JEREMIAH 9:25 - Hakcipta - Biatah Bidayuh

^25-26 TUHAN nang, “Tika-i re mandŭg adi ngga Aku ngukum daya Egypt, daya Judah, daya Edom, daya Ammon, daya Moab, ka daya tarun tana-pajam, adi mbŭh kapŭg ubok ngara bada purok. Sopŭrŭg daya anŭ bisunat, pak dŭh sita simanya adi dog nandā ngga sunat anŭ. Mating so ngara anŭ ka mating so daya Israel adi mbŭh sita simanya Ku.”

JEREMIAH 9:25 ပူးပေါင်းရင်းမြစ်များ

JEREMIAH 4:4

Sita simanya adi angān ndai ngga Aku adi TUHAN ngan, ka nitah adŭp ngan ka Aku, angān daya Judah ngga daya Jerusalem. Kambŭi dŭh, baji Ku re bijagu mun apui adi dŭh tungang dog mura, sabab pingandai arap ngan.”

JEREMIAH 49:32

Sirapas onta onta ngara samŭn sopŭrŭg dāng kudip ngara! Aku re bada papar sasah ka barang yŭn sinadan ngara adi kapŭg ubok-i bada purok, ka Aku re bada pinyirusag nyatŭk ngara.

EZEKIEL 28:10

Kuu re kabŭs mun kasong di tangan daya tami adi dŭh puan tapa. Aku, adi TUHAN Raja, mbŭh pesan.”

EZEKIEL 31:18

“Tŭngŭn kayuh anŭ inŭh raja Egypt ngga sopŭrŭg rayat-i. Mating tŭngŭn kayuh di Eden bigatung buang ramus mun anŭ. Pak madin, mun tŭngŭn tŭngŭn kayuh Eden, ayŭh re mūn ka ong daya adi mbŭh kabŭs ka sua ngga ngara adi dŭh puan Tapa ngga ngara adi dog siŭ darŭm perang. Aku mbŭh minyu,” nang TUHAN Raja.

EZEKIEL 44:7

Ngara mbŭh nyembar Ramin Ku, sabab di tika ramak ngga deya sadis dog jugan ka Aku, ngara nyibandar daya tami adi dŭh bisunat ka adi dŭh tŭtŭd di Aku mŭrŭt. Ngga sopŭrŭg pingandai ngara adi sipŭ anŭ daya Ku mbŭh miranggar simanya Ku.

LEVITICUS 19:27

Dŭhnyah kapŭg ubok di panding ngan bait mŭpŭd gagap ngan

LEVITICUS 26:41

ka bada Aku rawan ngara ka bada ngara dog taran ka rais pinganyu ngara. Ngga pinŭbŭn-i di tika bara sesang ngan mbŭh pirapat adŭp ngara ka mbŭh trima ukum yŭn dosa ngga kraja ngara adi birawan,

AMOS 3:2

“So dupan sopŭrŭg bangsa di ong, angān adŭ adi Aku puan ka sita. Anŭ inŭh adi bada dosa ngan raru sipŭ, ka sabab anŭ inŭh Aku dŭh siŭn dŭh ngukum angān.”

ROME 2:28

Amai sawŭ, asi meh adi sawŭ daya Jahudi, adi batur bisunat? Ayŭh dŭh sianŭ adi daya Jahudi adi mbit dŭn so kayuh tura ka sapa, adi sunat-i taŭn pingandai pŭrŭng.

ROME 2:29

Sibandar-i, daya Jahudi adi sawŭ inŭh daya Jahudi adi tura ka darŭm, adi mbŭh bisunat di atin-i, ka anŭ inŭh pingandai Roh Tapa, dŭh pingandai Ukum-adat adi dog nuris. Daya adi mun anŭ trima puji so Tapa, dŭh so manusia.

1 SAMUEL 14:6

Jonathan nang di bujang dari anŭ, “Ja ata di ka bari daya Philistine, daya adi dŭh puan Tapa. Kadŭ TUHAN re turung ata; kambŭi Ayŭh turung, Ayŭh re nggen di ata pimanang, nisŭ bait kani bara ta.”

1 SAMUEL 17:26

David siken bara daya adi sindŭk ayŭh, “Ani upah daya adi siŭ daya Philistine anŭ ka pirupas Israel so dog pimangŭh? Buang ja, asi daya Philistine anŭ adi dŭh puan Tapa, adi natang bara soldadu Tapa adi udip?”