŭn-i, bara dingan ku, gaŭn meh darŭm angān udip ndi ngga Tuhan. Dŭh mani aku pari nang kayuh adi aku ko nuris ka angān dawŭ-i, amai kayuh anŭ taŭn-i yŭn kana adŭp ngan.

PHILIPPI 3:3

Dŭh-i ngara pak ata, adi mbŭh kambat sunat adi sawŭ, amai ngga pinurung Roh-I ata nyambah Tapa ka gaŭn darŭm ata udip ndi ngga Kristus Jesus. Ata dŭh bisangan di adat pŭrŭng.

PHILIPPI 4:4

Isa-i angān siraru gaŭn darŭm angān udip ndi ngga Tuhan. Aku nang dinge: gaŭn meh!