JEREMIAH 9:3 - Hakcipta - Biatah Bidayuh

³ Ngara ari sidia an kadong; di ndi tarun tana rais, anŭ adi sawŭ dŭh bikuasa, pak atin bidikok mbŭh mritah. TUHAN nang, “Daya Ku dŭh ko ko ndai arap, ka dŭh ngaku Aku Tapa ngara.”

JEREMIAH 9:3 ပူးပေါင်းရင်းမြစ်များ

TIBIRIK 39:16

Ayŭh nyikŭn jipo-ambu Joseph ndŭg ka tuan Joseph mbŭh mari.

PITAS 12:5

Daya adi jujur re kana ngga kuu; pak daya ginaka kaŭs-i raan nipu kuu.

ISAIAH 1:3

Sapi puan asi dapu ngara, ka kaldi puan diki tuan ngara paan ngara, pak daya Ku Israel dŭh puan. Ngara manŭn dŭh mirati!”

ISAIAH 3:5

Barang naan daya re kinanyuh dingan-i. Daya adi mara re dŭh stabi di bara nyamba, ka daya adi dŭh biguna re dŭh stabi di pingubak ngara.

ISAIAH 6:5

Aku nang, “Mating pingarap ku tia! Mŭmbŭh inŭh aku ati, sabab barang bang piminyu adi ruah so baba ku inŭh bidosa, ka aku udip bigaur ngga daya adi barang bang piminyu-i bidosa. Pak ngga batŭh adŭp ku, aku mbŭh kiris Raja, adi TUHAN Bisa-pŭrŭg!”

ISAIAH 9:18

Pimudip ginaka daya bijagu mun apui adi man tŭngŭn reja ngga uduh pedang. Apui anŭ bijagu mun apui tuān adi bijambung asuh-i.

JEREMIAH 12:6

Ndŭg ka bara madis mu, bara adi darŭm rawang mu, mbŭh tirawan kuu; ngara sua ngga daya adi nyerang kuu. Dŭhnyah sabah ngara, sunggu pinganang ngara mandis.”

JEREMIAH 22:16

Ayŭh ngatur har daya sirata ngga pinyitŭnggŭn, ka sopŭrŭg kayuh tirase di ayŭh. Anŭ inŭh rati-i puan TUHAN.

JEREMIAH 31:34

Mating so ngara re sah ngajar dingan ngara adi samah bangsa bada puan TUHAN, sabab sopŭrŭg re puan Aku, so adi siabo sŭ ndŭg ka adi siabo bās. Aku re apun dosa ngara ka re dŭh tia ingat sarah ngara. Aku, adi TUHAN, mbŭh minyu.”

JEREMIAH 4:22

TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

JEREMIAH 5:4

Komŭnŭ aku pikir, “Ngara ati daya adi budo bawa. Ngara budo darŭm urah ngara; ngara dŭh puan ani anŭ adi Tapa ngara raan, kayuh adi TUHAN raan ngara ndai.

JEREMIAH 5:5

Aku re di ka yŭn daya adi bikuasa, ka minyu ngga ngara. Tatu ngara puan kayuh adi Tapa ngara raan, kayuh adi TUHAN raan ngara ndai.” Pak sopŭrŭg ngara tirawan kuasa TUHAN ka abah nundok di Ayŭh.

JEREMIAH 6:28

Sopŭrŭg ngara inŭh daya adi baking adi an birawan, riang mun timaga ka basi. Sopŭrŭg ngara arap, panu kamati kamanŭ kirakar arap daya.

JEREMIAH 7:26

Pak daya dŭh an dingah bait piduri kayuh adi ngara nang. Tanŭ ka angān jadi rabis baking ka an birawan mun tayung-babuk ngan.

JEREMIAH 9:5

Sopŭrŭg ngara nipu dingan-i, ka mating adi nang kayuh adi sawŭ; ngara mbŭh pikanyet jura ngara minyu kadong ka dŭh re ko bidosa. Ngara dŭh ko ko ganas, ka dŭh ko ko ndai pingandai tipu. TUHAN nang daya-I mbŭh tirawan adŭp-I.

JEREMIAH 9:8

Jura ngara keya ka reja-panah adi bisā; ngara ari kadong. Barang naan minyu mandis ngga dingan-i, pak sibatur-i ngga kudog dingan-i.

EZEKIEL 8:13

Komŭnŭ TUHAN nang di aku, “Kuu re kiris ngara ndai kayuh adi rabis sipŭ so anŭ.”

DANIEL 11:27

Komŭnŭ duwŭh naan raja anŭ re samah guru man di ndi mija, pak pinŭtŭn ngara re arap, ka re kadong dingan-i. Ngara dŭh re dapŭd kayuh adi ngara raan, sabab tipuh-i gibayuh mandŭg.

LEVITICUS 19:11

“Dŭhnyah naku puan kah ngakar puan kah kadong.

MARK 8:38

Kambŭi daya di turap ati adi ginaka ngga adi dŭh stabi di Tapa mangŭh ngarun Aku ngga ajar Ku, Anak Manusia re mangŭh gŭh ngarun ayŭh kan Ayŭh mandŭg darŭm bragah Sama-I ngga bara malaikat kudus.”

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

PINGANDAI 24:9

Daya Jahudi sua gŭh nyarah ayŭh buang nang sopŭrŭg kayuh anŭ sawŭ.

ROME 1:16

Aku mingangŭn di Agah Kana anŭ; Agah kana anŭ inŭh kuasa Tapa ngga nyiramat sopŭrŭg adi sabah, daya Jahudi diŭ, komŭnŭ daya adi dŭh bangsa Jahudi.

ROME 1:28

Sabab ngara abah ngaku Tapa, Tapa mbŭh tandah ngara ka darŭm pikir adi arap, isa ngara ndai kayuh adi ngara dŭh patut ndai.

ROME 3:13

Pinganang ngara mbŭh keya ka puno ngga rubang pinyikabŭs; ngara mbŭh raru pandai kadong, Bang piminyu ngara mbŭh keya ka rasun jippŭh ruah so baba ngara;

1 CORINTH 15:34

Nakit bipikir ka dŭh tia bidosa. Angān patut mangŭh ngarun kada so angān dŭh puan Tapa.

PHILIPPI 1:28

Dŭhnyah taru pinganyu ngan; ari bada adŭp ngan pagan ngga kiren di ngara adŭp ngan re manang ka adŭp ngara re arah, sabab Tapa inŭh adi nggen pimanang di angān.

2 TIMOTHY 3:13

buang bara daya adi arap samŭn bara pingadong re jadi rabis arap, nyibudo daya pak adŭp-i sua tibudō.

JUDE 1:3

Angān adi aku rindu, aku ko ngga situngang tungang ku nuris ka angān pasar pinyiramat anŭ adi samah ta dapu, kan aku kinyam raru biguna-i aku rasu nuris surat ati ngga ngatat angān da pijuu birawan yŭn pinyabah anŭ adi ndi sidah yŭn adu adu Tapa mbŭh nggen di daya-I.

PINANDŬNG 12:11

Bara dingan ta manang rawan ayŭh da deya Anak Biri ka da agah so Tapa adi ngara piagah. Ngara sanggup ruban asŭng-i.

AKIM 14:17

Sawŭn-i sien pasar kayuh anŭ sitadŭn ju andu gawai anŭ. Pak di andu adi ju, Samson kidaan di sawŭn-i rati atau anŭ, amai mbŭh anŭ anŭ nang sawŭn-i. Ka sawŭn Samson kidaan rati atau anŭ di daya Philistine.

AKIM 2:10

Sopŭrŭg adi darŭm turap takar anŭ kabŭs gŭh, ka turap bauh kambŭt TUHAN ngga sopŭrŭg kayuh adi Ayŭh mbŭh ndai yŭn Israel.

1 SAMUEL 2:12

Anak anak Eli inŭh daya adi ginaka. Ngara dŭh piduri TUHAN,