JOEL 2:10 - Hakcipta - Biatah Bidayuh

¹⁰ Ong bigugoh darŭm ngara masang; rangit bigagar. Batŭh andu ngga buran jadi karŭm, ka dudu bitang mbŭh dŭh tia nyekar.

JOEL 2:10 ပူးပေါင်းရင်းမြစ်များ

MAZMUR 114:7

Bigagar meh, tana, kan TUHAN mandŭg, di sirung jawin Tapa Jacob,

MAZMUR 18:7

Komŭnŭ tana bigagar ka bigugoh; ka sigŭn darŭd gimŭgŭs ka biguyut, amai Tapa mbŭh baji.

ISAIAH 13:10

Barang bitang ngga barang uruk bitang re dŭh tia nyekar, batŭh andu re karŭm kan-i makat, ka buran re dŭh biyŭn jawa-i.

ISAIAH 34:4

Batŭh andu, buran, ka bitang bitang re asur jadi dabu. Rangit re miyap mun surat-barun dog marun, ka bitang bitang re rabu mun dawŭn ruruh so tŭngŭn anggor bait tŭngŭn ara.

ISAIAH 5:30

Kan andu anŭ mandŭg, ngara re ngāb bana sak jawŭn girumbang di rawŭt, darŭm ngara nyerang Israel. Tingga meh, ndi rais rais anŭ dog marut karŭm ngga pinyusah! Jawa dog tŭrŭn karŭm!

JEREMIAH 4:23

Aku tingga ong, ka mating ani ani dieh buang matung. Aku tingga rangit, ka mating sekar jawa dieh.

JOEL 2:2

Andu anŭ re karŭm buang pajam andu anŭ singŭt ka kruman Bara tibaran kadis masang mun karŭm nutu darŭd. Gi-mating kayuh mun anŭ, ka re mating mun anŭ dinge.

JOEL 2:31

Batŭh andu re karŭm, ka buran re marui bireh mun deya diŭ so andu TUHAN adi bisā ka adi sipŭ anŭ mandŭg.

JOEL 3:4

“Ani anŭ suba ngan ndai di Aku, Tyre, Sidon, ngga ndi tarun tana Philistia? Angān suba an maras dendam kah? Kambŭi anŭ kayuh raan ngan, Aku bisa rikas bayar angān!

AMOS 5:8

TUHAN ndai dudu bitang, Bitang Sikara ngga Bitang Pite Piranuk. Ayŭh bada karŭm jadi jawa andu, ka sandu jadi ngarŭm. Ayŭh bagan piin so rawŭt ka ren-i di ong, Adŭn-I inŭh TUHAN.

NAHUM 1:5

Darŭd darŭd bigagar di sirung jawin TUHAN; sandah sandah riris kan situra ngga Ayŭh. Ong bigugoh kan TUHAN nandŭng; ong ngga sopŭrŭg daya-i kimŭtŭr.

MATTHEW 24:29

“Dŭh tui ripas pinyusah di tipuh anŭ, batŭh andu re marui jadi karŭm, buran re dŭh tia nyekar, bitang bitang re rabu so rangit, ka kuasa di rangit re bigugoh.

MATTHEW 27:51

Komŭnŭ banang tabir adi di darŭm Ramin Tuhan tiratak nyinuwŭh so sambu ndŭg sagān-i. Tana bigugoh, batuh batuh butah,

PINGANDAI 2:20

batŭh andu re karŭm, ka buran re marui bireh mun deya, diŭ so Andu Tuhan mandŭg, andu anŭ adi bās ka bragah.

PINANDŬNG 20:11

Komŭnŭ aku kiris takta bās adi buda ngga sianŭ adi guru dieh. Ong ngga rangit babak bu so sirung jawin-I ka dŭh tia dog kiris.

PINANDŬNG 6:12

Ka aku kiris Anak Biri kuka patis adi numbor nŭm. Tana agi rasu bana bigugoh, batŭh andu jadi singŭt mun banang singŭt, buran marui bireh mun deya.

PINANDŬNG 8:12

Komŭnŭ malaikat adi numbor pat mambak trompet-i. Ndi utung darŭm taruh so batŭh andu, buran, bitang bitang dog maka, ka rasu manyap ndi utung darŭm taruh so jawa-i; ndi utung darŭm taruh so sandu ngga singarŭm manyap gŭh jawa-i.

PINANDŬNG 9:2

Bitang anŭ kuka rasan ong, ka asuh ruah so dieh mun asuh so tibande buwang apui. Ka batŭh andu samŭn au-tarun karŭm da-i.