JOEL 2:22 - Hakcipta - Biatah Bidayuh

²² Dāng, dŭhnyah taru. Kupai agi barŭm; tŭngŭn kayuh buān buwa-i, ka mbŭh bagŭ buwa ara ngga buwa anggor.

JOEL 2:22 ပူးပေါင်းရင်းမြစ်များ

TIBIRIK 4:12

Kan kuu birŭmŭh bait biteya, tana dŭh re bada kayuh adi purun mu timbu. Pinyirŭŭ mu dŭh re bituku, ka re bigandon di ndi abong tarun.”

MAZMUR 36:6

Pinŭnggŭn Mai tagap keya ka darŭd; ka pinyitŭnggŭn Mai keya ka pinyitŭrŭp rawŭt. Kaam kingat manusia ngga dāng.

MAZMUR 65:12

Tarun tana kupai puno ngga dāng kudip; bŭngŭn sandah puno ngga gaŭn.

MAZMUR 65:13

Ŭmŭh biyŭn dudu biri dieh; rubān puno ngga gandom. Barang masam kayuh nyirais ka biragu darŭm pawŭn.

MAZMUR 67:6

Tana mbŭh piruah buwa pingatŭm-i; Tapa, Tapa ta, mbŭh nyiberkat ata.

ISAIAH 51:3

“Aku re kiren masi di Jerusalem, di sopŭrŭg adi rŭŭ di tibawang-i. Sunggu tarun tana-i tarun tana-sumat, Aku re bada-i jadi teya, mun teya adi Aku ndai di Eden. Gaŭn ngga pawŭn re agi diginŭ, ngga ragu puji ngga ragu trima kaseh yŭn Ku.

EZEKIEL 36:30

Aku re nambah buwa buwa pimuruh ngan ka buwa buwa tana ngan, isa mating tia apag pimangŭh angān di dupan bangsa bangsa.

EZEKIEL 36:35

Barang naan daya re nang munki tana anŭ, adi muko jadi tarun tana-pajam, mbŭh jadi Teya Eden, ka munki kupo kupo adi muko rubuh, dog mirupak, ka jadi tibawang, madin mbŭh brisi ngga daya ka mbŭh bikuta.

EZEKIEL 36:8

Pak tŭngŭn tŭngŭn kayuh di darŭd darŭd Israel re pari pidawŭn ka buān yŭn ngan, daya Ku Israel. Angān re rikas mari.

JONAH 4:11

Rabis meh dinge, Aku patut masi di Nineveh, kupo bās anŭ. Kupo anŭ biyŭn rabis so 120,000 naan anak-sŭ adi dŭh biyŭn sarah, ka simŭnŭ gŭh dāng dāng!”

HAGGAI 2:16

angān di ka tugung gandom ka pikir adŭp ngan re dapŭd duwŭh ratus kilogram, pak diginŭ kaŭs-i siratus adŭ. Angān di nyauk siratus lita wain so tong wain, pak dapŭd pat puru lita adŭ.

ZECHARIAH 8:12

Ngara re purun bine darŭm damai. Tŭngŭn anggor ngara re buān, tana re piruah buwa pimuruh, ka re agi ujen. Aku re nggen sopŭrŭg berkat ati di daya so bangsa Ku adi babŭ udip.

1 CORINTH 3:7

Sianŭ adi purun ngga sianŭ adi nyijuh dŭh inŭh biguna. Tapa inŭh biguna, sabab Ayŭh bada kayuh timbu.