JOEL 2:12 - Hakcipta - Biatah Bidayuh

¹² “Pak dŭh-i rambat,” nang TUHAN, “yŭn ngan marik pimudip ngan pari ka Aku ngga siabo asŭng ngan ngga bipusa, sien ka muās.

JOEL 2:12 ပူးပေါင်းရင်းမြစ်များ

2 SAMUEL 24:10

Pak ripas David muko ndai pimirang anŭ, pikir-kira atin-i nyirisut ayŭh, ka ayŭh nang di TUHAN, “Aku mbŭh raru bidosa darŭm aku ndai simŭnŭ! Turung apun aku. Aku mbŭh ndai kayuh adi raru budo.”

2 KRONIKEL 30:6

Bara pinyisung matak so ka pinyibada raja ngga bara pinurung-i ka ndi tarun tana Judah ngga Israel ngga pinganang bagan: “Daya Israel, angān mbŭh siramat so serang daya Assyria. Pari meh madin ka TUHAN, adi Tapa Abraham, Isaac, ka Jacob, ka Ayŭh re pari ka angān.

2 KRONIKEL 6:27

O TUHAN, dingah ngara so shorga ka apun dosa bara urun Mai, adi daya Israel, ka ngajar ngara bada ndai kayuh adi batur. Komŭnŭ nggen ujen di tarun tana Mai ati, adi Kaam mbŭh nggen di daya Mai ndu bisaka.

ESTHER 4:16

“Panu di bada sopŭrŭg daya Jahudi tikuruk di Susa. Bada ngara bipusa ka bidua yŭn ku. Dŭhnyah man bait nok tadŭ tadŭ kayuh sitŭkŭd taruh andu taruh ngarŭm. Bara dayung ku adi mara ngga adŭp ku re ndai simŭnŭ gŭh. Ripas anŭ, aku re di ka yŭn raja, sunggu-i miranggar ukum-adat aku ndai simŭnŭ. Kambŭi aku patut kabŭs amai aku ndai simŭnŭ, isa-i aku kabŭs.”

PINYIRUAH 33:5

Amai TUHAN mbŭh pesan Moses da kidaan di ngara, “Angān daya adi baking. Kambŭi Aku panu ngga angān tatu Aku re pirabur angān. Kadi so adŭp ngan mas pirak ngan, ka Aku re natu simuki Aku re ngga angān.”

ISAIAH 22:12

Di tika anŭ TUHAN Raja Bisa-pŭrŭg bagan angān bada sien ka muās, bada angān nundo ubak ngan ka nēn banang guni.

ISAIAH 58:4

Pusa ngan bada angān ganas, ka angān bikaii ka birawan. Angān pikir bipusa adi mun anŭ re bada Aku dingah dua ngan kah?

JEREMIAH 3:22

Pari, sopŭrŭg ngan adi mbŭh bu tagan TUHAN; Ayŭh re pibua angān ka bada angān tŭtŭd. Angān nang, “Sawŭ, kieh pari ka TUHAN, sabab Ayŭh inŭh Tapa ami.

JEREMIAH 36:7

Kadŭ ngara an bidua ka TUHAN ka pasan aran pimudip ngara adi arap anŭ, sabab TUHAN mbŭh pirawan daya-I ngga baji-I adi bisā ka riyŭn-I.”

JEREMIAH 4:1

TUHAN nang, “Daya Israel, kambŭi kuu raan pari, marik pimudip mu pari ka Aku. Kambŭi kuu tŭtŭd di Aku ka taran tibudo tibudo anŭ adi Aku tiru,

JEREMIAH 4:2

kuu bisa bipayu pakai adŭn Ku. Komŭnŭ sopŭrŭg bangsa re mite Aku nyiberkat ngara, ka ngara re muji Aku.”

EZEKIEL 33:11

Kidaan di ngara nang siragi Aku, adi TUHAN Raja, Tapa adi udip, Aku dŭh munos asŭng kiris daya adi bidosa kabŭs. Raan dŭ Aku kiris ngara ko bidosa ka udip. Israel, dŭh tia ndai dosa. Mani kuu raan kabŭs?

DANIEL 9:3

Aku bidua ngga siabo asŭng ku ka TUHAN Tapa, mite masi so Ayŭh, buang aku bipusa, nēn banang guni, ka guru di apŭk.

HOSEA 12:6

Ngapŭi meh, sesang Jacob, sabah di Tapa ngan ka pari ka Ayŭh. Udip meh ngga atin rindu ka tŭnggŭn, ka kajŭn Tapa ngan ngga atin tŭtŭd.

HOSEA 12:7

TUHAN nang, “Daya Israel dŭh jujur mun daya Canaan. Ngara suka nipu daya adi miris so ngara, pakai timbang adi dŭh batur.

HOSEA 14:1

Pari ka TUHAN adi Tapa ngan, daya Israel. Dosa ngan mbŭh bada angān sikak ka rabu.

HOSEA 6:1

Daya Israel nang, “Ja pari ka TUHAN! Ayŭh kinaman ata, pak Ayŭh tatu re pibua ata; Ayŭh bada ata tawan, pak Ayŭh tatu re marut tawan ta.

JOEL 1:13

Nēn banang guni ka muās, angān bara imam adi nyiraja di mija-sambah! Di mŭrŭt Ramin TUHAN ka muās ndi ngarŭm ngarŭm! Mating gandom puan kah wain re ngan jugan ka Tapa ngan.

ZECHARIAH 7:3

ka siken di imam imam ngga nabi nabi: “Patut kah kieh pijuu ngurid pinyirusag Ramin TUHAN, ngga bipusa darŭm buran rimŭh nimun adi mbŭh ami bisawa sawa ndai?”

ZECHARIAH 7:5

Ayŭh nang, “Kidaan di bara daya tarun tana rais ati ngga bara imam nang kan ngara bipusa ka ngurid darŭm buran rimŭh ngga buran ju darŭm tipuh ju puru sawa ati, dŭh-i ngga stabi di Aku.

MALACHI 1:9

Madin, angān bara imam, suba mite Tapa kana ngga ata. Ayŭh dŭh re nam dua ngan, ka anŭ mbŭh sarah adŭp ngan.

PINGANDAI 26:20

Sibungas-i di Damascus ka di Jerusalem ka komŭnŭ di ndi tarun tana rais Israel samŭn di dupan daya adi dŭh bangsa Jahudi, aku ngajar siŭn daya dŭh tia bidosa pak marik pimudip ngara pari ka Tapa, ka ndai anŭ adi kiren adŭp-i mbŭh udip nanyam ka pinyiraan Tapa.

AKIM 2:4

Kan malaikat anŭ muko nang sopŭrŭg kayuh anŭ, sopŭrŭg daya Israel rasu sien,

AKIM 20:26

Komŭnŭ sopŭrŭg daya Israel di ka Bethel ka muās diginŭ. Ngara tikuruk diginŭ di sirung jawin TUHAN, ka bipusa ndŭg singumi andu. Ngara jugan sadis bidingan ka mŭrŭng badang kada sadis di sirung jawin TUHAN.

1 SAMUEL 7:3

Samuel nang di daya Israel, “Kambŭi angān an pari ka TUHAN ngga siabo atin ngan, angān dŭh siŭn dŭh taran sopŭrŭg tapa saruh ngga gayŭn gayŭn tapa Astart. Nitah adŭp ngan ngga sipuno puno-i ka TUHAN ka nyambah Ayŭh sadi adŭ, ka Ayŭh re piruah angān so kuasa daya Philistine.”

1 SAMUEL 7:6

Jadi sopŭrŭg ngara tikuruk di Mizpah. Ngara pēn piin ka ren-i ndu sadis pinganggen ka TUHAN ka bipusa ndi andu andu anŭ. Ngara nang “Ata mbŭh bidosa rawan TUHAN.” (Mizpah inŭh tarun adi yŭn Samuel nyirase kaii daya Israel.)