JOEL 2:19 - Hakcipta - Biatah Bidayuh

¹⁹ Ayŭh nam ngara: “Madin Aku re nggen di angān gandom ngga wain samŭn inyo kanā, ka angān re bisoh. Bangsa bangsa bŭkŭn re dŭh tia ngamun angān.

JOEL 2:19 ပူးပေါင်းရင်းမြစ်များ

JEREMIAH 31:12

Ngara re mandŭg ka biragu ngga gaŭn di Sandah Zion angan pinganggen so Aku — pinganggen gandom ka wain ka inyo kanā, pinganggen biri ngga sapi sapi. Ngara re keya ka teya adi biyŭn sukup piin; ngara re biyŭn sopŭrŭg kayuh adi ngara biguna.

EZEKIEL 34:29

Aku re nggen di ngara tarun tana adi damŭn ka pirŭŭ udip sikirau di tarun tana anŭ. Bangsa bangsa bŭkŭn re dŭh tia ngamun ngara.

EZEKIEL 36:15

Tarun tana ati re dŭh tia dingah bangsa bangsa ngamun adŭp-i bait kiris daya nyirimbe adŭp-i. Tarun tana ati re dŭh tia kinanyap daya adi rŭŭ darŭm adŭp-i. Aku, adi TUHAN Raja, mbŭh minyu.”

EZEKIEL 36:29

Aku re nyiramat angān so sopŭrŭg kayuh adi nyembar angān. Aku re nggen ukum bada gandom jadi bagŭ, isa angān dŭh tia dog apag.

EZEKIEL 36:30

Aku re nambah buwa buwa pimuruh ngan ka buwa buwa tana ngan, isa mating tia apag pimangŭh angān di dupan bangsa bangsa.

EZEKIEL 39:29

Aku re ren roh Ku di daya Israel ka dŭh re tia tagan ngara. Aku, adi TUHAN Raja, mbŭh minyu.”

HOSEA 2:15

Aku re nggen pari teya anggor-i ka bada Rubān Pinyusah jadi tiban pingarap. Ayŭh re pari ka Aku diginŭ nimun adŭp-i adi gi-mara dawŭ-i, di tika ayŭh mandŭg so Egypt.

HOSEA 2:21

Di tika anŭ Aku re nam dua dua daya Ku Israel. Aku re bada ujen rabu di ong, ka ong re piruah gandom ngga anggor ka inyo kanā.

JOEL 1:10

Tana mbŭh mating pimuruh dieh; tana muās sabab gandom mbŭh dog pirusak, buwa anggor mbŭh pisŭk, ka tŭngŭn kanā mbŭh rayu.

JOEL 2:24

Tarun yŭn ngiik re puno ngga gandom; parit adi sindŭk yŭn mŭ buwa anggor re puno ngga wain ka inyo kanā ndŭg ka babas.

LEVITICUS 26:5

Buwa buwa pimuruh ngan re ruai pisŭng ndŭg ka angān re gibabŭ ngatŭm gandom kan-i mbŭh tika ngga sun buwa anggor, ka angān re gibabŭ sun buwa anggor kan-i mbŭh tika purun gandom. Angān re biyŭn sopŭrŭg anŭ adi angān raan man, ka angān re rŭŭ ngga siramat di tarun tana ngan.

ZECHARIAH 8:12

Ngara re purun bine darŭm damai. Tŭngŭn anggor ngara re buān, tana re piruah buwa pimuruh, ka re agi ujen. Aku re nggen sopŭrŭg berkat ati di daya so bangsa Ku adi babŭ udip.

MATTHEW 6:33

Pak mbit bat di Pinyipritah Tapa ka ndai pinyiraan-I, ka Ayŭh re nggen di angān sopŭrŭg kayuh anŭ.

DITRONOMI 11:14

Kambŭi angān ndai simŭnŭ, Ayŭh re pait ujen ka tarun tana ngan di tipuh ujen dog biguna, di tipuh jaya ngga di tipuh bunga, isa gandom, wain, ngga inyo kanā, agi yŭn guna ngan,

RUTH 1:6

Mua tian ripas anŭ, Naomi dingah TUHAN mbŭh nyiberkat daya-I ngga bagŭ buwa pimuruh adi kana. Jadi Naomi makat ka bipisŭn yŭn re bu so Moab ngga iban dayung-i adi duwŭh naan.