13 Nēn banang guni ka muās, angān bara imam adi nyiraja di mija-sambah! Di mŭrŭt Ramin TUHAN ka muās ndi ngarŭm ngarŭm! Mating gandom puan kah wain re ngan jugan ka Tapa ngan.
Aku nang, “Aku ngurid darŭd ka muās tarun tana kupai, sabab ngara mbŭh badŭh pisŭk, ka mating daya panu mutas-i. Jawŭn dāng kudip mbŭh mating tia dog dingah; manuk ngga dāng tarun mbŭh bu ka mating tia.”
Nyikaong meh darŭm susah, manusia; pedang anŭ inŭh ngga rawan daya Ku ka ngga rawan bara pinguru Israel. Ngara re dog siŭ samŭn sopŭrŭg daya Ku adi bŭkŭn. Nupap sudo mu darŭm susah!
Bara imam, adi bituan di TUHAN di asah mija-sambah ngga tiban Ramin TUHAN, dŭh siŭn dŭh muās ka bidua: “Masi di daya Mai, TUHAN. Dŭhnyah bada bangsa bŭkŭn ngamun kieh ka tawŭh kieh buang ngara nang, ‘Diki Tapa ngan?’ ”
Sadis wain adi mbŭh dog ngŭtŭ an 2 lita ngga barang pŭrŭng dari sapi; 1 lita sitangah ngga ndi dari biri; 1 lita ngga barang pŭrŭng anak dari biri. Anŭ inŭh atur-adat yŭn sadis badang yŭn andu adi sibungas darŭm barang buran sitŭkŭd sawa.
Jugan anŭ ngga nambah sadis badang adi ari dog ndai di sibungas andu darŭm buran samah ngga sadis ruwang kayuh, ngga sadis badang adi dog ndai barang andu samah ngga sadis ruwang kayuh ngga sadis wain. Dudu sadis pinguman ati inŭh adi dagŭn-i pimunos asŭng TUHAN.
Tatu angān mbŭh puan nang daya adi nyiraja darŭm Ramin Tuhan dapŭd pinguman-i so Ramin Tuhan ka ngara adi jugan sadis di mija-sambah dapŭd jangi utung so sadis anŭ.
Ngara urun Kristus kah? Aku sak daya gira, pak aku ati urun adi kana dŭ so ngara! Aku agi bandar dŭ nyiraja, aku mbŭh siraru dŭ dog na darŭm jer, aku mbŭh siraru dŭ dog madŭs, ka mbŭh siraru dŭ dŭm tadŭ re kabŭs.
Ayŭh inŭh adi bada kieh tibirang jadi urun simanya bauh, simanya bauh adi dŭh mun ukum-adat adi dog nuris pak so ka Roh Kudus. Ukum-adat adi dog nuris taban pinyikabŭs, pak Roh Kudus nggen udip.