JOEL 1:12 - Hakcipta - Biatah Bidayuh

¹² Tŭngŭn anggor ngga tŭngŭn ara mbŭh rayu; sopŭrŭg tŭngŭn pimuruh mbŭh rayu ka kabŭs. Pinyigaŭn daya mbŭh mating.

JOEL 1:12 ပူးပေါင်းရင်းမြစ်များ

MAZMUR 4:7

Pak pinyigaŭn adi nggen Mai di aku rabis dŭ so adi re ngara biyŭn samŭn gandom ngga wain.

MAZMUR 92:12

Daya tŭnggŭn re mujur mun tŭngŭn kurma; ngara re udip mun tŭngŭn sedar Lebanon.

RAGU 2:3

Mun tŭngŭn epal di karu tŭngŭn kayuh di tuān, simŭnŭ inŭh dari adi aku siŭt kambŭi danding ngga dari dari adi bŭkŭn. Aku gagā guru di sayung-i, ka buwa-i sidi kinyam ku.

RAGU 4:13

diginŭ tŭngŭn anak kayuh bagŭ timbu ngara timbu mun risŭn delima ka buān buwa adi rabis sidi. Diginŭ bŭn re mating bunga henna ngga tŭngŭn kayuh adi buuh ramak,

ISAIAH 16:10

Madin mating daya gaŭn di tana ŭmŭh adi damŭn. Mating daya nyirais puan kah daya biragu di teya anggor. Mating daya mu-ngindik buwa anggor ngga ndai wain; sirais gaŭn mbŭh mating.

ISAIAH 24:11

Daya nyirais di aran raya amai wain mbŭh mating. Pinyigaŭn mbŭh manyap adu adu so ong.

ISAIAH 24:7

Tŭngŭn anggor rayu, ka wain mbŭh makin kurang. Barang naan adi ko pawŭn dawŭ-i mbŭh susah madin,

ISAIAH 9:3

Kaam mbŭh nggen di ngara pinyigaŭn adi bās, TUHAN; Kaam mbŭh bada ngara sanang. Ngara pawŭn angan kayuh adi Kaam mbŭh ndai, mun daya pawŭn kan ngara mbŭh ngatŭm gandom ngara puan kah kan ngara kutung pinyikaya adi ngara mbŭh sirapas.

JEREMIAH 48:3

Bara daya di Horonaim nyirais nang, ‘Pinyiganas! Pinyirusag!’

JEREMIAH 48:33

Pinyigaŭn ngga pawŭn mbŭh miyap so tarun tana damŭn Moab. Aku mbŭh bada wain ko ruah so tarun yŭn daya mŭ anggor; mating tia daya tukang ndai wain ka nyirais ngga gaŭn.

JOEL 1:10

Tana mbŭh mating pimuruh dieh; tana muās sabab gandom mbŭh dog pirusak, buwa anggor mbŭh pisŭk, ka tŭngŭn kanā mbŭh rayu.

JOEL 1:16

Di sirung jawin ami buwa pimuruh ami dog pirusak. Mating pinyigaŭn di Ramin TUHAN Tapa ami.

JONAH 4:7

Pak awar isan isan andu jawa ndi, so pinganang Tapa, ŭrŭd nyerang anak tŭngŭn kayuh-udip anŭ, ka-i kabŭs.

HAGGAI 2:19

Sunggu mating gandom dŭm, ka tŭngŭn anggor, tŭngŭn ara, tŭngŭn delima, ka tŭngŭn kanā bayuh buān, so madin Aku re nyiberkat angān.”

MALACHI 3:11

Aku dŭh re bada kadis pirusak pimuruh ngan, ka tŭngŭn anggor ngan re sarad ngga buwa anggor.

PINYIKIANG 13:23

Ngara mandŭg ka Rubān Eshcol, ka diginŭ ngara kapŭg ndi daan adi biyŭn ndi tibande tundun buwa anggor adi raru bat ndŭg ka duwŭh naan daya tawid-i ngga kayuh. Ngara taban gŭh ngga mari kada buwa delima ngga buwa ara.